Zualko: Uk Lian na kan liam tak ruangmang ko ne mu!
=========
Uk Lian na kan liam tak ruangmang ko ne mu. USA ka phan hnu in hawikom kai chap mi umchun te na si. 2015 hrawng ka rak phan ka kan rak i zul dawi hna le kan rak i nuam ning hna kha mitthlam ah an cuang tuk ai ee. Run Te he nan hawi le nan kan kal tak a tuan tuk deuh ee. Kan in siang hna loh. Kan in philh fawn hna loh.
Nanmah ai rawlh tu ding zong a ho ka duh hna loh. hawikom i ton can le thawng i hal can ah nan kong kan rak chim peng ko la. 2015 lio ka rak phan ka te lewsville lake ah USA Minthang Dallas BBQ nan rak ka rawh pi lio.
Kaizoh thlatuk ii kadawt tumi kata biathlum le mithmai panh thazaang pek ii lawmhbia aka chim tawn lengmang tu kataa tekha ka ngaituk cang ee..ka unau ah afim ii mi mithmai azoh tuk Katilio kai uartuk Lio can tekha kahmuh cun thinlung atap pengko ee. Kai zumh kho bak loh hi tan tak mi chung khar tu kan biak pathian tu nih an ngeih chiat nak rak in hnem ko hna mu.
Rev. Tlang Pian; Believers Khrifabu kan pa bik pakhat a si mi, Rev. Tlang Pian (Vanzang) nih tuzing ah mual a kan liamtak. 1976 in 2021 tiang pastor a ṭuan i, pension a lak hnu zongah din loin, a rian a peh ṭhiamṭhiam tu asi. Kan lairam ah a Hrinṭhan hmasa, thiangthlarau laksawng a co hmasa le a dirpitu hmasa a rak si. Believers Khrihfabu a hmunh chung, Na min chim peng asi ko lai. Rak kal chung law, kan i tong than te hna lai.
Rev. Tlang Pian (Vanzang) Mangtha mu ka pu! Kan lairam ah Hrinthan hmasa, Thiangthlarau laksawng co hmasa, Thlacamtu hmasa, Mah chungkhar hmanh ruat lo in, Hrinthannak thawngtha aupi tu le Khrihfabu cawmtu le zohkhenhtu, Tuukhaltu le cawnpiaktu, Khrihfabu i kan pa, Na dam chung Pathian le khrihfabu caah ka tukhal tha na si. Khrihfabu nun Thlarau titoihtu na si.
Vawlei le Khrihfabu a hmun chung, Na min chim a dai lai lo. Khrihfabu tuanbia kan chim fatin, Na kong kan chim peng lai i, Kan i upat zungzal peng ko lai. Khrihfabu caah kan pa na si zungzal ko e. A tu cu tlanhtu Van Bawi ttangnem ah na din cang ai mu. Rak kan dong te law Pathian tuu fa hna he.
Kalaymyo Ah SAC Ralhrang Nih Kah Ruang Ah Minung Pakhat A Thi i Pakhat Hliam A Tuar. Kalay khuachung, Taungphila sang lampi ah SAC ralhrang pawl an duty lio ah lampi ah aa chawklet mi minung pahnih an kah hna i Hmuntha khuami pakhat a thi, adang pakhat a kut ah hliam a pu tiah theih a si.
Thil sining cu Indaingkung sang (Ahlan Hmuntha khua) ah a um mi Salai Cung Lian Bik (kum 28) le Pa Tiam Te cu Taungphila sang cozah zung rianṭuan mi inn pawng ah inn an sa. Thaithawh ei ding in August ni 10 zing sml 11:00 hrawng ah motorbike pakhat veve mawng in inn lei an panh lio ah SAC ralhrang pawl nih lampi ah mi an check mi an hmuh hna.
Cu ruang ah hmai kal ngam ti lo in hnu an kir ṭhan, culio caan ah SAC ralhrang pawl nih meithal in an hun kah hna i Salai Cung Lian Bik a lu ah an khen caah a thi colh. Pa Tiam Te cu a kut ah an khen i a kutruh a kiak tiah theih a si. A thi mi ruak cu August ni 11 zing ah Hmuntha thlanmual ah an vui te lai tiah Zalen media sin in theih a si.
Mizoram Um Myanmar Ralzaam Camp Caah ICA Nih Eiawk A Hlut. India, Mizoram chung ah a um mi Myanmar ralzaam camp pakhat ah eiawk a dih caah bawmhnak an hal hna i facang, chiti, le pe pawl an va hlut hna tiah Institute of Chin Affairs – ICA nih August 10 ah cathanh a chuah.
Aizawl peng, Tuirial Myanmar ralzaam camp ah inn 24 in hngakchia, nu le upa tiah an zapi 80 leng an umnak sakhaan caah Rupees 30,000 leng August 8 ah an va hlut. Tuirial ralzaam camp ah a um mi hna caah nifatin rian ṭuannak lam a um lo, bawmhnak a rak pe tawntu NGO, INGO le zatlang phu pawl a za tawk in an um ti lo caah caan a rauh ahcun harnak a tam chin tiah theih a si.
Eidin leng ah, Si-ai le ahlan tein lung zawtnak he a rak phan mi an si caah Mental Support an herh i rian a har ruang le tangka luhnak a um lo caah sizung, siikhan hna ah an va i thlop kho lo tiah ICA Asst. Director nih Van Sui Sang nih Mizzima ah a chim.
Mizoram cozah nih Myanmar ralzaam hngakchia pawl fim an cawn khawh nak hnga a cohlan caah sianginn an kai kho ko nain holh lei ah an chanbau caah a kai kho mi hna nih Myanmar le Mizo ca pawl an hlei in an chimh khawh hna ahcun a tlamtling ngai lai tiah a chim.
Mizoram ah a um mi Myanmar ralzaam hna nih rianṭuannak lam a um lo ruang le ramdang bawmhnak zong a caancaan te lawng ah an hmuh caah caan rauh ahcun an har khun lai tiah theih a si. ICA nih Chin ramkulh, Falam peng chung ralzaam sakhaan 5 ca zong ah facang, chiti le pe pawl a hlut hna tiah cathanh chung ah an langhter.