SAC Ralkap Raltuknak Vanlawng Chiahnak Hmun Cu Kachin Ralkap Nih An Kah!
=========
Kachin ramkulh, Myitgyina vanlawng sakhan cu Kachin hrambunh tualchung hriamtlai phu nih an kah i vanlawng pahnih zong an khen kong Kachin ramkulh hrambunh tualchung hriamtlai pahkahphah in Bu Tauk nih Khit Thit Media ah a chim.
Nizaan, September 24 zinglei suimilam 7:40 ah Kachin ramkulh, Myitgyina vanlawng chiahnak sakhan cu 90mm lung hnih le 107mm lung hnih in an kah i sakhan chung ah puahkehnak a chuak. “Raltuknak vanlawng pahnih zong an khen, tiah vanlei thawngthanhnak sin in kan theih,” tiah Bu Tauk nih a chim.
“Thawngpang kan theih ning ah cun F-7 raltuknak vanlawng pahnih cu bomb nih a khen pinah vanlawng lei i pehtlaihnak tower tung zong a khen tiah kan theih” tiin a chim. Myitgyina vanlawng tual pawngkam ah a um mi hna nih cun, nizaan zinglei suimilam 8:00 hrawng ah Myitgyina vanlawng chiahnak sakhan ah puahkeh thawng pehtlai in kan theih, tiah an chim ve.
Vanlawng le a chiahnak hmun le a zuan chuahnak ground hrawh piak.hi a.biapi.cem a si ko cang. Van i kah thlak nak hmanh in ground ah a um lio va hrawh hi a fawi deuh men lai. Kale Airfield zong khi kan nau pawl.nih muaizut kho ve hna seh law ti hi.
KNU Brigade 6 Hmunhma, Thlakhat Chung Kahdohnak Ah SAC Lei 190 Leng An Thi. KNU Brigade 6 hmunhma, Dupla pengkomh, August thla chung ah kahdohnak voi 70 a chuak i SAC lei 190 leng an thi tiah KNU Headquarters nih thawng an thanh.
August thla chung ah KNLA, KNDO, dothlennak phu pawl le SAC ralkap karlak ah kahdohnak a chuah lengmang hi a si i SAC lei Captain 3 telh in 191 an thi, Battalion Commander telh in 163 an i hliam tiah cathanh chung ah an langhter. Dothlennak phu lei a si mi KNLA phufonh lei in 3 an nunnak a liam i 22 an i hliam tiah an langhter. SAC ralkap mawṭaw 9 zong an hrawh khawh tiah theih a si.
Sagaing Ramthen, Kandauk Palek Sakhaan Kahdohnak Ah SAC Ralkap 20 Hrawng An I Hliam. Sagaing ramthen, Palek peng, Kandauk palek sakhaan in a rak chuak mi SAC ralkap 150 hrawng cu September 23 zinglei sml 8:12am-11:00am tiang an kah hna i SAC ralkap 20 hrawng an i hliam tiah Black Leopard Army nih thawng an thanh.
Kahdohnak chung ah Yinmarbin pengkomh B11, Black Leopard Army B17, B28, B29, Pakokku pengkomh B14, B15 le adang hriamtlai phu tampi bawm in kahdohnak an tuah tiah theih a si. Mipi hriamtlai phufonh lei 1 kahdohnak chung ah aa hliam tiah theih a si.
Muse Ah Motor Firmi Palik Nih Ankah Hna 2 An Thi 2 An Tlaih Hna. China le Myanmar ramri Shan ramkulh chaklei Muse khuapi ah pumpak motor pakhat fir in a zaam mi han cu Palik ralkap nih ankah hna caah 2 an thi 2 an tlaih hna 1 a zaam kho tiah tualchungmi hna nih an chim.
An firmi motor an zaampi tlawmpal ah a tu bantuk in palik ralkap hna nih an kahnak hna hi asi tiah an langhter. Hi kong he pehtlaiin, Muse palik sakhan nih an chim micu, hi hmunhma ah hin thilfirnak a tu le tu a rak um atu buainak zong hi mifir kan tlaihmi hmangin hlathlainak kan tuah liopi asi tiah an chim.
Kawkareik Hmai Naungtalar Khua SAC Ralhrang Hriamngan Kahnak In Tualchungmi 1 Nunnak Liam. Kayin ramkulh Kawkareik hmai Naungtalar khua cu SAC ralhrang nih hriamngan in ankah caah tualchungmo 1 nunnak liam tiah KNU nih an langhter. September 23, zing suimilam 5:30 tluk ah Kawkareik hmai Naungtalar khua Sah Kah Khah 12 tangah ummi cu SAC ralhrang nih hriamngan 120 MM in ankah caah tualchungmi kum 30 tluk upa a nunnak liam tiah theih asi.
Kyondoe peng Taungkyarinn khua fim cawnnak sianginn ah umhmun khuarmi SAC ralhrang Sah Kah Sah 12 kuttang a ummi Khah Lah Yah 130, Khah Mah Yah 546, Kah Lah Yah 208 le KNDO ṭangṭi phufonh mipi hriamtlaiphu battalion 6 hna karlak kahdohnak a fah caah a tu bantuk in ralhrang nih hriamngan an kahnak hi asi tiah an langhter.
Kyainseikgyi Hmai Kale- Tagundaing Ah Rallamsial In A Rak Lutmi SAC Ralhrang Drone Hmangin An Kah Hna 10 An Thi. Kayin ramkulh Kyainseikgyi peng Kale-Tagundaing ah rallamsial in a rak lutmi SAC ralhrang cu mipu hriamtlaiphu nih drone hmangin bomb an thlakhnawh hna caah ralhrang 10 naak tlawmlo an thi hliamtuar an tam tiah Cloud Wings drone hriamtlaiphu chungin ṭuanvo ngeitu pakhat nih a chim.
September 16, ah thok in KNU Kyainseikgyi peng Kala-Tagundaing ah rallamsial in a rak lutmi SAC ralhrang cu mipi hriamtlaiphu KNLA hruainak in September 22, khan drone hmangin 81 MM, 60 MM bomb an thlakhnawh hna caah ralhrang 10 naak tlawmlo an thi hliamtuarmi zong ab tam tiah theih asi.