Bangladesh Ram Chung SAC Hriampi A Tlaknak Kong Ah Myanmar SAC Palai Bangladesh Nih Ralrinnak A Pek.Myanmar ramri lawnh in Bangladesh ram lei ah hriampi a tlak ruang ah Bangladesh ram mi 2 an thihnak kong he pehtlai in Bangladesh ram um SAC ralkap palai Aung Kyaw Moe cu Bangladesh Foreign Minister Dr Hasan Mahmud’s nih February 6, 2024 ah ralrin a pek tiah theih a si.
Kotbazaar pengkomh ah Myanmar ram lei in an rak lut i Rakhine ram lei in hriam kuan cu Bangladesh ramchung a tla ruang ah ram chung mipi an thinak kong he pehtlai in SAC ralkap lei an tuahsernak cu kan cohlan kho lo, Rohinya pawl Rakhine ram lei kan kuat than hna lai tiah Dr Hasan Mahmud’s nih an chim.
Kahdohnak ruang ah Myanmar ram in a rak tli mi ramri hngak ralkap 299, an chungkhar telh in Bangladesh ram ah an rak lut tiah a chim.
SAC ralkap pawl Myanmar ram lei kuat than than ding in ton biaruahnak an ngei tiah Bangladesh Foreign Minister Dr. Hasan Mahmud’s nih a chim chap.
Rak Rel Chih :Kalay Khuachung Chan Myeik Aung Sii, ချမ်းမြေ့အောင်စည် Sang Ah Inn Kang. Kalaymyo khuachung, Chan Myaik Aung Sii Sang, February 7 zinglei sml 11:15am ah inn a kang tiah theih a si. Inn mei a kanghnak kong hi fiang tein theih a si lo.
Kalaymyo khuachung ah sang (Ward) 20 an um. Mah hna cu 1.Nyaung Pin Thar Ward, 2.Pin Lon Ward, 3.Aung Thit Sar Ward, 4.Aung Min Ga Lar Ward, 5.Tar Han Ward, 6.Mingalar U Yin Ward, 7.Aung Myay Man Ward, 8.Aung Zaya Ward, 9.Chan Myeit Aung Si Ward, 10.Tat U Thida Ward, 11.Thazin Ward, 12.San Myo Ward, 13.Taung Pee Lar Ward, 14.Taung Zalat Ward, 15.Gyo Thone Pin Ward, 16.Hlaing Thar Yar Ward, 17.Myo Hla Ward, 18. In Daing Kone Ward, 19.Myo Thar Ward, 20, Taungngo-Pyinthar hna an si . Village Tracts (Ohsuh) khuakomh 41, le Village (khuate) ah khua 185 an um.
Thawngpang Dang Rak Rel Chih :SAC Nih Uknak A Lak Hnu Shwedagon Pura Ah Rithai Sii A Hmang Mi An Tam .SAC ralkap nih uknak a lak hnu ah Myanmar ram mipi tam-u Buddhist nih an biak i an upat ngai mi Shwedagon Phayar ah rit sii a hmang mi an tam tiah Shwedagon phayar biak ding in a ra kal mi nih People’s Spring media ah a chim.
“Shwedagon pura hmun chung a um mi zuun-ek inn chung ah rit sii a hmang mi an um. SAC nih uknak a lak hnu Shwedagon pura ah ralkap le palek nih hunhimnak lak in an um hnu ah atu bantuk in rit sii a hmang mi an hun um” tiah People’s Spring ah a chim chap.
Shwedagon pura hmun nitlak lei inn le zuun inn-ek inn ah zanlei in zaan ah WY rit sii an hmang, sii rim in theih khawh a si tiah an chim.
Mah bantuk in Shwedaton ah rithai sii hman le a zuar mi hna hi SAC ralkap le Palek he pehtlainak a ngei mi an si hrim lai tiah lunghrinhnak a um tiah media nih cun a chim ve.
Ralkap nih uknak a lak hnu ah SAC nih mipi pawl dothlennak ah tel lo in i nuam hna she tiah stage show, nigh club, bar ah rithai-sii pawl an zuar ter hna tiah theih a si.Credit : The Chinland Post