Zualko: Pu Hrang Uk Nih Mual A Kan Liam Tak Ee!

Zualko: Pu Hrang Uk Nih Mual A Kan Liam Tak Ee!
=========
Kan dawt i kan u pat tuk mi Pu Hrang Uk (96yrs) nih mual a kan liam tak i kan ngaihchia tuk e. Pu Hrang Uk cu Thantlang peng Zangtlang khua mi asi. B.com Degree a hmu mi asi. Thantlang peng ah Degree a hmu hmasa pawl asi.

Miding mitha le mifel asi. 1963 kum ah Siang cachim a rak tuan. Pu Ral Hmung (ချင်းရေးရာဝန်ကြီးဟောင်း)i fanu upa bik Pi Chia Tial he an i um i fanu pa khat Pi Hlei Sung(ကေသီစိုး) le fapa pakhat Pu Thang Bawi (Bo Bo) an ngeih hna. Tu panga le tuchin pathum a ngeih hna. ကျောင်းဆရာ a tuan hnu ah ကလေးဝ ah ကုန်သွယ်ရေးမန်နေဂျာ a tuan.

Pension a lak hnu ah ကလေးမြို့Tahan ah khua an sa i khrifa upa sau pi a tuan mi asi. Amah hi Pathian rian ah a biatak mi zum tu tha asi i an khrifa bu nih an i bochan mi asi. Nupi le fale a daw tuk mi asi leng ah cingla rual chan a daw i a tleihchan tuk mi asi.

Fa le hi cathiam sang si hna seh tiah saduhthah nak nganpi he Siang Inn thatha ah ca a cawn ter hna. Kawlram ah khua an sak caah afa le hi Lai nunphung le Laiholh thiam hna seh tiah siang inn khar fa te Laitlang ah a um ter tawn hna. Ruah nak tha ruah nak kau a ngei i mi cung ah dawt nak zangfah zawruah nak a ngei mi asi.

Chungkhat zapi nih kan u pat i kan tlaihchan tuk mi asi. Mual a kan liam tak cu kan ngaih a chia hringhren. Tu lio Rai le Ral lak ah asi caah a ruak te hmanh kan hum kho lo i kan lungfak hringhren. Fah nak um lo nak Vanram nuam tu ah va din cang ko kun mu Kapa Uk. Credit: Sung Zi Mang

Kan bawmh khawh hna; Bawipa dawtnak thawng in hi rian te ka tleihnak hi kum khat a si ve cang. Ka pi Villa Thawnghmung hi a fel tuk i a sin riantuan zong a nuam, mi a kan theithiam, Kan Miphun le ram ca zong ah an Nupa in ngeihchiah chawva he an tang taktak. Keimah zong ka si khawhtawk te in phunzakip kai peknak an ka theihthiam Bawipa nih Thluachuah pe ko hna seh.

Nihin cun biatak thlak deuh in ka rian lei ah tan ka van la ve cang lai. Kan Ram ruang ah ka thluak bat mi zong hloh pah ve a hau. Chungkhar ah mizaw Zohkhenh a hau mi a zohkhenhtu (Patient Aide) hlawh hmuh nak a si. Kan nih Laimi cu kan chungkhar a zawmi khi dawtnak in kan hei i zoh khawh ko hna i Cozah lei nih mah a Zohkhenh tu Nihlawh an pek mi a tuah lo/ athei lo mi kan tampi.

Ka Fortuna hnu ah hin Chungkhar tampi cu program cu an van hmuh tik ah chungkhar ca le mizaw caah San a tlai taktak, Cucaah fiangfai deuh in theih nan duh ah cun a tang lei ka phone ah Rak ka chawn u law, lam bawmh khawh hna.

Hihi Chinmi nih tuan ah kan rak theih lomi hi ka chimh duhmi cu asi. Mah vialte caan tha kan rak sunghmi kha arak pam tuk. Hibantuk in kan tincovo tete zong kaa dangdang ah kan zuam piak hram rih uh. Bawipa nih nan lam tluanter hram ko seh.

Mah program chung i ka nu thong nangmah hrimhrim na ṭuan ve mi cu lung a hmui kho tuk. Bawipa nih kan miphun caah a lam kip in thluachuah in pe ko hna seh. Atha tuk ee, BAWIPA nih Arian na tuannak ah in um pi peng ko seh mu. Kan Lai mi nih nangmah bantuk nusal tha tam pi kan in herh ko HNA ee. Sailo nu: 2409947172

Puhmi le Puhtu Kong le Pastor Dirhmun Kong! Undergrad ka rak si lio (kum 7 a luancia ah khan) ah elective course (cawn hrimhrim a herh lomi subject khi) professor pakhat sin ah ka rak laak. Ethics class a rak si. Zeibantuk rian kan ṭuannak paoh ah zulh ding tete le hrial ding tete kong kan iceih. Culio ah a rak chimmi pakhat cu, “Ka fanu le le kan nu dah tilo, mizei nu he hmanh kanmah pahnih lawng motor citṭi ka duh lo. Thil pakhatkhat zong a kan puh khawhmi kan si caah ka hrial bak.” tiah a rak ti.

Cu nih cun pastoral ministry zong ah zulh ding le hrial ding (boundaries) tete an um hna hi teh ti a rak ka fianter chinchin. Pastor pakhat nih a zeilei hmanh ah (a hlei in phaisa le nu kong ah) puh awk ṭha lo ding in a si khawh chung in i ralrin kan herh.

