AA ralkap chia dih i AA hmang in MARA peng dih lak uk dih an i timh timi bia thli thup kan theih mi!
==========
MDF tupung pawl nih MARA peng dih lak chung ah AA ralkap chia dih i AA hmang in MARA peng dih lak uk dih an i timh timi bia thli thup kan theih mi a um cu caah chin mi dilak ramchung ram leng ralring te in um kan hau.
Lo kal mi, nga hring dawi mi le khual tlawng mi nih MDF tupung nan hmuh hna ah cun nan mah le khua bawi sin ah maw si lo le nan mah he neihniam bik minung sin ah a rannak in thawng thanh ding in kan in thei ter hna. Sui mi lam cu zat ah, thla ni cu zat ah , cu ka hmun ah kan hmuh hna, cu ka lei cu an kal timi fiang te in thawng than khawh I zuam cio hna usih.
MDF tupung pawl hihi rak thei uh AA sin ah a saubik kum nga nan um kho men lai na in chin ram le chinmi cu vawlei a hmun chung poah kan hmun lai. AA sin nan um ti lo hnu Kum 5 pin lei kong khi nan ruat bal maw, nan ruat bal lo ah cun rak ruat cang uh nan nun chung chinram chung ah nan tawk ka chiahnak nei lo in kan in tuah hna lai.
Hel kutka tiang kan in dawi hna lai. hi MDF dawi ding rian hi chin mino chan 10,000 hman kal seh law kan rak peh peng lai. MDF nih Lailenpi mipi ralkap an Kah mi hi ngaihchiat awk ngai a si ko, MAH a do mi veve ral serh in Kan um hi ngaih chia ngai asi.
Paletwa peng AA nih an Kan chuh sual lai nak hmanh in kanmah Chinmi chungin kanmah le kanmah Kan I huat Kan I doh Kan I that mi hi a fakbikmi a si.Paletwa peng I ralhrang dawitu hi AA an si ko nain MDF an I tel ve.Cucah cun AA lawng nih a pum in Co awk a tha hlei lailo.MDF nih an Co a herh deuh te lai. MDF cu Chinmi an si ko caah Paletwa peng cu Chinland Ramri Chung thiamthiam ah a lut te ding khi a va si ko eh.
Chin damiah phu 2 hna hi ngaihthiam awk ttha an site lai maw? Ramchung ramleng Chin mipi hna nih ,a bik in tangka tho tu ramleng Chin upa le pengtlang hruaitu hna nih lungfim tein khuaruah a cu tuk cang. Khuaruah kan ipalh sual ahcun ralhrang kan doh kan timi ah hin ralhrang doh kho loin um kan fawite.
Chinmi nih a tthawngmi ralkap bu kan ser a hau,mah lo cun Chinram ah mah le pengtlang chung lal le bawiduh ah thlachiat ruat lo tam chin dawh kan si tikah fimkhur tein khua ruah hau. Thisen tampi a chuah hlan ah pengtlang ralkap hna kha pakhat ah fun zokzok hna usilaw kan Chinram hi a him lai i a luatmi ram kan si zau ko lai. Rakhine AA nih hin pengtlang hriamtlai hna hmangin Chinram hi a cheuhmal( khuai) timh lai caah kan i ralrin cia a hau.
Chinram ah damiah le tupung an karh chin lengmang lai lo ti khawh silo. Chin miphun nih a tthawngmi ralkap kan ngeih le ser ahcun kan ralpa kha a duh in a cawl ngam ve lai lo. A tu hmanh ah AA bochan in MDF timi pawl nih Chin ralkap pahnih nunnak an laak cang hna, mahhi aa thokka lawng si kho, pengtlang dang hriamtlai hna zong hi AA bochan in kutke a cheih le lek an um zau te lai.
Mah pawl hna nih Chinram kong an ruat ti lai lo,an pengtlang minput in power ngeih le lalnak lawng kha an ruah cang lai. Chinmi ralkap bu tthawngmi kan ser lo cun, pengtlang miphun ttengnge tete hmang in AA nih kanmah le mah a kan doh ter lai i, Paletwah chimlo, Thlanglei Chinram pengkip tiang a kan chuh te kho. Cucaah Chinmi nih a thawngmi ralkap bu ser zok hau, fund kawl pawl zong nih kua pakhat teah kan tangka luanter le rawn a herh,mah lo cun AA nih hin kalpah hnor khin kan ram a kan en/laak duahmah ko lai.
A tu ah AA nih MDF a zuat cang hna i pengtlang dang hriamtlai zong a zuat te rih men hna lai. MDF hruaitu ramleng um pakhat nih kan hnulei te ahkhan “Lailenpi le Thantlang ramri leiah AA kan hun kaiter hna hnga maw” tiah capo biatak pah khin a ka timi ka ruah tikah a tu Lailenpi ah Chin ralkap pahnih hna cu, AA zuatmi MDF nih an thah taktak ko hna.
Chinmi miralttha, AA te hna chimlo, kum 70 upa cangmi hriamtlai kawl ralhrang hmanh pei kan tukdoh cuahmah cumu,kan biartung let usih! A herh cemmi cu pengtlang hriamtlai hruaitu a bikin ramleng upa pawl nih faakpi khuatuak tan a herh tuk.
Nangmah le keimah kutin Chinhrin thisen dorkhat zong chuah ter hmasa hlah usih, Chin hrinsor thisen a chuahter tu minung,miphun le pengtlang tucu vawlei caan a dongh hnu zongah ngaihthiam an si ti lai lo.Hell ram le Rakhine khualipi Sittwe tiang an zaam zongah dawi hna hna ding.
MDF hruaitu upa tampi cu Mizoram Siaha khuaah hmun khuar in an um hna.A ruang cu MDF cu Siaha peng Mara nih an dirkamh hna tiah kan theih. Lawngtlai peng nih fek chinchin in kan dirpi chin ve ulaw. Nan pengtlang nih ralkap bu nan ser dingah cun, Zapi funnak ah le one command um dingin ser le dirh cio ding si lai. Credit: Salai William Hlawnceu