Ayadaw Peng Thalebar Khua Pyusawhti ralhrang Sakhan Luhhnawh In Ankah 8 An Thi
=========
Sagaing ramṭhen, Ayadaw peng Thalebar khua Pyusawhti ralhrang sakhan mipi hriamtlaiphu nih luhhnawh in an kah caah pa 8 an thi tiah Pathinegyi peng PDF Pah Kah Phah chungin ṭuanvo ngeitu pakhat nih Yangon Khit Thit ah a chim.
October 21, zaanlei suimilam 3:30 tluk khan Ayadaw peng Thalebar khua Pyusawhti ralhrang sakhan cu mipi hriamtlaiphu nih luhhnawh in ankah caah SAc ralhrang minung 4 le Pyusawhti ralhrang 4 an thi mipi hriamtlaiphu chungin hriamtlai 1 hliamfaklo a tuar tiah theih asi.
‘Cunglei drone hmangin bomb kan thlak hnu ah tanglei in kan luhhnawh hna i suimilam 3 chung tluk kan kah hna kan theih khawh tawk cun Sah Kah Sah SAC ralhrang minung 4 le Pyusawhti ralhrang 4 an thi midang tampi nih hliam an tuar” tiah Pathinegyi peng PDF Pah Kah Phah chungin ṭuanvo ngeitu pakhat nih a chim. Kahdohnak ah aa telmi mipi hriamtlai phufonh hna cu, Pathinegyi peng PDF, GZP -Mandalay, MRTF, NDRA, Kyauksin peng battalion 2 le Sagaing peng battalion 2 drone phu hna ansi tiah an langhter.
Ye Peng Ah KNLA Le PDF Phufonh Le SAC Ralhrang Karlak Ah Kahdohnak A Chuak Ralhrang 4 An Thi. Mon ramkulh, Ye peng ApinSakhangyi khua pawngah KNLA, PDF phufonh le SAC ralhrang karlak ah kahdohnak fak a chuak ralhrang 4 an thi tiah J.O.C chungin ṭuanvo ngeitu pakhat nih Yangon Khit Thit ah a chim.
October 22, zing suimilam 9:00 tluk khan ApinSakhangyi khua pawng Mawlamyain – Ye Dawei No, 8 Union motor lampi cungah SAC ralhrang thazaang 20 tluk rallamsialin an rak chuak mi le mipi hriamtlaiphu karlak ah kahdohnak a chuak tiah theih asi. Kahdohnak hi minute 10 chung tluk a rau i ralhrang lei minung 4 an thi 1 hliam a tuar mipi hriamtlaiphu chungin hliamtuar anum lo tiah Mawlamyain – Ye Dawei tualchungmi nih an chim.
Yinmarbin Peng Yeout Khua Pawng SAC Ralhrang Le Mipi Hriamtlaiphu Karlak Kahdohnak Ah Ralhrang 10 An Thi. Sagaing ramṭhen, Yinmarbin peng Yeout khua pawng kahdohnak ah SAC ralhrang lei in minung 10 naak tlaumlo an thi tiah Union Liberation Front – ULF in ṭuanvo ngeitu pakhat nih Yangon Khit Thit ah a chim.
October 19, zing suimilam 8:00 tluk khan Pulay peng Zeehpyukone khua in a rak chuak mi SAC ralhrang le Pyusawhti phufonh hna cu Yinmarbin peng Yeout khua pawng an phak ah mipi hriamtlaiphu he suimilam 2 chung tluk khat lei khat lei in an i kap ralhrang 10 naak tlawmlo an thi midang 20 tluk nih hliam an tuar tiah theih asi.
“Zeehpyukone khua Pyusawhti ralhrang nih kahdohnak hmun ah a thi mi hna cu Yinmarbin khua ah an kuat hna’ tiah Union Liberation Front – ULF in ṭuanvo ngeitu pakhat nih achim. Kahdohnak hi Union Liberation Front – ULF phufonh ansi i mipi hriamtlaiphu chungin hriamtlai pakhat hliam faklo a tuar tiah an langhter chih.
Shwebo Pengah SAC Ralhrang Voi 2 Tiang Bomb Puahhnawh In Ankah Hna Caah 6 An Thi. Sagaing ramṭhen, Shwebo peng SAC ralhrang cu mipi hriamtlaiphu nih voi 2 tiang bomb puahhnawh in ankah hna caah 6 an thi tiah mipi hriamtlaiphu Wild Tiger LPDF chungin ṭuanvo ngeitu pakhat nih Yangon Khit Thit ah a chim. October 22, zaanlei suimilam 5:00 tluk khan Shwebo peng Myinbea khua le MyoHlah khua karlak Pyusawhti ralhrang sakhan cu mipi hriamtlaiphu nih bomh 5 an puahhnawh hna caah 8 hliamfak an tuar tiah theih asi.
Cu ni ṭhiam zaanlei suimilam 5:20 tluk khan Puysawhti khua in a rak chuak mi Puysawhti ralhrang hna cu phunggyi sianginn pawngah mipi hrioamtlaiphu nih bomb an puahhnawh hna caah minung 6 an thi tiah theih asi. “Bomb puahhnawhnak in Puysawhti ralhrang 8 a thimi Ruak hi Pyusawhti khua ah an vui hna minung 8 nih hliamfak an tuar tiah” mipi hriamtlaiphu Wild Tiger LPDF chungin ṭuanvo ngeitu pakhat nih a chim.
Muse Hnawm Hlonhnak Hmun Ah Mi Ruak 3 Hmuh A Si. October 21, khan Shan ramkulh, Muse peng KyinSanKyo lampi pawng hnawm hlonhnak hmun ah thah a tongmi ruak 3 hmun asi tiah tualchungmi nih an chim. Thahnawn a tongmi hna lak ah a fapa hi kum 30 tluk asi i, hringtu apa hi kum 50 tluk asi cupin ah, kum 20 tluk mi nu cazin tlaitu zong aa telchih tiah thah tongmi kum 30 minung i a nupi nih a chim.
Thanh tongmi hna hi october 11, khan Yinggong Shweli Beg lei ah thilri caw dingin tangka sing 100 keng in an mah theihhngalh mi pa 1 he an chuak tiah theih asi. Hmun khat ah a chuak ṭimi hi minung 4 ansi i ruak hi 3 lawng kan hmuh khawh rih pakhat cu a tlau tiah tialchungmi pakhat nih a chim.