Zualko: Salai Van Tha Simon nih ram le miphun ca ah a nunnak a pek
Zualko: Salai Van Tha Simon nih ram le miphun ca ah a nunnak a pek
========
CDF-Hakha ralkap Salai Van Tha Simon nih nihin, 2022 March 5 ah, raal ram hmun pakhat ah ram le miphun ca ah a nunnak a pek tiah kan theih. Fapa te na pam tuk e na thawng kan rak theih cu kan lungthin a kuai dih cio e.
Bomb i Lamh Sual Ruang CDF-Hakha Ralkap “Salai Van Tha” a Nunnak a Liam. CDF- Hakha ralkap Salai Van Tha cu nihin March 5 ah bomb aa lamh sual caah a nunnak a liam, tiah thawng kan theih.
Hakha le Chungcung kar ah CNA, CDF ralkap le SAC an I kap, ralhrang 7 an thi. Kalay in Hakha lei panh in a ra mi SAC ralhrang hna cu CNA nih Falam Peng chung ah an kah hna zarhkhat a rauh hnu Hakha Peng lei ah an lan i, nihin 2022 March 5 ah Hakha CDF le CNA ralkap hna nih Chuncung le Hakha kar ah an kah than hna i SAC ralhrang a tlawm bik minung 7 an thi tiah theih a si.
2022 March 5 ni Hakha le Chungcung kar an i kahnak ah SAC ralhrang lei nih bomb an thlah mi in ram mei a lawn i meikhu a tam tuk ca ah sau an i kap manh lo ti zong thawng theih a si. Hakha le Chuncung khuakar kahdohnak kong he pehtlai in, “Hakha lei panh in a ra mi SAC ralhrang hna hi Chuncung ah zaan khat an riak, zaan khat hi Chuncung lonh ah an riak.
Tuzaan lei kha Hakha lei an panh i, CNA le CDF ralkap hna nih an kah hna. Hi an kah hna nak ah SAC lei bomb in ram mei a kaang i meikhu ruang ah sau an i kap lo. SAC ralhrang lei tu minung 7 an thi,” tiah thawnghram pakhat sin in kan theih. Atu tan SAC ralhrang Laitlang a kai mi hna hi CNA nih Falam Peng in an kah hna i Chuncung lonh tiang minung 70 fai an thi tiah theih a si.
