Zualko: Pi Tin Hnem Nih Cikkhat An Va I Dor chungnak Chuahsemnak Khua ah mual a kan liam tak!

Zualko: Pi Tin Hnem Nih Cikkhat An Va I Dor chungnak Chuahsemnak Khua ah mual a kan liam tak!
============
Thih Dar Thawng Kan Theih; 𝗣𝗢 𝗧𝗢𝗻 𝗛𝗻𝗲𝗺, 𝟱𝟭 (𝗝𝗼𝗲𝗹 𝗣𝗢) Tlanglo Khuami, Hakha Mucu Sang a ummi nih cikkhat an va i dor chungnak chuahsemnak Khua Tlanglo ah ruah lo pi in 2022 January 9: zing sml.5:00 ah a kan liam taak.

Nu pumh ah thawngtha a chim dih in a lung a mit i cu ti cun a kan liamtaak nak cu a si. Nihin 2022 January 9; ah a chuah Semnak khua Tlanglo ah a ruak vui a si lai. Tantaakmi chungkhar Bawipa nih in hnem ko hna seh.

Update: “Hi thawng hi adiklo kho. Matupi ah anmah Kawl ralkap he aa naihniam mi nih Pu Tui Dim aa tel lo an ti,” tiah Matupi Pastor pakhat nih January 9, 2021 zinglei ah The Hakha Times ah a chim.

Ngaihchiatnak; The Hakha Times kan riantuan hawi Burmese Translator Pu Tui Dim (Pu Tui/Pu Dim) cu Ralhrang nih 2022 January 7 zing ah an tlaih i January 8 zaanlei ah an thah cang, tiah thawng an kan thanh. 2022 January 5 le 6 ah khan THT kan Chief Editor he saupi phone in an i chawn i bianuam an phai/chim.

Putui “Atu hi MPT phone line a umlo caah hlanlio mirum lawng nih an hman khawh mi MEC phone…..cucu ka hmang. Ka hawinu….(min langhterlo) kha phone bill vun ka thunpiak ta sehlaw! Vun ka chimhpiak law…,” tiah kan Chief Editor cu chawnh/chimh.

(Cu bantuk in a hawinu nih phone bill a thunpiak mi zong cu akuatu nih kan Chief Editor a kuat/hmuhter thiamthiam)
A chim rih mi cu, “Aizawl ah ka kir kho laklawh lo. Laitlang ah le umnak ka vaivuan. Kalnak pei ka ngeihlo hi…,” tiah Chief Editor sin ah capo in a chimtak—Hiti bia a chim hi January 6 zaanlei ah a si.

2022 January 7 zing ahcun, “Pu Tui tel in khuami cheukhat kan pehtlai kho ti hna lo. Kan awlokchong ko,” tiah Matupi lei tuanvo ngeitu nih kan Chief Editor an chimh than.(Hi lio ah, ramchung ramleng in hawikom le dawtu cheukhat thawnghalnak a cat hin lo)

Nain, January 8 zaanlei ahcun…, “Khuami tlaihkhih mi dang he mual an liam cang e,”tiah thawng an kan thanh than tik ah kan suttung a puur bantuk in kan ruah i THT chungkhar kan mitthli a luang…Pathian nih miphunfa nunnak le thisen hi kan philhpiak hram hlah seh! Ngaihchiatnak langhter bu le taantak mi chungkhar sin ngaihchiatnak hrawm bu in,

The Hakha Times chungkhar; (Pu Tui Dim cu CNF/A ah caan saupi ralkap a tuan/tlak hnu ah Media lei ah aa pumpe mi a si. Myanmar ramchung Mainstream Media timi Media ngan tampi ah (e.g. Democratic Voice of Burma-DVB tel in media ngan) hna ah rian a tuan mi a si. Khonumthung Media dirhtu le Editor a si pin ah Chinmi kan nunphung (e.g.zuatkhalhnak…tbk…) pawl short video clip a tuahtu pakhat a si.