Zualko: Pu Van Ling Thang ( Kum 27) Nih Motor Accident In Mual A Kan Liam Tak Ai Ee!

Dear, Indianapolis khuasa kan Chin Miphun Hawi hna,
===========
Emmanuel Assembly of God (A.G) Khirhfa bu Chungtel a si mi Pu Van Ling Thang (kum 27) nih a um nak Alabama State ah motor accident in a nunnak a kan liam tak. Aruak cu a tu zarh Niruk ni (Saturday) Indianapolis ah vui a si lai. Ruak kal hlan pumh nak program cu atang bantuk in hman ding si lai.

Friday Program; Friday zan (November 19) 6pm ah Khrihfabu min in ICBC biakinn ah ngeichiatnak a tongmi hna chungkhar thutpinak kan ngei lai.

Saturday Ruak Vuinak Program; A Ni – November 20,2021(Saturday), A Ruak Zoh Caan(body view) 9:30am-10am, Pumh Caan – 10am – 12pm, Ruak Thlah Caan – 12pm -1pm, Thlanhmun – Calvary Cemetery.

Address-435 W Troy Ave Indianapolis IN, 46225, Funeral Service tuahnak -ICBC Biakinn, Zuunngeihpar pek nak, Salai Lian Za Uk – (317) 353-4194, Pastor Ro Lian Thang -(317) 919-8721, Parking le herhbaunak poah ah ZCAY, Ngaihchiatnak Hrawmpi buin, Salai Duh Lian Mang, Emmanuel Assembly of God.

Matupi Pastor SAC Ralhrang Hremnak in a Nunnak a Liam. SAC ralhrang tlaihmi Matupi peng, Ngalai khuate Pastor Ngai Kung cu a nunnak a liam cang, tiah thawngpang a chuak. “Pastor pa a thi cang tiah ralkap nih chungkhar an thanh hna. Zei ruang ah a thih timi zong theih a si lo. A ruak an pek hna lai le pek hna lai lo zong kan fiang lo,” tiah khuami pakhat nih Khit Thit Media ah a chim.

Aluancia September 23 ah khan Pastor Ngai Kung le khuami cheukhat cu SAC ralhrang nih an rak tlaih hna i khuami cheukhat an thlah hna nain Pastor Ngai Kung hi thlah loin an hren. Thla hnih dengmang SAC ralhrang nih an hren hnu ah a thi cang tiah chungkhar thawng an thanh hna hi a si, tiah Khit Thit Media nih a langhter.

Note: Pastor Ngai Kung a nunnak a liam cang timi kong he pehtlai in Matupi lei kan pehtlaih khawh rih hna lo caah The Chin Journal nih cun adangte in fehternak kan tuah kho rih lo.

Pastor pakhat, Pathian rianáš­uantu hi ti an kan tuahto piakmi hi cu lung a fak ko ee. Chungkhar an ngaihchiatnak kan tuarpi hna. Kan dohthlennak ka tei tik cu kan Chin AA ZA NI (Martyr) Ralram he ramchung vialte caah MEMMORIAL MONUMENT mangtara in kan sak lai i an min vialte kan áš­ial dih te hna lai.SALUTE Pastor NGAI KUNG.

Tidim Peng Aklui Khua Ah Nu Pahnih Ralhrang Nih Tlaihhrem An Sinak Update. Kan hnu deuh ah khan fa pathum ngei a fahniang thlakhat lawng a si rih mi ralhrang minung pathum nih zankhat ah voithum cio an tlaihhrem tiah kan rak langhter cang. Mah thawngpang kha thawngfiang a si.

Zankhat ah ralhrang minung pathum nih an pa he an ihnak khan ah voithum cio an sualpi mi a si. An pa kha ralhrang pakhat nih meithal in kan kah lai a ti. A lu ah meithal kuang in a cumh i a lu zong kau nawn piin a tlek tiah thawngfiang theih a si. Mah ti a cumh hnu ah rawl chumhnak coka lei ah a kalpi. Mah lio ah ralhrang pahnih nih a nupi cu voikhat veve an sualpi hnu ah a kalpi tu pa zong cu an thlen i a sualpi ve tiah thawngfiang theih a si.

