Globel Khampat nih Chinland cozah sernak dingah le kan ralkap dirkamhnak dingah $50,000.00 an thawh mi cu lawmh a umtuk hringhran ko. Asinain an kan tukmi ningin kan thawh khawhlo caah a ruah zia kan thiam cio ko ne uh.
Nan theih bangin Khampat cu ralzaam in voi 3 bak kan um caah duhning in lohma a kal kho ti lo, kan hruaitu upate zong an si khawh chungin an i zuam ve ko nain, Khampat cu khuachingchan ah kan dir ve cang caah, kan va zaam hnawhmi khuate nih a kan tlum thlu ve lo caah phurrit ngaingai dirhmun ah lungrethei in thovo i tuk cio asi than caah kan i ruah ning in thil a kal kho lo.
Rawn Chin khua ahcun CNA le Chinland caah a dirmi um chun cu Khampat khua asi tawn, tutan zong hi dirhmun chiakha tukmi ah um hlah usihlaw an tuanvo an tukmi hi an tlinh khawh lai ka zumh ko.
Culawng asilo pawngkam khua nih vun zaam hnawh kan ton chel zong hi a tam ve tikah, inn khat nih khual 20 tiang hna in a dongmi an um caan a um.
Dirhmun chiatuk in kan dir lio le kan facang tiang an kheuh dih caah an thawh khawh lai hmanh ka zum ti lo kei le bang cu, asinain Pathian nih a kan dawt i cun kan upate an i zuam tuk ve caah an vun thawh khawh ve hramhram. Chinland Cozah dir zungzal sehlaw CNA thawng chin lengmang ko seh.Crd:Chelsea Bawi
Thawngpang dang: KNLA Ṭangṭi Phufonh Nih SAC Sakhan 6 Leng Voikhat Ah An Kah I, Sakhan 2 An Laak
=========
February 7, zing suimilam 3:00 tluk ah Bago ramthen,Htantabin peng, Zayatgyi khuapi Khah-Lah-Yah 73, Zayatgyi, Myosoe, Chaungcha, Shaselo SAC ralhrang sakhan telh in hmundang sakhan hna cu KNLA ṭangṭi phufonh hna nih luhhnawh in an kah hna, tiah theih a si.
Kahdohnak hmun ah SAC ralhrang nih hriamngan le vanral an hman caah kaphnih karlak kahdohnak a fak. Mizapi lam zong SAC ralhrang nih an phih piak hna caah khuami hna khualeng chuak kho lo in an um pin ah liamtuar zong an um, tiah khuami pakhat nih Khit thit media ah a chim.
SAC ralhrang sakhan laak kahdohnak ah a tutiang in KNLA ṭangṭi phufonh hna nih Zayatgyi sakhan le no.73 sakhan an laak khawh cang, tiah theih a si.