Raap nih thongtla 10,000 deng a thlah, zeidah lawh te lai?
============
Kawlram zalennak hmuh ni Jan 4 ah MAH raap nih thongtla 10,000 deng a thlah hna. Raap dohtu tampi an thlah hna. Ramdang mi 100 renglo an itel ve. Thinzar Vunt Caw le Nang Mwe Sam zong an thlah bak ko hna, ti si! PDF vaal rual an caar tuk sual lai ti an phaang rua.
AA nih Paletwa pengkulh chung raap sakhan pawl le an hriamnam lak khawhmi pawl hmuh tikah, khuaruahhar a si. Kawl raap khi Paletwa ah hram thuk deuhpi in an rak ibunh ti a lang. Kawl dohthleng ramleng ṭhohpuh le NUG cu an iphomh ning a zual chin lengmang. Tuan deuh ka thai cang bang 2024 chungah FBI kherhlai le chekhlat ai huahmi um khawh te dawh an si.
Kawl dohthleng pical bik timi NUG, Bo Nagar le NUG siangnuhrang Pan Cello tepawl an inawnnok dih i dollar ah an riit dih cu poi ngai ko. A thawng chuahter tuk duh lo, daite thahri ihlum le cawl, biachim ai ralring taktak i Bo Nagar bantuk in online live thlah tuah bal lo, “biazai thaitu in tapung ai chuahmi ka si” ai titu Sawng Khah tal Kawl mipi tam deuh nih dirpi te hna sehlaw ṭha tuk hnga.
NUG nih meithal an caw na lo, kan cawk ai iti i an lihnak vialte Mae Soh lei a zaam vemi caṭial le zuksuaithiam Thet Kah Moe Nyo timi pa nih a phuan hna. Amah Moe Nyo timi pa cu Pan Cello le NUG lawbi pawl nih nawnnok le vaivuanh an timh hmasa caah biatak in a cheih hna. Kawi Aung nih thongtla tam tuk in a chuah ngammi hi ruah awk um ngai. A zei a poi lo tuk ti a lang.
KIA nih raap helicopter an kah khawhmi a khaltu pa cu Zaw Mae Lung he sahlawh (a tu pa) major reng a si, ti si. A nun bu in an tlaih i a hawile paruk cu an thi. Social media online ah cun, raap tei khawhnak dingah “khap khat telawng ai duh” a titu an um bantuk in, kam khatlei ah, raap lei ṭanhtu pawl zong cu an pu Awng cungah an zai bak ve. Nihin mipi leikap bia tlangkawm pakhat cu, mipi ca cozah a si lomi raap cozah le thlilak ramzaam NUG cozah kan ingeih hna.
“A poi tuk. Raap doh pinah thlilak mipi thidawp NUG zong doh hau dirhmun ah Kawlram mi cu kan ichuah,” ti si. Mah ruangah thlilak cozah dirh hi sopawt lung i TT an rak tuk bantuk phun in va dirh ve ding khi cu kan miphun caah ka uar lonak si pah. 2024 kum ah Pathian nih thluachuah in pe hna seh. Ramkhel kong ah ibuaiter tuk lem hlah ulaw, hei ceih sawhsawh ve mei uh ti kan duh hna. Eibar zeihmanh an chuahpi te hlei lai lo. Credit: Salai C Alexander