Zualko: CNDF Ralkap Salai Lal Tan Pi Kahdohnak Ah A Nunnak Liam!

CNDF Ralkap Salai Lal Tan Pi Kahdohnak Ah A Nunnak Liam!
==========
Chin National Defence Force (CNDF) Ralkap Salai Lal Tan Pi nih ram le miphun ca ah nihin, Febuary 7 kahdohnak ah a nunnak a pek.

“Nihin Febuary 7, zinglei suimilam 10:35 in 11:45 karlak i a chuak mi kahdohnak ah kan ralkap Salai Lal Tan Pi nih ram le miphun caah a nunnak a pek i a Pa Pathian ṭangnem ah ai din cang,” tiah CNDF Vakok Battalion nih an facebook cahmai ah an taar.

Zotung Minthang Hlasa/Hlaphan Thiam “PC Za Thaw” Ral a Zaamnak Hmun ah a Nunnak a Liam. Zotung minthang hlasa le hlaphan thiam PC Za Thaw (58) cu ral a zaamnak hmun Mizoram, Saiha khua ah nihin Februray 7 zinglei ah a nunnak a liam, tiah thawng kan theih.

“PC Za Thaw cu Zotung hlasa/hlaphuahtu lak ah minthang bik pakhat a si. Ral a zaamnk hmun Saiha a phaknak ni 2 lawng a si rih. Pawfah zawtnak in a nunnak a liam,” tiah niahniam hawikom pakhat nih a chim. PC Za Thaw hi Matupi peng, Hasaw khua ah a rak ummi a si.

Lai Pasal ttha hna, Vawlei pi uk khi kan itimhmi si lo! Rili ral ah kal in mi hranchaw va lak dingah raltuk zong kan ithawh lo. Thlanglei Africa ah va kal in raltuk i sal va tlaih ding in ral tuk aa thawhmi zong kan si lo.

Yangon le Naypyidaw ah va ttum in Kawl miphun hna va pen dingin ral a tho mi zong kan silo. Teinak thantar he Federal Democracy tlunzoh iphurh in kan tlun tikah thutdan sang i thut te ding zongah ral a tumi kan silo.

Cu nak cun, Pathian nih Miphun tling ah a kan ser ve nak in kan i ngeihmi kan ram, kan nunphung, kan caholh le kan biaknak hna sunhlawi le cawisan ve nak nawl kan ngeih i kan tappi le lungthu kongah kanmah tein khuakhan nak nawl kan ngeih nak hnga le kan techin fapar hna chan ah mi ramdang i hlawhhlan le fimcawn len hau loin kanmah tappi khor te ah zalonnak taktak he an tlonlen khawhnak dingah kan hauhruang a vengmi kan si.

Chizawh a rat i a au len tung nain Pawpi a rat tik i a zaammi innhngak uico phun zong kan si lo. Nan tei lai maw???tiah a ka halmi cu hitihin ka leh tawn hna.

Kan tei le tei lo cu Pathian nih hna a ka tlakpi i kan Miphun dihlak kan tan ahcun kan tei ko lai. Kannih cu kan tei lo zongah kan nunnak a dih tiang kan Miphun ven dingah aa thawhmi kan si. Kan nun bu cun sunghnak he cun kan kir bal lai lo. Kan ruak in kan kir sual le kan khuallam a pehtu hna cungah teinak hmuh le hmuh lo cu aa hngat te lai.

Kum khat cu a liam cang ko. Zeitik kan tei lai bel ho chim kho hlah. Hnu kir awk a tha ti lomi hi dothlennak ah zei can khi dik kan kal rih hnga…i hnek tulmal rih ko kun usi! Zeipaoh te Bawipa nawl si ko.

CNA/CNF le tualchung Miphun runvengtu hriamtlai hna nih kan khuate vialte kan nunnak pek in kan venhim lai. CDM a lami Siangcachim le Sianghleiruun kai kan mino vialte nih kan fimthiamnak kan chuah lai. Ram chung ram leng ummi kan nulepa vialte nih ngeihchiah chawva bungh ve uh.

Cuticun hmailei kan ram a sertu ding simi kan fale hna fimcawnnak biatak tein kan tunmer lai. Ral kan tei tikah kan ram serthan nak caah a biapi bik a simi fimthiamnak hriamtha aa tlaih kho mi chanthar (New Generation) mino tampi kan chuahter khawh hna a herh.

CBCUSA Youth Director Za Thawng Cin nih cun hitihin a chim “Ralhrang nih uk tthan nak hmanh in ka ttih deuhmi cu next generation ah Chin mino cacawng loin chimh cawnpiak khawh lomi an tam tuk te sual dingmi a si.” Credit: Salai Ngun San Aung