AA Hriamtlai phu pawl nih Chin ramkulh thlanglei cu an lak thluahmah cang!
=========
AA Hriamtlai phu pawl nih Chin ramkulh thlanglei cu an lak thluahmah cang. Matupi peng Lailengpi hmanh khi an “controlnak” area map ah an chiah chih. Paletwa vialte, Mindat le Kanpetlet area cheukhat, AA sin ah nawl an hal ah cun MAH ralhrang an duh poh in an kal kho. AA nih nawl a tlaih tinak asi.
Mindat kyauh thuh lam tbtk hna AA nih a control dih. Apoi bikmi cu Mindat CDF le Matu CDF le MDF lei nih AA sin ah training an kai, hriam an i lak tik ah, an pa asimi AA tang ah an um cang. Mah hi ram hmanh van tha than seh law a phoih a fawi te lo dingmi hnahnawknak asi te lai.
AA pawl hi ralhrang kan doh kar hi caanṭha ah i lak riangmang in thlanglei Lairam khi chuh an kan timh taktak ko rua. Lungrawk ngai kan si ne, tu bantuk in tu an cawlcangh ning hin cun Min Aung Hlaing ralhrang hmanh hi tei kho hna usihlaw ramri kong ah AA he biatak tein i doh ṭhan hau dawh kan si ko. Thazaang khat le ruahnak khat in kan i funtom cang ding hi a herh in a biapi bak ko cang.
Ram hi tha taktak sehlaw atu i kan ruahning bantuk hin a si men lai loh. Zeicatiah federal states ciocio ahcun sipuazi a thatnak le um duhnak hmun paoh ah ithialkam si ko lai, icawhnuk in. Cucu USA le Australia te hna ah hmuh khawh an si ko. AA nih Chin ram an controlmi cu a tha ka tinak tu cu a si loh. An um tu ning a dik ti loh. Chin ralkap zong a thawn le ai fit bak hau cang. CNA ah I bur viar ah hna a ngam ding khi asi.
Mindat Ah Siizung, Sianginn Le Zungkip Cu SAC Ralkap Nih An Phihter Hna. Chin ramkulh, Mindat ah SAC ralkap nih August 22 thawk in SAC kuttang um zungkip, siizung le sianginn hna cu an kharter hna tiah tualchung mi nih an chim.
Cu hlan ah cun Mindat khuachung ah a ruang um loin zungkip kharter a rak um bal lo. Kahdohnak a chuah caan ah caan zeimawzat an kharter tawn hna nain tutan ah cun a ruang um loin an kharter hna, tiah theih a si. “SAC ralkap pawl zong an umnak sakhan in leng ah an chuak bal lo i, khuachung um siizung le sianginn telh in zungkip an kharter hna. Zeiruangah atu bantuk an tuah hi a ruah awk kan hngal lo,” tiah tualchung mi pakhat nih a chim.
Mindat khuachung ah ralvennak a tuahtu SAC ralkap motor cu a luancia July 30 ah Chin ralkap le pah kah phah nih an rak kah hna caah, Mindat khuachung ah a min chia ngaimi pengkomh palik bawi Aung Myat Thu cu fak ngai in hliamhma a rak tuar i Mindat siizung ah an thlop cuahmah, tiah theih a si. Mindat-Yaw ramri ah SAC ralkap nih vanlawng in kherhhlainak voi tampi an tuah, Kyaukhtu in Yaw lei zong ah SAC ralkap nih rallam an sial, tiah CDF-Mindat sin in theih a si.
Mizoram Ah Tlanglawng Lam Hlei An Sak Lio Mi A Cim, Minung 20 Leng An Thi. India, Mizoram chung um Aizawl pengkomh, Sairang khuapawng tlanglawng lam a cimh ruang ah minung 20 leng an thi tiah theih a si. August 23 zing suimilam 9:30 hrawng ah khan Mizoram chung ,Bairabi le Sairang kar tlanglawng lam hlei number 196 cu ruah lopi in a cimh ruang ah riantuantu 26 an thi. August zaanlei 5:30pm tiang ah mithi ruak 18 an lak khawh cang hna tiah Mizoram News in theih a si.
Mah hlei hi Sairang khua Zero point khuapawng Kurung tiva ah sak mi tlanglawng lam donhhlei a si i hlei cim ruang ah hliam a pu mi 3 cu Aizawl siizung ah an kal pi hna. Khamrang le Sihhmui khua karlak ah tlanglawng lam ding i ser mi hlei cu a cim. Hlei hi tlamtling tein dawnh(ser) a si hlan ah a rawk tiah theih a si.
Atu tlanglawng lam hi Myanmar ram nih kum caan saupi an rak hngah mi Sittwe tilawng dinhnak awnnak a tuah hnu ah India tlanglawng Department nih Myanmar le Mizoram karlak tlanglawng lam tuah ding in 2023, August zarhhnihnak ah thawngthanhnak a rak tuah.
Mizoram chung, Bairabi le Sairang khua karlak i tlanglawng lam hi Northeast Frontier Railways (NFR) pawl nih an ser mi lam a si. Tlanglawng lam hi 51.35 km a sau mi a si i 2021 khan ser hram an rak thawk. Atu 2023 December thla ah hin ser dih ding in timhtuah a si.
Myanmar ramri he neihniam Mizoram Aizawl- Zorinpui in Habitchuwa tiang 223 Km a sau mi tlanglawng lam tuahnak ding ah tlanglawng lam a sau le a kalnak ding vialte mengtung tah a si dihnak kong zong India tlanglawng department lei nih an rak chim. Cun project pi aa lim ahcun Nepal ram le Bhutan ram ca tiang santlainak tampi a chuahpi lai tiah an chim.