L.T General Soe Htut Thong Kum 5 Thlak Dingin Bia Ceih A Si!
===========
SAC Ministry of Home Affairs Minister L.t General Soe Htut cu Green Channel System in Myanmar ram passport riantuantu caah company pawl nih bawmh an halnak kong le eihmurnak kong he pehtlai in SAC lei nih September 25 ah rian dinhter in tlaih a rak si i, November 10 ah thong kum 5 thlak ding in bia an ceih hi a si.
Minister Home of Affairs L.t General Soe Htut cu of the Officers Training School, Bahtoo, 64th intake chuah ralbawi a si i, September zarhhnihnak lio ah eihmurnak kong he pehtlai in tlaih a rak tong. L.t General Soe Htut a pa hi ralbawi hlun Brigadier General Lun Maung a si.
SAC lutlai hruaitu L.t General Moe Myint Tun le L.t General Soe Htut cu an rianṭuannak in dinhter a si. An mah aiawh ah General Maung Maung Aye le L.t General Nyo Saw rianpeknak kong cu September 25 ah SAC buzik Min Aung Hlaing minsenthutnak in cathanh an chuah.
SAC lutlai hruaitu L.t General Moe Myint Tun le L.t General Soe Htut cu an rianṭuannak in dinhter a si. An mah aiawh ah General Maung Maung Aye le L.t General Nyo Saw rianpeknak kong cu September 25 ah SAC buzik Min Aung Hlaing minsenthutnak in cathanh an rak chuah.
SAC bawizik Min Aung Hlaing nih a zumh ngai mi SAC lutlai eihmurnak siangpahrang Lt. General Moe Myint Tun le amah hnuzul-orhlei kut a si mi Brigadier General Yan Naing Soe cu Myanmar kyat tangka man ngei lo in a umnak kong hna dothlat ding in SAC bawizik nih bia cahnak a tuah hna hnu in a leng lei Sui zuar, dollar zuar, rampi mualphoternak, zulhphung buarnak, a dik lo ning in laksawng laknak, phungning lo in ramdang tangka i chiahnak telh in sualphawtnak dangdang he Lieutenant General Moe Myint Tun le Brigadier General Yan Naing Soe cu eihmurnak he pehtlai in October 10 ni ah thong 20 thlak ding in biaceih an si.
Operation 1027 Le 1107 Lungtlin Pinak Ah North Okkalapa Peng Upadi Zung Bom Puahhnawh A Tong. 1027 le 1107 operation lungtlin pinak ah Yangon, North Okkalapa peng upadi zung cu November 10 zaan ah thazang thawng tak mi bomb puah a si tiah Freeland Attack Force-FLA nih thawngthanhnak a tuah.
November 8 zaan 8:17pm ah Anonymous Fighters Force -AFF ၊ Freeland Attack Force-FLA le Emerald Girls Army – EGA phu hna bawm in an kah hi a si tiah People Spring nih a ṭial. Mah Mission kahnak hi Shan chaklei Operation 1027 le Karenni peng lei operation 1107 cu kan dirkamh ve tiah langhternak ah Yangon peng ah Operation an tuahnak hi a si tiah an langhter. Yangon khuachung kahnak ah November 8 ni Tamwe peng Municipal zung, November 9 ah Tanhyin peng biaceih zung ah kahnak an tuah chih tiah theih a si.
Kalaywa PDF Hna Cu SAC Ralhrang Nih A Thlite In An Kah Hna Ca Ah Nunnak Liammi An Tam. Sagaing ramṭhen, Kalaywa peng chung um taulchung PDF hna cu November 9, zanlei sang ah SAC ralhrang nih a thlite in an kah hna ruang ah nunnak liammi an tam, tiah theih a si.
“Kahdohnak ruang ah an nunnak a liam timi thawng cu a dik ko. SAC ralhrang nihcun PDF 28 an thi tiin thawng an thanh. Kahdohnak ah aa telmi mipi ralkap (PDF) hna he pehtlaihnak kan tuah kho rih lo caah thawngfiang kan thei kho rih lo” tiah Kalay peng PDF in ṭuanvo ngeitu pakhat nih The Rihli Voice ah a chim. SAC ralhrang thawngzamhnak Fifty Two Telegram nih Kalaywa peng, Sinaingma khua pawng kahdohnak ah a thimi PDF pawl ruak 28 le hriamthil phun 25 an laak nakkong cu an langhter.
“Aluan ciami ni 3 hrawng khan Kalaywa in meng 20 tluk hrawng aa hlatnak Aungchanthar khua lei ah ralbawmtu an thlah mi hna SAC ralhrang cu PDF ṭangṭi phu hna nih kahdoh ding in an bawh hna timi thawng an theih caah atu bantuk in hi thil a cannak hi a si” tiah Kalaywa peng PDF in ṭuanvo ngeitu pakhat nih a chim.