An pa cu an tuk le an velh nak ah thi le hnai he a khat ii a ihnak hmun hmanh in a tho kho tilo tiah theih a si. Zan tlai hnu nazi 11 hrawng ah an rak lut than ii hawihlan bantuk in an ka tlaihhrem than tiah an nu nih cun a chim. Ka fa nih le a hngakchiat tuk caah a Inin ka in lawlaw ko a ti. Cun deilai nazi 4 hrawng ah an rak lut than ii a ning kel tein an ka tlaih hrem than tiah khuami sin ah a chim.

Aklui khua, November 11 zan ah, fa 4 a ngei cangmi nau pawi lio thla 7 a simi zong ralhrang nih an tlaih hrem than. Hi kongkau cu zalen nih a langhter ning chirhkhan in kan rak tial lai. November 11 zan nazi 10 hrawng ah ralhrang minung pahnih cu kan inn ah an rak lut ii phaisa an kan hal an ti.

Phaisa kan ngei lo kan ti caah an chuak than tiah chungkhar bik an nu nih cun a chim. Zan nazi 11 le cheu hrawng ah an rak ra than, Innka kan onh hna lo ah cun kan chungkhar tein kan in thah hna lai an kan ti caah innka cu kan pa nih a va onh hna, ma tlawmpal ah kan pa cu an velh, fak taktak in an velh, a kut le a ke tiang an tem tiah a chim.

Mah lio ah cun pakhat nih tikholhnak khan lei ah kal tiah a ka fial, ka duh lo. Nain, na kal lo cun kan kah lai a ka ti caah kah ding cu ka duh ve lo ruang ah Zichukhan lei ah cun ka kal. Mah lio ah cun pakhat nih a ka tlaihhrem hnu ah pakhat cu a ra than i a ka tlaih hrem ve tiah a chim.

Mah dih cun an chuak ii zan nazi 2 le cheu hrawng ah an rak ra than, Innka kan onh duh ti lo. Nain kan on lo cun nan inn kan duah lai an kan ti caah innka cu kan onh than hna a ti. Kan pa cu an velhnak ah a cei tuk caah a tho kho ti lo. Cu caah Zichukhan lei ah cun an ka hnuh than i voi khat veve an ka tlaihhrem than tiah a chim. Hi an ka tlaihhrem lio ah hin na lungtling (cenet) maw tiah an ka hal veve a ti. Zei hmanh chim ding ka theih lo ruang ah holh lo tein ka um a ti.

Thla 7 nau pawi lio mi ka si tik ah an ka tlaihhrem caah ka thi zong tam tuk a chuak, ka celh bak lo caah thih lawlaw zong ka duh tiah khuami sin ah a chim. November 12 ah ralhrang pawl cu Akkui khua in an chuak cawlh ve tiah khuami sin in theih a si. An chuah hnu lawng ah hi thawngpang hi theih a si.

Thla 7 nau pawi lio ralhrang minung 2 nih voi hnih veve an tlaihhrem mi nu hi fa 4 a ngeimi a si tiah kan theih. Ralhrang minung 3 nih voithum cio an tlaihhrem mi nu hi fa pathum ngei, a fahniang thlakhat a siah theih a si. Cun, a tu nau pawi lio minu hi a fa thlakhat lawng a si rih mi an pa ii a nau nu a si tiah khuami pakhat nih cun a chim.

Note: Hi Thawngpang hi Zalen chirhchan in le Tidim khuapi minung pakhat sin in kan lak chin mi a si caah a tlamtlin lonak le hngalh thlu lomi a um lai ruang ah nan rak kan theihthiamnak lai nawlh chih nan si. Cun, Tidim khuapi khuasa pakhat nih cun Tidim minung pohpoh kan thin hung tuk tizong ah a chim. Credit: Voice Of Chinland