Arakan Army AA Kahdohnak In Bangladesh Ram Ah A Zaammi Ramri Hngak SAC Kuttang Palik 180 An Phan. Arakan Army AA kahdohnak ruangah Bangladesh ramchung a zaammi SAC ralhrang kuttang palik ramri hngaktu 180 tluk an phan cang, tiah Bangladesh thawng laaknak bdNews24 nih a langhter.
Rakhine ramkulh, Maungdaw peng Aung Tha Pyay ramri hngak SAC ralhrang kuttang palik sakhan cu Arakan Army AA nih an kah hna caah phu 2 ṭhen in palik chungtel dihlak fonh 179 hna cu March 11, ah Bangladesh ramchung ah an zaam tiah theih a si.
March 11, zingka ah a phukhat naak SAC ralhrang kuttang palik 29 a an lut hmaisa i, zanlei sangah a phu 2 naak in 150 an lut ṭhan tiah (BGB) nih a chim.
March 10, 2024 zanlei suimilam 4:00 ah thok in March 11, tiang Arakan Army AA nih Maungdaw peng Aung Tha Pyay ramri hngak SAC ralhrang kuttang palik sakhan cu an kah hna tiah an langhter. Lungmili Post
Relchap: Nunnak liam mi Lia Nian Khawm Zo cu Chin ramkulh, Tedim peng, Valvum khua Pu Gen Za Cin le Pi Nu Vung Go Cing hna i an fanu a si. A thihnak kong he pehtlai in Singapore palik nih hlathlainak an tuah cuahmah lio, tiah theih a si.
Ruak thlahnak ah aa telmi pakhat nihcun “A umnak inn cu dot 6 a si. Atu hi palik nih hlathlainak an tuah liopi a si, Singapore a phaknak caan zong a sau rih lo. Myanmar ram ah a ruak an tlunpi lonak ruang cu a nu le pa hi ral an hrial ve caah a si. A ruhdap tlunpi tu ding an um ahcun ṭha tein kan chiah ko. A nule pa lungtlin ning tein a ruak cu vui a si. A ruhdap tlunpi khawhtu hi a biapi ngaimi a si” tiah a chim.
Lia Nian Khawm Zo ruak cu March 12, zan suimilam 7:30 tluk ah Singapore ram ah mei khanghnak in an vui, tiah theih a si. A luancia 2016, July thla zong ah Singapore ram ah sinum rianṭuan mi fa pakhat ngeimi Pi Piang Ngaih Don (kum 24) cu inn ngeitu nih phuntampi in an hrem ruang ah a nunnak a liam i Singapore biaceihzung nih inn ngeitu nupa hna le thazaang a petu hna pitar nu cu kum caan saupi thongthlak ding in bia an khiahpiak hna, tiah theih a si. Lungmili Post