Central Lairam Ah A Puak Kho Mi Thil Tam Ngai An Tlaih. Central Lairam Sangau khua pawng ah a puak khomi thil tampi le a ngeitu minung pahnih an tlaih hna.
Assam Rifles duty mi nih Nohawng 5 ah an thawngpang theihmi zuldawi in motor an check i, minung pahnih cuannak Bolero motor ah a puak khomi thil tam ngai an tlaih.
An tliahmi hi a puak khomi thil (explosive) kg 150, Detonator 1800 le Cordtex tam ngai a si. Hi an tlaihmi hna hi phung bantukin tuanvo laak an si nakhnga palek sinah pek an si.
A puak khomi he tlaihmi hna hi Central Laimi Sangau peng Sentetfiang mi Pu Siam Thang kum 50 le Pi A Meng kum 40 mi an si.Crd: The Lairam Times
Relchap: Central Lairam Lungzarhṭum khua R15 V3 Bike MZ-03-7806 Black Colour le Rawlbuk khua Bike MZ-01V-1329 R15 V3 Red Colour an firmi cu YLA, Bualpui (Ng) Sub-Hqrs sinah Lungzarhṭum Branch nih thawng an hei thanh hna i, East Lairam, Bualpeng Sialam mino, Vailamtlang Bungtlang mino le CNA cu pehtlaih an si hnuah Lungzarhṭum Bike le Rawlbuk Bike hlei ah Bike firtu pahnih zong tlaihchih an si, tiah Young Lai Association Bualpi (Ng) Sub- Hqrs nih an langhter.
2024 Nohawng 5 ah Bike tlaumi pahnih le a firtu hna cu East Lairam, Vailamtlang Bungtlang, CNA sinah hren an si mi cu CNA le YLA Bualpi (Ng) Sub-Hqrs le YLA Sangau Sub-Hqrs i chawnhbiaknak ngeih a si hnuah Central Lairam Pangkhua, East Lairam – Central Lairam ramri ah bike an firmi pahnih le a firtu pahnih – Lalrempuia Kawlchaw West le Lalthakima , Sihtlangpui khua hna cu CNA le a tuanhawi hna nih YLA sinah an pek hna.
Bike firtu le bike firmi pahnih laaknak ah hin Bualpui (Ng) Sub-Hqrs hruaitu Pu N. Lalrammawia Vice President, Pu. H. Lalthuammawia Assistant Secretary le Pu. Lalzidinga Cinzah Secretary hna le Lungzarhṭum Branch lei in Pu. K. Laldinliana President le Pu Lalluaia Secretary hna an kal.
Sangau Sub-Hqrs lei in Pu. LC. Chhanchungliana President le Pu. Biakvunga Assistant Secretary, Pu Sangzuala Adviser hna le Rawlbuk Branch Office Bearers hna an si. Pangkhua lei in Pu Denmark nih a zulh hna.
Thilsual a tuahmi hna hi phunglam bantukin hrem an si nakhnga 2024 Nohawng 5 zaan ah cozah nawlngeitu hna sinah pek an si cang.
Hmailei caan zongah Bualpui (Ng) Sub-Hqrs le a Branch hna Sangau Sub-Hqrs le a Branch hna cu bia khattlai in, lungrual te’n kan Lairam, Miphun, Khuatlang le Zapi caah i zuam peng dingin tuankhat chin dingin kan in sawm hna i kan in nawlpat hna tiah, Young Lai Association Bualpi (Ng) Sub- Hqrs nih an langhter.a