Breaking News: CNA nih 107mm zenkhuan an ngeih khawh bal lomi Zenkhuan thar an cawk khawh cang. SAC ralhrang cu sumphomh in phomh an si cang lai tiah CNF minung pakhat nih lungmili Post ah achim. Hi 107mm Zenkuan a riantuan ning le a hmannak cu hnu ah kan van langhter te lai.
Kan Miphun caah chawva nan thawhmi zong a herhnak hmunhma le a khurka ah a phan ko tiah Pu Daniel Sakhong nih a Facebook cahmai ah a ṭial. Kan Miphun kilkamhnak caah thawngchin in kan kal khawhnak kan ngeihchiah chawva in thazang chuah chinchin ko hna usih. Crd:LMP
Thawngpangdang: Pago ramṭhen, Tantapyin peng, Zeyatkyi khuapi cu SAC ralhrang nih cunglei raltuknak vanlawng hmangin hriamngan an kah caah ngakchia 3 telh in tualchungmi 10 leng nunnak liam, midang 50 naak tlawmlo nih hliam an tuar, tiah tualchungmi hna nih Khit Thit Media ah an chim.
February 7, ah thok in February 8, zingka tiang SAC ralhrang nih Zeyatkyi khuapi cu cunglei raltuknak vanlawng hmangin hriamngan an kah caah ngakchia 3 telh in tualchungmi 10 leng nunnak liam, midang 50 naak tlawmlo nih hliam an tuar, khuasaknak inn zeimawzat a rawk chih, tiah theih a si.
Zeyatkyi khuapi le a pawngkam khuate in tualchung mipi cheukhat hna cu hmunhimnak kawl in an zaam, tiah an langhter.
Zeyatkyi khuapi SAC ralhrang sakhan 6 leng voikhat ah mizapi ralkap nih luhhnawh in an kah caah a tu bantuk in ralhrang nih tualchung mipi cungah kahdohnak an tuah hi a si, tiah an chim.