2024 kum khi Kawlram ai thlennak kum si lai maw?
=======
NUG nihcun 2022 ah kan tei lai an rak ti. Raltuknak a thanh. Lai le Karenni nih ral an tho hmasa cem. An tei lo. 2023 cun khuapi dihlak kan lak lai an ti. NUG bak i a lak khawhmi pakhat hmanh um lo. Kawlinn khuapi cu KIA te phu nih an lakpiak hna i NUG kut ah an ap hna. Khuapi 330 renglo chungah pakhat a laak khawh khan ah ai cang. Kawlram khuapi dihlak kan laak lai a timi kum chung ah a si…
2024 hi cu Nay Pyi Daw chimh kum, MAH a vun hawh kum, Kawlram ah Federal ram thar ser kum tbk in an awn rih lai. Atu an dirhmun le an basic thilcang tak an sining bel cun, nemmam tawpherh hmanh an si lai lo.
Cun, NUG le Kawl mipi kar ipehtlaihnak hri zong a fek lo tuk cang. An caṭial thiam nihcun, Sakhong tlaihmi Federal Vuanci phu an soisel. Sasa tlaihmi ramdang he ipehtlaihnak phu an soisel. San a tlai lo bik phu, a herh lo bik phu an si tiah an minthang pakhat nih a tongh hna. A sullam cu bawmhnak an hmuhmi phaisa in lahkhah pek ve dingah an itlak lo an ti duhnak si men lai. NUG vuanci pakhat cio an bank account ahkhin US $ 2500,000 (sing hnih le cheu cio) rawnpiak an si cang hna ti si cu mu.
NUG nih raltuknak ground i hriam he thih ngamh a cawl taktakmi phu a dirpi hna lo. Bo Nagar an rem lo. Bo Nagar cu heh maw tiah an doh i mipi tam deuh nih NUG tu an rem ti hna lo. Maung Sawng Khah tu cu NUG he fimzir tein ai rak ipehtlai. A kan bawmtu ding, dohthleng hawi paoh ti in Sawng Khah nih a pehtlaih sawh hna i biapi ah a chiahmi cu hriamnam le raltuknak tactic taktak a lak khawhnak ding MNDAA, AA le TNLA lei a hoih deuh.
Min Aung Hlaing nih zei tluk ai nawnnok hmanh ah, hriamtlai nih Kawlram uknak pi lak khawh ding tak cun lam a hlaa tuk rih ti lam cu, Kawlram kong a thei tak nihcun hmuh khawh dih si ko. MAH raap uknak cu kan hua tuk nain, a dohtu pawl lakah MAH nak huat tlai an tam tuk zungzal ruangah tei khawh bal lomi tapung damiah ngan cem phu an si khawhnak a si zungzal.
MAH cu cozah a si lo. Tapung damiah a si kan ti. A dohtu pawl zong cu cozah an si ve hlei lo. Tapung damiah lawngte an si pinah, MAH nak hmanh in khuate lei chiah kholh a cak le mi hrem a huam phun hoihna an si chinchap sual cun, damiah renglo ralhrang ah an icang sual te kho. (US le Western pawl nih an cuanh peng hna).
Cun…Social Media i a langsar pawl kho dirhmun cuanh tikah, Kawlram hi 2024 cun a naang ai bingtalet sual te kho. US le ram pical deuh i dohthlennak ah ti in a awn leen i phaisa kholhtu pawl kherhlai an ihuah te kho men. Vietnam le Cambodia lei nih an rak ihuah bal timi capar hlan tukpi ah ka rak thai bal kha.
NUG khi US $ 120 million renglo cu ramleng Kawlram mipi phaisa a kholh cang ko rua. An Pan Cello nih heh maw tiah cuzat ka kholh khawh tiah ai cua ve; $ 8 million renglo ka kholh a ti. Nain, ram chung an cawlcanghnak zoh tikah, zei huaha um lo. Rampi ithlen khawhnak ding thlam a leeng lo.
TNLA, MNDAA le AA cawlcanghnak in hmai milh an itim nain nihin ah cun an lam ai dang ko ti an von ifian cio fawn tikah….Hodah dohthlennak dik a tuah i hodah dohthlen chawleh in fir le rum ai tiim ti zong mipi nih an ngiat ngai hna. Tazacuainak a chuak te kho. A chuah tikah, MAH te phu an inuam tuk te lai i ramleng sopaw zungthum thlir cheukhat FBI nih thong chung an khumh te sual hna lai ding khi phan um ngai. Credit: Salai C Alexander