Malaysia Cozah Nih An Ram Chung Ah Phung Ning Loin A Rak Lutmi Ramdangmi Vialte An Ram Kir Ṭhan Dih Ding In Cathanh A Chuah. February 29, 2024 ah Malaysia cozah nih Malaysia ram chung ah phungning loin a rak lut mi ramdang mi vialte passport asiloah Certificate of identification ( C of I ) le tlunnak vanlawng ticket hna i ken in
March 1, 2024 in March March 31, 2024 chung ah Immigration Office ah dantatnak phaisa 500 Ringgit nan liam lai i nan liam dih hnu ni 14 chung ah Malaysia ram in nan chuak khawh, tiah Myanmar Embassy Kuala Lumpur, Malaysia nih cathanh an chuah.
Malaysia ram ah phung ning loin a rak lutmi Myanmar rammi hna zong Malaysia cozah nih ri a khiahmi ni le caan chung ah Myanmar ram nan kir khawhnak ding caah passport a ngei lomi poh nih Myanmar Embassy Kuala Lumpur, Malaysia ah C of I sok khawh a si i Myanmar rammi nan si tak ko ahcun kan in chuah piak hna lai, tiah an thanh.
Myanmar rammi hna nih Consular Service kong fiang deuh in theih nan duh ahcun Myanmar Embassy whatsapp no. +601125105774 ah cakuat khawh kan si, tiah an thanh chap. Lungmili Post
Thawngpang dang: CDF-Daai, CNA le ṭangṭi phu hna nih 2024, January 28 in February 1 tiang kahdohnak kan tuah i SAC ralhrang Officer pawl telh in 59 kan tlaih hna, tiah an langhter.
January 28 kahdohnak lio ah SAC ralhrang Captain 1, Lieutenant 1 le Sergent 2 telh in an dihlak 15 an tlaih hna. Cu pinah February 7, Lawngpui tlang kahdohnak ah SAC ralhrang Lieutenant 1 le Sergent 3 telh in 23 nih an hriamnam an chiah i CDF-Daai in minung 1 nih hliamhma a tuar.
SAC Ralhrang Sah-kah-khah 15, Buthidaung hrambunh kuttang um Khah-mah-yiah 233 Battalion in Battalion Commander Second Colonel Aung Tun, Major 1 le Captain 2 cu an ruak in kan char hna i Major 1 le Captain 5 telh in 14 kan tlaih hna, tiah an langhter.
February 10 le 21 kahdohnak lio zong ah SAC ralhrang Major 2 le Captain 3 telh in 7 kan tlaih hna.
2024, February 1 in 28 tiang kahdohnak caan chung ah SAC ralhrang sinin hriamthil tam ngai zong kan laak chih. Tlaihkhih mi ralhrang 59 lak ah hliam pumi 7 hna zong kan thlopbul hna i Upadi ningin kan kalpi hna lai, tiah Chinland Defense Force-Daai nih cathanh an chuahmi ah an langhter chih. Lungmili Post