1027 Operation ah Raap pawl Surrender Tuahnak Aruang!
=========
Anmah hrim hi Donzuk ansi caah asi. CDM tuah anduh ko nain asi khawh lomi pawl ansi. CDM tuah duh ah an pehtlaih hna I an hngalh ahcun thah ding ansi caah raldohnak hmun kan phan in Surrender kan tuah lai tiah an ti caah asi. Hriamtling an ngeih nain PDF le EAOs kha an kah ti hna lo. Kah anduh hna lo I Surrender tuah anduh I asiko.
Mandalay Aungmithazan Pengkulh um Palik sakhan cu PDF nih antuk lai tiah an hngalh bakin Sakhan ankal tak I andong le he anzam dih timi cu Raldoh lio ah CDM tuah anduh caah asi. An hriamnam tampi cu SAC dohnak ah Mipi ralkap nih I lak hna seh ti anduh caah le CDM tuah ding ah Saupi an I timh cang caah asi.
Kawling Khuapi cu KIA/ CNA/ PDF nih anlak cang I cucu lak than awkah SAC Ralkap 200 leng nih an kai hnawh hna lioah lam pi ah ankah hna I 80 leng anthi hlei ah hriamnam tampi kan lak. Sezing pawng SAC Sakhan cu KIA nih anlak. 27th Oct 2023 thawkin Sakhan laknak puai ti hi aathawk. SAC Raap 30 leng an thi, hriamnam tampi anlak rih. Sezing le Kawling lawngah Raap hi 200 leng anthih cang. Shan Munghingkha Order atam kanti lai.
MAH te cu Buda Bada minin Yedaya Chi antuah. Munglung Yepaw, Kyaukkyaw, Bayakyaw, tbk changreu hmangin, thlacam nak le losary relnak cu an Pathian Godama sin ah antuah. Buda phungki le Buda inn ah tampi hlutnak cu MAH te nih antuah lio.
Ni 15 ah Sakhan 160 leng an lak caah nikhat ah Sakhan 10 an lak tinak asi. Hiti ningin Sakhan anlak lengmang ahcun arau hlan ah Nipidaw an phan khawh tinak asi. Nikhat ah Pagan lamkhat aa thawn lai lo. Duhsah tein kal ko uhlaw, Bagan aaṭhial lailo ti asi caah Nipidaw cu azam bal lailo caah arau hlan ah kan phan lai. 1027 Operation drivers rual.
Kawl Le Kawl I Nai Chinchin Nak Asikhomi 1027 Operation. Chin SPH Henry Van Thio le MAL telin VP1 Minswe nih 1027 Operation ruangah Kawlram cu an kuaipet cikcek cang lai ati. Tlangcungmi ruang ah Kawlram arawk dih cang lai caah Kawl le kawl kan I doh lailo tinak asi. NUG nih Kumthum chung anti khawh bak tilo mi SAC cu 1027 Dohnak nih Ni 7 te ah anti khawh tikah SAC le Kawlte hi lungdong in an I lak.
NUG cu MAL le SAC tei awkah Raldohmi ansilo I Amysuu luatnak tiang lawngin Raldohmi ansi Vawleipi hngalh asi. Sathu bawh ICNCC le AK AK pawl belte hngalh lo ansi ko. 1027 Operation hi ṭha tein ahnu kan zulh thiam lo ahcun Kawlram a rawk dih lai tiah Chin SPH Henry Van Thio tiang nih ati ve.
Thantlang hi a rawk lo tiah maw aruah hnga Van Thio hi. Lai Pasal asi lo bak mi VT asi. Pumpuluk achuih tamtuk ko nain asung zungzal mi Man U bantukin raldohnak poah ah ansungmi MAL te ansi. Ramkhel ah limhang atla tuk mi MAL te cu 1027 raldohnak nih hell tawne ah a thlak chinchin ko hna. NUG le lobby rual nih NUG telloin Unau thum hna nih anlak ciami an uk khawh lailo anti ve cu.
NUG rian cu mi kap ciami salu tar le a thinlung le a sathawtnak, atit ṭhatnak vialte khim tein le luakchuak tiang ei hi asi. Ka meithal in nan kah caah Keimah kahmi asi tiah NUG nih anti ko.
ICNCC zong nih Ramukbawi savo kha ka pek uh ati ve, lohtlau bak. EAOs (CDF PDF) nih hmunhma kan lak dueh I NUG mark antam chin nain MAL te mark azawr kan ti nain kawl le kawl aanaih Chinmi anlawh. 1027 Raldohnak ah kan tei tuk tikah Tamada Win Myint cu anupi he tawnnak nawl anpek colh. Thihdan pekmi hna zong tawnnak nawl anpek.
EAOs, 1027, 1107 nih teinak kan hmuh dueh lai, Khuapi le Sakhan tam deuh kan lak tikah NUG le SAC hi Biaruah dingah an I naih deuh bang. Amaysuu luatnak poah asi ahcun SAC le MAL chimhlo Khuachia he hmanh kaa hawikom lai atimi NUG CRPH NUCC CRCH le ICNCC ansi. Cucaah ICNCC nih Chinland Khuakhan Laireltu kansi anti duhmi cu Amaysuu luatnak caah MAL he kan I tawn cang lai tiah anti duhnak asiko.
Ralhrang Ralkap santlai lonak le thazang dernak cu hngalh cikcek asi. A thalhma kan hngalh cang saphu bang kan ti lio ah Unau thum nih doh nak an ngawl sual ahcun kan thalhma kan sawh piak mi he aalawh te lai. Unau thum cu anlak ciami ram anpek chung hna ahcun dohnak an ngawl khawh men I Amaysuu hmangin NUG zong peace atuah khawh ve.
Cutikah K3C le hlan lio tein MAL adoh mi lawng kan tang rih kho. NUG le SAC peace antuah I Amaysuu aluat ahcun ICNCC hi kanmah dohtu ansi te lai hi aw? Henry Van Thio zong kanmah dohtu asi te lailo na ti kho ma.
EAOs le MAL asin kanpi lo ahcun Kawl le kawl asimi ah ankal lai. NUG le SAC cu Amaysuu thlah ding asi cang lai caah CIN lo RO na duh thim ko ti kha ansi te ko lai. Kawl cu anzer tuk, ka zumh hna lo ahohmanh. Rul bangin an fimzer nain thuro bang nunnem lomi kawl le ICNCC ansiko. Credit: Jacob R. Thang