Ukraine Chaklei Hmunram Avdika Khuapi Cu A Dihlak In Kan Humhak Cang _ Russia
=========
Russia nih an humhak mi Avdika khuapi hi Donetsh chaklei hmunram in kilometer 15 tluk aa hlatnak hmun ah ummi a si tiah Russia Defence Ministry nih a chim.
Russia ralkap kahdohnak in Donetsk chaklei hmunram hmunhma dang pawl cu pehzulh in an humhak chih lai tiah tiah a chim chap.
Avdika khuapi laaknak kong he pehtlai in President Putin nih Russia ralkap hna cungah a lunglawmhnak bia zong a chim tiah Russia biachimtu Dmitri Peskov nih a langhter.
Avdika khuapi hi Russia ralkap nih laak dingah October thla in an kah cang mi a si i March thla chung ram hruaitu President thimnak caan a phak hlan hrim hrim ah humhak an i timh mi a si. Lungmili Post
Thawngpang dang: Karenni ramkulh, Shadaw peng, Thanlwin tiva nichuahlei hmun um SAC ralhmai sakhan 2 cu ralhrang pawl nih an chuahtaak, tiah Karenni Nationalities Defence Force (KNDF) nih nizan February 17 ah an thanh.
Cu sakhan 2 cu Hueon SAC ralhrang sakhan le Kyarhpasatgyi SAC ralhrang sakhan hna an si i 2024, February 13 ah ralhrang pawl nih an chuahtaak, tiah an langhter.
Karenni-Thailand ramri pehtlaihnak caah a biapi ngai mi SAC ralhmai sakhan hna an si i February 14 ah KNDF Battalion 21 le KNPLF ṭangṭi phu nih hmunhma zohfelnak an tuah lio ah facang cheukhat le hriamthil cheukhat zong an laak, tiah Karenni Nationalities Defence Force (KNDF) nih thawng an thanh mi ah an langhter chih. Lungmili Post