Rakhine ralkap AA sinah va fonh in raltu mi phu an tampinak kong anmah AA upa hna sin zongin kan theih pin ah AA he ral an tuk ttinak cathanh chuahtu phu zong an um pah len hna.
Mah hna phuchung lakah phukhat simi pakhat nih a chimmi ahcun ngaihchiat awk ngai simi thil a hun ummi ah, “ralhmaisuang ah an kan kalter peng, nain an sin ah raltuk tti dingin le an kawngkeng ah va awk thlai dingin kan va kal tikah kan ruah thiam deuh ko.
Nain a harcem mi ahcun, kan nu ralkap pawl kha duh poh in le ningcang loin AA ralkap nih an tuaitam hna mi ah i theihter lo bantuk in i umter a hauh tawn hi a har bik” Note, mitthli a luang i, thin le lung mei bang a alh.Crd:Salai William HC
Thawngpang dang: Bangladesh Ram Ah A Zaam Mi Ramri Hngak Ralkap Pawl Cu Myanmar Ram Ah Kuat Ṭhan An Si Lai. Bangladesh ram ah a zaam mi SAC kuttang ramri hngaktu palik le ralkap pawl cu a rauh hlan ah Myanmar ram ah kuat ṭhan an si lai, tiah Bangladesh Foreign Minister Dr. Hasan Mahmud nih February 12 ah a chim.
Bangaladesh le Myanmar ram aiawhtu tonbiaruahnak ngeih hnu ah Bangladesh ah a rak zaam mi ramri hngak SAC kuttang ralkap pawl cu a rauh hlan ah kuat ṭhan an a si lai nain kuat ṭhan ding ni thla tu cu an thanh rih lo.
Myanmar ram buainak ruangah Bangladesh ram humhimnak cu dinhdorh a si lai lo kong Foreign Minister nih a chim pin ah SAC kuttang Myanmar Ambassador sin zong ah faak piin duhlonak kan langhter, tiah a chim.
Bangladesh ram ah Rohingya miphun nuai 1.2 leng an um i humhimnak kong ah harnak kan tong cuahmah. Khuacaan thlennak nih harnak a chuahpi lengah phungning lo rithaisii hmannak zong in harnak kan tong cuahmah, tiah a chim chap. The Chin Post