Kalay Kiangkap Kahdohnak Ah CNDF Ralkap 4 Nunnak A Liam.Sagaing ramṭhen, Kalaymyo le a kiangkap kahdohnak ah CNDF ralkap 4 nih ram le miphun ca ah an nunnak an pek, tiah theih a si.CNDF ralkap Salai David New (VCS, CNDF), Mai Sui Nuam Kim, Salai Amos Van Nei Lian le Salai Mang Pu nih ram le miphun ca ah an nunnak an pek, tiah tualchung mi hna sin in theih a si.
Falam Regional Committee nih “Nunnak a petu CNDF ralkap hna nan nun nan pek mi hi kan ram ca ah a lak a si hrimhrim lai lo. Nan tuanbia hi kan lungthin ah a caam zungzal lai i nan nih cu aa dawh tuk mi zumhtlak keneh ngeitu nan si” tiah an langhter.Kalaymyo kiangkap kahdohnak ah SAC lei in ralkap 5 an thi ve i, Sekan khua cu tualchung hriamtlai ṭangṭi phu nih zahan February 22 zan ah an laak.
Thawngpang Tha Tuk :HBA Triennial General Meeting Pi Cu Tlamtling Tein An Lim, GS Ah Rev. Chan Peng Hmung An Thim Ṭhan.Chinram khualipi Hakha, Agape Baptist Church ah tuah mi Hakha Baptist Association(HBA) Triennial General Meeting cu tlamtling tein an lim, tiah theih a si.
“Nihin February 23 ah tuah mi HBA Triennial General Meeting cu zing suimilam 8:30-4:30 tiang kan tuah i General Secretary ah Rev. Chan Peng Hmung kan thim ṭhan. Associate General Secretary ah Rev. Dr. Than Ṭhio kan thim i President ah Rev. Dr. Lal Pek Lian Kan Thim hna,” tiah General Meeting a kai mi pakhat nih The Chin Post ah a chim.
Nihin Meeting ah MABC, ZABC, BABC, Chuncung, Tinam, Loklung, Lungphun, HBC, ZBC, Immanuel, Bethel, Bethlehem. HTBC, Peniel, Galilee, Olive, Agape, Carson, SMBC, Nazareth, KBC le MLBC in aiawhtu hna an kai i an dihlak minung 400 hrawng an si, tiah theih a si.
“Atutan HBA Triennial General Meeting kan tuah cu a sunglawi ngai, a ruang cu Agape Baptist Church kum 10 tlinnak “Tin Jubilee” le peng pumh kemhchih. February 24 ah Agape Baptist Church kum 10 tlin caan hmannak programme a si lai,” tiah Meeting a kai mi pakhat nih cun The Chin Post ah a chim.Church kip aiawhtu minung 400 hrawng cu Agape Baptist Church nih sia 3 le vok 3 in thaithawh le zanriah an dangh hna, tiah theih a si.Credit : The Chin Post