Federal le Pine 8 Duhtu Bo Nagar Anduh Lomi Hi
==========
NUG nih an cohlan lomi Kawl Miphun EROs hi Bo Nagar lawng asilo. BPLA Burma People Liberation Army (Saungkha te nih hruaimi) zong an cohlan hna lo. BPLA cu KIA le TNLA nih an bawmhmi asi. Bo Nagar cu KIA nih bawmhmi asi. Tlangcungmi bawmhmi asi caah NUG nih a cohlan lo tiah Kachin le Kawl tampi nih an ti hna.
Chinmi cu Awtaw Nawlcang Lang Ak kan tamtuk i aruah awk kan hngalh lo kho men. AK AK tiah kan au le kanmah le kanmah sehnak lawng ah hngawng thahri cat deng in kan au Niping Nipaw cu. Chinland Council le Chin Ralkapbu pakhat ah i fonh khawh lo nak caah lawng ah thingam in kan zuang i zeizong tein ṭang kan laa. BPLA le BNRA nih Burma timi hmin an hmang. Myanmar ram chung ah miphun 8 kan um.
Chin Kachin Kaya Karen Mon Shan Rakhine Burma (Bama) kha an chimh duhnak asi. Bo Nagar te cu An policy reng ah Federal le Pine 8 a cohlan tu ansi, anmin lawng asilo dahkaw. Kawl nih EAOs cu Tupung an ti tawn hna. Tlangcungmi nih Tupung ansi lo. Panglong nan kan hlen caah Miphun Ralkapbu kan dirh mi asi kan ti zawn ah Kawl nih an duhlo.
NLD chan kan phan tikah Kawl le Tlangcungmi Politicians tampi nih Kawl miphun Tupung cu MAL te Kawl ralkap hi ansi kolo maw tiah Biahalnak an tuah ah Amaysu nih Asilo, Papa terapte hmete ati.
NUG ah Federal duhmi cu an tlawm tuk caah NUG nih Federal an duh ngaingai lo ti cio asi cang. Lakhruak uknak Federal Upadi an chuahpi duh lo bangin Amaysuu Luatnak lawngin an kal. Kan pi luat awk asi ahcun MAL nih tuah dingmi 2025 thimhnak kha NUG nih cohlan an duh. MAL he Peace tuah anduh.
Cucaah AKN le MAL athli tein an i chawnh zungzal ti asi cu. Amaysuu caah? Kawlram ngaingai cu Mandali, Makui le Sakai ram 3 lawng hi asi. Cu hmanah aza tein aatello. Chin Kachin le Shan pupa ram tampi aatel rih cu mu. Ramthen 4 khi Mon le Karen an chut hna. Bo Nagar cu Kawl EAOs asi cang lai caah NUG nih acungah nawl a ngeih khawh tilo. NUG EAOs cu COC Chain Of Command in an kal. One Command tang ah asilo.
Bo Nagar cu Federal le Pine 8 aduh, COC in akal cang fawn lai caah NUG Lobby le Fans nih Bo Nagar thah le hloh an duh mi hi asi. Tlangcungmi ramah raldoh tikah One Command in siloin COC MAL te doh asi. COC ningin cun BNRA nih Pakapha ahruai cang lai. NUG nih Bo Nagar an duh lomi sullam cu Federal le Pine 8 an duh lo. Amaysuu luatnak caah Raldoh asi tinak asi.
Cucaah Chinland Council le One Command ah lungrual usih, Pumkhat si usih. NUG le Kawl telloin MAL kan tei khawh kan tinak cu asi cu. One Command nan duh lo tal ah COC cu nan duh aherh. COC cu CNA hruainak in asi ding mi asi.
Chinmi tu kan raldoh dan cu COC zong asilo. Sawm chawmh le Vawlei ah aum ballomi Command in ral kan do nain MAL kan tei zungzal. Chinland Council le Chin ralkap ah kan funtom khawh ahcun TEINAk cu kan hmai te ah asi ko. Kan i fawn duh lo ahcun MAL kan tei lai nain acan arau tuk lai i Mipi an lungdong lai. Mipi lungdong cang ahcun tlau asiko. Ral tei cu chimh hlah.