Tahchunhnak ah, kan chungtel nutung maw nungak pakhat nih anmah lawng an um lio i len an kan sawm tik ah kal lo ding. Kal ding si le nupi le hna i kalpi ding tibantuk tete. Sinain, kan Chin community ahcun a hei har khawhning cu pastor a ṭuanmi paoh nih kan theih dihmi si. Ri kan zulh a herhmi tete cu a si khawh chung in zulh kan rak herh ko. Pastor ka rak luhka ah, kan Senior Pastor Rev. Dr. Thawngling Mualhlun nih ṭha tein hi kong hi a rak kan chimh.

Khat lei kam ah, chungtel pakhatkhat nih pastor kha thil sual a puh ahcun (a hlei in chawva kong, nu kong tibantuk) a tlawmbik ah theihpitu pahnih nak tlawm lo an um a herh ti ka ruat. Cu hmanh cu a si khawh chung in amah he thisa in ai naihniam lomi an si a hau. Phung le lam ning tein an puhmi sualnak kha, a puhtu siloin, a hmu le a theitu pahnih nih a diknak kong ṭha tein an chim hnu lawng ah cu pa/pastor pa cu a sual tiah bia khiah a si.

Nikhat cu a pa nih a fapa le pahnih a sualpi hna tiah an puhmi kong ah tawlrel tu ka rak si. A puhtu hi a nupi lila a si. Sihmanhsehlaw, ngakchia zohkhenhtu le detectives he tiah a nu cu thil sining ṭha tein an hal. Cun, siizung lei zong in cubantuk in ti an tong tak maw tiah an chekhlat hna (hma a um ding a si nain a hmu lo).

Cuhnuah a fale pahnih zong cu an hal hna (a fale hi a chim kho an si ko). Nain, CPS, Detectives, le lab result hna nih a donghnak bia an chahmi cu a nu nih a rak puh sawhsawhmi tu a si ti a si (hlathlaitu nih an hlathlai hnu ah bia an khiahmi). Sinain a pa nih hin a rak tuah tak zong tuah khawh si ko (minung hi a palh kho a si caah).

Chim duhmi cu, thil sual pakhat puhtu a um tik ah puhmi he puhtu he an sining fiang tein hlathlai (verify) ding a si. Hmutu le theihpitu sin zong in hlathlai ta a si. Cucu a hlan Moses chan in nihin tiang phung ning tein kalpimi a si. Thil sining fiang tein theih hlan i thil sual tuah puh cu a diklomi um khawh a si caah hmailei ah mualphonak a si.

2019 i Jussie Smollett kong kha a relmi nih cun nan theih lai dah. MAGA luchin ai chinhmi nih zaanlai ah an ka fuh i minak ka sinak le gay ka sinak bia faakfaak an chim i an ka vuak, cun bleach (thil ranternak sii phun) an ka toih i ka hngawng ah thlainak hri an chiah ee tiah a rak ti. Culio zong ahcun lemcang minthang, activists, politicians pawl nih heh tiah tivun thleidannak a si tiah mawh phurhnak phunphun rak chim a si pin ah kha lio ramhun ṭuanmi Donald Trump zong mawhchiat chinchin a rak si. Nain nihin ahcun mah thil kha rak ṭawn chommi a sinak a puang i amah lehlamtu biaceihding a hngaak ko.

Chimduhmi cu, puhmi paoh a si thlu lo i puhtu paoh an dik lo caah ralring tein thil hi kalpi a hau. Pastor (Khrihfabu hruaitu hna) hi thil sual a tuah kho vemi minung a si. Catholic hruaitu an thangchiatnak le SBC zong an thangchiatnak a si pin ah a dangdang case tete zong a tam lengluang. Cucaah cubantuk thil cu kan community ah a can nak hnga lo, puhmi he puhtu he kan iralrin thiam a herh.

Kan tuah khawhmi tete tiah ka ruahmi hna cu: 1. Nu (nutung pek nungak pek) nih pastor kha amah lawng inn ah len sawm lo ding (pastor hi a tam u cu pa kan si caah), inn khan i thlacam cu chim hlah (zawt i kan thawh khawh lo i thlacam kan auh hmanh ah chungkhar an um ve lawnglawng ah pastor zong nih cohlan i chungkhar le thlacam herhtu zong nih cohlaan ding). Pastor zong nih cubantuk in sawmtu an um ahcun mah lawng kal hrimhrim lo ding.

2. Office zong ah mah lawng in pastor va len lo ding. 3. Pastor le chungtel kar ah ihawikomhnak zong ṭha tein ri kan khiah a hau. Pastor he itonghtham ṭukṭak zong duh lo ding (damdam tlaih le a caancaan tete ah din tein ikuh dah tilo, cu zong cu kuhmi nih an sia a remlo ahcun tuah lo ding).

4. Pastor kan laak tik ah, hruaitu kan thim hna tik ah a si khawh chung in an background hlat ding (kannih community ahcun pastor le hruaitu hi chungkhat sahlawh le mithmai in kan izonpeng caah a har tuk).

5. Pastor le Khrihfabu hruaitu hi vanmi bantuk ah ruah hna lo ding. A dang tete ralrin ding le zulh ding a tam lengluang. Sualnak hi mizeipaoh nih tuah khawh a si. Pastor zong nih tuah khawh a si. Lih zong hi ngakchia upa thlu lo in chim khawh dih a si. Cucaah thil kaphnih tein a zoh khomi kan si ahcun a zei lei paoh ah kan him deuhnak a si ko lai. Hmuhmi paoh le theihmi paoh hi rang tuk in kalpi colh lo a rak ṭha bik ko rua. Bawipa nih ram thumnak um kan Chinmi hi kan kilveng ko seh (kan tonmi thil pawl hi rak ruah ngam lomi thil an tam tuk, thil dang kong zong ah). Credit: Pastor Van Thakam Thang