Paletwa Peng Ah Arakan Army AA Nih Gate Tuah In Ei Din Thilril A Lut Mi Tax An Lak. Chin ramkulh, Paletwa peng ah mipi ei-din thilri a phortu hna cu Arakan Army AA nih gate tuah in tax an lak hna tiah Kimo Media sin in theih a si.
Paletwa pengchung kahdohnak ah Paletwa-Kyaukdaw ti lam, Motor lam vialte khar an si caah tualchung mipi ei mi facang le adang thilri vialte cu Myanmar-India ramri Mizoram lei in a rak lut mi cu AA nih gate tuah in tax an lak hna.
“Ramri Shin Let Wa khua ah AA nih gate an tuah. Paletwa ah kahdohnak a um hnu in tualchung mipi cu ralzaam in an um caah riantuan ding a um lo hlei ah tangka hmuhnak zong an ngei lo. Mah bantuk chan chia karlak caan ah a tu bantuk in AA nih tax an lak hi mipi kan si caah a har ngai ko” tualchung mi nih Kimo media ah a chim.
A Zual Ko Ee :Gangaw Le Kalay Karlak Um Myauk Khin Yan Khua Alliance Operation Ah Tlaih A Tong Mi YDF Ralkap 2 Cu An Nun Bu In Mei An Khangh Hna. Gangaw peng le Kalaymyo peng karlak, Gangaw peng um Myauk Khin Yan khua Alliance Operation ah tlaih a tong mi YDF ralkap Pho Hte, ralkap Ta Thong cu November, 2023 ah SAC ralkap Pyusawhti hna nih an nun bu in mei an khangh hna tiah theih a si.
November 7, 2023 kum Gangaw peng Myauk Khin Yan Pyusawhti khua Alliance Operation ah YDF, CNA, CDF-KKG, Naganyinaung, Yaw Nyi Naung B-aka-pah tangrual phu kahnak ah YDF ralkap 2 cu an rak tlaih hna i thir in an hren hna hnu ah an nun bu in mei an rak khangh hi a si.
YDF thawngthanhnak ahcun, Gangaw peng, Myauk Khin Yan Pyusawhti khua chaklei um Sii-inn hmai Kukku kung tang ah YDF ralkap 2 cu nun bu in mei an khangh hna, tlaih an ton lio ah a phunphun in an hrem hna i mei an khangh hna lio ah tualchung mipi cu innkhat pakhat chuak in an zoh ter hna tiah theih a si.
Mah bantuk in a tuahtu Myauk Khin Yan khua pyusawhti hruaitu Htet Wai nih a tuah mi hi vawlei cung mi vialte nih thei dih hna seh ti kan duh tiah Gangaw peng thawngzamhnak ah an tial.Credit : The Chinland Post