2024 cun CNA ah lut dih kho ulaw a thabik ko cang lai!
==========
Ral a thawhka ahkhan cun CNA cu keimah pumpak hrimhrim hmanh nih CDF tel loin anmah lawng um ding cun ka bochan ngam thlu hna lo. Aruang cu ral thawktu cu CDF an si le a hnu lawngah an bawmh hna, mipi CDF nih ral doh thawk hmasa hna hlahsehlaw CNA nih hin Kawl ralkap he Peace Agreement an rak tuahmi kha an i donhkhanhter rih lai tiah ka zumh ziar. Culawng asi lo, kum 30 renglo an kal cang i zeihmanh ngeihmi hriamnam hrimhrim an rak ngeih lomi ko kha ka zumthlu ngam hrimhrim hna lo.
Caan a vun kal lengmang, thilsining tampi a vun i thleng lengmang ve, kanmah cio zong CDF supporting team ah lutlai caan zeimawzat chung rian kan tuan cio ve. Tlamtlinlonak le harsatnak tampi lakah kan ralkap CDF pawl zaangfak an si zia kan hmuh tikah kan celh ruam lo, pengtlang CDF vialte hi ka upat in ka tihzah tuk hna.
Anmah rak um hna hlahsehlaw nihin dirhmun hi kan phan kho lai lo timi hi ai fiang pawl cu ka si ve lai dah, nunnak tamttuk nih miphun caah a kan liamtak, rawl lo le ti loin mifa dawt cio damlo bu hna in ramtang ah chungkhar nulepa, ulenau ngaiin caan an hman tawnmi ruah ahhin upat lo awk an tha hrimhrim lo.
Sihmanhsehlaw caan tampi a liam bang thil tampi ai thleng lengmang ve, curual in CNA zong cuhlan bantuk si ti loin a letza in an thangcho in miphun aiawh ralkap ah a dir kho dingin thazaang le atak in riantuan kho dirhmun ah an dir taktak cang.
Chin State ah CNA tello ngaingai in raal tei khawh a si lo timi cu mithmuh kuttong in kan hmuh cang. Pengtlang cio in CDF kan dir i tuan lio le bang ahcun CDF pengtlai cheukhat cu minung thongkhat deng un an tam, hmun pakhat ah raldoh va bawmh dimgah minung 10 tluk lawng hna a min men in va thlah ve sawhsawh kan hmang, budget le thawhbur nih a tam fawn i dothlennak kan i vaivuanh luklak tawn.
Khampat (RCDF) cu an lungfim a tuan i CNA ah khuanu khuapa nih an luhter dih cang hna, Khampat CDF an umti lo Khampat CNA lawng an um cang. Raal ram ah a ummi (ram chung CDF dihlak) paoh cu kan upat tuk hna i a zungzal in kan upat hna, asinain ram thumnak supporting team leader cheukhat belte khi tholung nakin ka fih deuhmi an tampi. Asi khawh ko ahcun Khampat bantuk in miphun lungrual le CNA thawnter a herh zia hi i fiang cio hna usihlaw CNA ah lut ko hna usih, cun kam raalpa zong hi kan tei a tuan ko lai.
Kan derthawmnak le kan I remh dingmi tete raltha tein chim hi kan thawnnak ding le kan ral teinnak ding a si. CDF pali an i fonh kho cang i next step cu zapi i fonh khawhnak a si te ko lai. Biatak cu biatak in kan chim awk a si ko cang. A hrawnghrang in cun teinak a um lo. CNA thonghra an tlin ah cun kan Chin ram cu hnangam tein kan um kho ko lai.
Ahmaan tuk lung fim acu cang ramleng CDF sporting hi Ming Aung Hlaing he an ni dan nak aum lo rian tuan an duh tak tak mi long te an si CDF sporting um hla seh law CBCUSA sin i an thaw mi $12milion leng kha atlau bak lai lo. Credit: Chelsea Bawi