Thantlang Khua A Khaang Dih Tu Ah Aa Tel Ve Mi SAC Col. Hein Htet Aung Hakha Ah A Thi
=============
Chin ramkulh Thantlang khuapi a khaang dih tu SAC ralkap hna chung ah aa tel ve mi SAC Col. Hein Htet Aung cu Hakha ah a thi tiah theih a si.
Col. Hein Htet Aung cu Thantlang khuapi khangh kong le Thantlang Operation ah aa tel mi a si caah Chin mi minung 5 hna nih a mah le Min Aung Hlaing hna telh chih in ralhraang bawi cheukhat hna cu Philipine ram ah 2023 October thla ah khan taza an rak cuai mi hna a si. CBN Daily News
Thawngpang dang: Mahte Khuakhan Lairelnak A Ngeimi Kawthoolei Karen Ram Kan Ser Lai _ KNU Chairman Padoh Kwe Htoo Win KNU an dirh (77) tlin kum, February 5 ah
zalonnak, tlukruannak le mahte khuakhan lairelnak a ngeimi Kawthoolei Karen ram kan ser lai, tiah KNU Chairman Padoh Kwe Htoo Win nih a chim.
KNU nih a bik in aa hmaithlakmi le a ṭuan mi rian cu Karen miphun nih ramkhel lei ah aa tinhmi a tlamtlin khawhnak ding, Karen miphun pawl miphun khat ah kan dir i a ṭhangchomi zatlang kan ser khawhnak ding le ramkhel lei ah fek tein a dirmi kan si khawhnak dingah tuah in sermi a si tiah a chim.
Cun miphun kip nih a dikmi democracy kan hmuh i tlukruannak le mahte khuakhan lairelnak a ummi Federal Democracy rampi kan ser lai, tiah a chim chap.