Aung San Suu Kyi Min an sak nak a ruang hi a rak mak ngai. Vawleicung nih an upat ngaimi, Nobel Prize tiang an rak pek cangmi Aung San Suu Kyi a min hi min pathum komh in an sak mi asi. Aungsan timi a pa min Aungsan in an lak mi asi ii, SUU hi a pi{Apa nu/Daw Suu} min cheu an lak, KYI hi a nu min KHIN KYI min cheu an lak tthan ii, AUNG SAN SUU KYI tiah min pathum komh in sak mi asi. Crd:Mr.Lianching
Thawngpang dang: Yangon Aung Mingalar Motor-Gate Hmunpi Mei Kanghnak In Shwe Linn Yung Gate In Rianṭuan Minung 3 Nunnak Liam
=========
Yangon ramthen, Mingaladon peng um Motor chiahnak Car-Gate cu February 5, zing ah a kang i a hmun ah minung 3 ruak kan hmuh, tiah tualchung mi pakhat nih Khit thit media ah a chim.
February 5, zing suimilam 5:05 in 6:00 tiang Motor chiahnak Car-Gate hmunpi hi a kang. Mei kanghnak hi Aung Mingalar Gate, Pasohwin, Tanintharyi lei, Shwe Linn Yung Gate in aa thok i cu hnu ah hmundang dawrkhan pa 10 nak tlawm lo a tlaih chih hna tiah theih a si. Mei nih ciam dih in aa kangh mi Shwe Linn Yung Gate chawdawr hna ah ruak 3 an hmuh tiah theih chih a si. Lungmili Post
Relchap: Demoso Ralhrial Siangsangrun SAC Nih Hriamngan A Thlakhnawh Hna Caah Ngakchia 4 Nunnak Liam, 10 Leng Nih Hliam An Tuar. aKareni ramkulh, Demoso peng, ralhrial hna fimcawnnak siangsangrun cu SAC ralhrang nih raltuknak vanlawng hmangin bomb an thlakhnawh hna caah ngakchia 4 nunnak liam, 10 leng nih hliam an tuar, tiah Kareni hmunhma thawng laaknak hrampi nih JOBS For Kayah a langhter.
February 5, zing suimilam 10:00 tluk ah ralhrial ngakchia hna fimcawnnak siangsangrun cu SAC ralhrang nih raltuknak vanlawng hmangin bomb voi 2 tiang an thlakhnawh hna caah kum 11 in 13 karlak pa ngakchia 4 nunnak liam, midang 10 naak tlawmlo nih hliam an tuar, tiah tiah theih a si.