Bank Tangka Le Midang Tangka Fir Ruang Ah Brazilian Tik Tok Milar Palik Nih An Tlaih
==========
Social media ah a taksa dawhnak langhter in Tik Tot video a tuah mi Brazilian model le influencer cu bank tangka fir konglam ah palik nih an tlaih tiah kan theih. Tulio social media Tik Tok ah followers 6,30,000 tluk a ngei kho tu Brazilian influencer Karina Laino Gomes le a tlangval pa Edmilson Souza Da Silva hna cu palik nih an tlaih hna tiah theih asi.
Karina Laino Gomes le a tlangval pa Edmilson Souza Da Silva hi bank phun dang dang ah ATM hmang in midang tangka an fir lio le an deposit lio i tangka an rak fir piak tawn hna ca ah palik nih an cawlcangh ning ngiatlai in caan raulo hnu ah an tlaih khih colh hna.
Investigatator hna nih an langhter ning cun, Gomes Tik Tik model nih hin midang tangka fir khawhnak ding ah a taksa dawhnak in a lem hmaisa tawn hna, hi lio caan hin amah a bawm tu hna nih meithal an rak dir awnh hna i tangka an hel hna tiah an langhter.
Tik Tik Model KArina hi palik nih an tlaih hlan le account an phih piak hlan ah Instagram lei ah followers 5,00,000 renglo ngei in Brazil ram ah cun milar pakhat asi. Palik nih an tlaih hna hlan hin an kut cung ah 38.Caliber handgun an tlaih chih pin le an tangka firning kong an i phuan pin ah midang a bawmtu minung pali min zong an chim tiah theih asi.
Monywa Khuapi CTC Sianginn Ah Umhmun A Khuarmi SAC Ralhrang An Kah Hna, 3 An Thi; Sagaing ramṭhen, Monywa khuapi um GTC sianghleirun ah umhmun a khuarmi SAC ralhrang pawl kan kah hna caah ralhrang 3 an thi, tiah Golden Eagle Force- Monywa in ṭuanvo ngeitu pakhat nih June 15 ah a chim. June 14, nizan chung suimilam 1:00 tluk ah a thlithup in an luhhnawh hna i an kahdoh hna caah minute 6 chung kaphnih kar kahdohnak a chuak.
Gate kutka ah a ummi SAC ralhrang 4 chung ah 3 an thi i, dot 3 naak ah a ummi SAC ralhrang pawl nih an kah hna caah mipi ralkap in minung pakhat nih a lu ah hliamhma a tuar caah mipi ralkap hnulei an tholh ṭhan, tiah Khit Thit nih a langhter. Cu kahdohnak cu Golden Eagle Force- Monywa, Red Star Fron-PLA, Brahmin guerrilla force, Wild Buffalo Guerrilla Force hna fonh in an si, tiah kan theih. Crd; Lungmili Post