Kaalung (ကာလုံ) Lungkaa (လုံကာ) Raldohnak Tactics!
==========
MAL nih Kaalung in an kan do, Lungkaa in kan doh ve. MAL nih ka tei hna ati, Kanmah nih kan tei kan ti ve. UN nih nan i tei veve lo an kan ti. Pauchuak Dohthlennak ah MAL ral kan dohnak Tactics zoh tikah COC, C3C, J2C, Joint Command, One Command, CJDC. MAL te SAC Rallokap thluk cu chimhlo, kan tei ngaingai khawh hna lo.
CNA nih One Command in Raldoh asiko nain duh ningin MAL kan tei khawh rih lo. Command um lem loin CDF nih mah tein raldoh can le Hnawhsare raldoh can zong an um ko rua. Kan raldoh dan zoh tikah Bambok le Mantak, Kaalung Lungkaa tiah abia kan thlen mi he ka lawh ter. Zei bantuk Command kan hmang zongah Kan ral tein thluk kha abiapi bikmi asi. Alliance minthang phu hnih kan um.
ZZLMS le CND ZFU MDF CDF Senthang (AA telin) ansi. Hi Tactics zong hi Ral teinak ah kan hmang khawh lo. Lungkaa le Kaalung asi ve ko. ZZLMS cu CNF Salai Khua Uk Lian le Bochukhmuci Hrang Tin Thai nih an hruaimi hna ansi nain duh ning in MAL kan tei lo pinah ZZLMS min in Raldohnak hi kan theih ballo ti khawh asi. Kaalung Lungkaa asi ve ko.
ZZLMS phu hna cu Zotung Zophei Lautu Mara Senthang ansi. Zotung ah Supreme phu cu CNA an pek hna. Mara phu ah MDF aa tello. Senthang cu Hakha Battalion asilomi hna kha ansi. Lungkaa le Kaalung phu ansi.
AA he Mahamei tuahtu phu asimi CNDF PDF Zoland CDF Mindat, MDF hna zong Alliance in Raldohnak aum rih rua lo. Anmah tein ando cio hna. MDF nih SAC an doh timi belte kan theih khawh rih lo. An doh bal maw?
Chinland Council form ah aatel mi hna nih CNA ah fonh an duh lomi cu One Command kan duh lo anti caah asi. One Command cu MAL phung asi anti. Cucaah One Command hi hmang lo ahcun adang zong anra kho.
NUG le EAOs cu Federal Upadi ruangah Pumkhat asi khawh lo caah Alliance lawngin an um ve. Cucaah COC in MAL cu doh asi. COC timi cu CDF PDF command in Raldoh asilo. Ahmun um EAOs hruainak tang ah One Command in Raldohnak kha an chim duhmi asi. One Command aduh lomi CDFs zong nih CNA i COC tangah raldoh uh tinak asi. One Command hi aum cia ko tiah Mipi nih kan ruah nain One Command kan ti hoi tikah Kaalung le Lungkaa ah kan tlau hoi ko rua ka ti.
Bo Nagar nih COC ati mi kha a thluak in NUG, Pakapha, Palapha, Paahpha akut tang akhumh hna. Bo Nagar nih COC tangah ral ka doh lai ati. BNRA cu Kawl EROs asi caah Bo Nagar tangah raldoh lo ahcun COC, C3C cu sullam anngei tilo.
Cucaah Lungkaa or Kaalung Raldohnak Tactics cu CNA nih kaltak ding asi cang. Chin Cozah luzik (CM) nih hruaimi Bahu Situsih Committee tuin hruai ahcun CNA ah CDF vialte pumkhat kansi khawh lai tiah ka ruah.
CNDF Minda ZFU le adang zong an ra men lai tiah ka zumh. CDFs kip nih Situsihchuk (Raldohmi) vialte kha an thlah cio hna lai i CM hruainak in Raldohnak cu an hruai lai. Hi vialte aatel mi thazang le Nawlngeihnak hi MAL Kaalung nih a tluk lomi dakaw asi. Command pektu ansi lai. Credit: Jacob R. Thang
Tlangcung hriamtlai pawl hrimhrim hi kawl rakkap uknak in luat hi an duhtak rualo hlah maw ti awk in an um, atutan kawl ralkap dohnak ahcun CNF/CNA le kareni KNDF hi an kalning uar a um, KIA zawng uar a um ngai. Na in NUG nih interim constitution te hna a tuahduh lomi le kawl PDF a hruaikhawh lomi hna hi kan cahkhawh lonak asi.
Tlangcung hriamtlai dang AA telh in an van cak le phaisa le power ngeih duh ah an dirhmun khin an nuam ngai ko hlah maw ti awk in a um. Atutan raldoh nak ahhin cun tlangcung hriamtlai hi lungkhat in um kho usilaw kawlpawl thazaang fonh he Ralkap hi kan teicang men lai. Kawlpawl an lung adongh tik i kawlmi Ralkap nih a uk khawh sual hna ahcun tlangcungmi cu ahlan bantuk kan phanthan teko lai, kawl mipi tello cun tlangcung hriamtlai tham cu Ralkap nih duhcaan ah tuk duhlo caan ceasefire hei ti i tuknuam mennen ahkhin pei an kan ruah ko cu, tutan kan sungh sual ahhin cun NUG le tlangcung hriamtlai thenkhat ruang ah asi teko lai.