Tlangcungmi Ruangah NUG nih Bo Nagar An Hlawt Maw? Bo Nagar te cu Chinland Hauhruang ansi. Anmah um hna hlah seh law, Chinland cu SAC nih alak cang kho mi asi. Chinland nih SAC kan doh lo, kantei lo ka tilo. Lungrual nak le pumkhat sinak pelte hmanh aum lo caah Ral kan tei lai ti kha mipi nih kan zumh ngam lo. Lungrual lomi le Pumkhat asilomi nih Ral an tei ti hi tuanbia ah an um rih lo.
Tutiang SAC nih Chinmi an kan tei lomi cu Pathian, Hero Mino le Chinmi Dollar ruangah asi ko ka ti ko. Bo Nagar nih a Ralkapbu RNDA cu BNRA tiah athlen. Pale, Yinmarbin, Sakai um NUG lo PDF LDF tampi an funtom i Burma National Revolution Army tiah min anthlen. Bo Nagar cu Situsihchuk anthim. NUG Tamada le MOD he biaruahnak kan ngeih hnu ah BNRA kan dir, NUG cu aum chunmi kan cozah asi, MOD he COC in raldoh ṭiding, SAC thluk hlan lo ati.
Bo Nagar a chimh Thaizing ah NUG Tamada zungnih Bo Nagar chimmi kha asilo. Biaruahnak kan ngeih lo. NUG he pehtlaihnak aum lo anti ai. NUG Lobby le NLD MPs tiangin Bo Nagar cu Dohthlennak in kan dawi lai anti. Hlan ah NUG le Pancello i remh hna seh tiah dawtnak he a aupi tu USA um Daw Rosy cu NUG lobby nih thih lakin lungfakin an tuah bal.
NUG Kuttang lo PDF LDF abawmhtu Singapore um Shan nu, Irene Ahlei cu Dalaan asi tiah NUG Lobby nih Dohthlennak in an dawi ṭhan. Daw Irene nih Keimah hnu ah Bo Nagar asi te lai ati le adik bak ko. Bo Nagar te Meithal bawmhtu hi KIA ansi. Meithal le kuan asermi KIA ansi. Pancello nih Bo Nagar te cu NUG nih kan bawmh hna ati nain KIA bawmh mi tu arak si. KIA sinah kan pek i an i bawmh mi asi anti. Asile silo cu um ko seh. KIA, UWSA cu meithal le kuan phuntling ansiam khawh caah Pau Dohthlennak ah dollar tampi an hmuh. Kannih ramdang in…
CNA hi Chin Pupa ram kip ah raldoh mi ansi caah Bo Nagar sin tiangin Raldohmi ansi. Nihin tiang. Mandalay velchum zong ah CNA anum. Bo Nagar he SAC adoh bikmi cu CNA le KIA kansi. Bo Nagar nih nihin tiang SAC an doh khawh nak cu Chin le Kachin ruangah asi. Chin le Kachin nih kan bawmh mi cu kan Hauhruang caah asi. Makui tiang CNA anum ko.
NUG nih an rem lomi Kawl Ralkapbu lian hna cu BPLA (Saungkha), PRA (Makui CDM Ralkapbu), tbk hna ansi. EOA nih bawmh mi lawngte. Russia Tamada Putin nih Wagner boss le Ralbawi Prigozhin an thah bangin Pancello le Lobby nih Bo Nagar thah an duh.
Bo Nagar cu rulbang in fim ve i, mah ticun an thah khawh hnga maw? An thah khawh ahcun SAC nih Sakai cu atei cang ko lai. NUG Ralkap hi Raldoh mi ansi lo cu. Rumnak, Huham, Popular, Credit a kawlmi ansi. SAC tei ah siloin Amaysu luat in Dohthlennak dih ter a duh mi NUG ralkap hna an si ko lo ma.
Bakapha, Palapha, Pa-ahpha um ve hna sehlaw, Chinland hi kan buai azual lai. Chinmi karlak ahcun Lu 10 nei hmanh nih anti khawh lailo. Chin Council ah i fonh Chin Ralkap ah fonh duh lo. Papalak phun. Van um lo Vawlei ah um fawn lo. Lohtlau Fapa rual.