Kalay Peng Hleidonh Cung In Chinram Kaimi Motor A Tlaksual Caah Minung 6 An Nunnak A Liam!
=========
2023, June 24 chun suimilam 12:00 hrawng ah Sagaing ramṭhen, Kalaymyo, Yar-za-gyo in Chin ramkulh, Tonzang peng, Sialthawzang khua lei a kalmi U Mang Khen motor cu Yar-za-gyo hleidonh cung in a tlaksual caah motor ngeitu le a khaltu simi UMang Khen telh in minung 6 hna cu hmakhat te ah an nunnak a liam colh, tiah theih a si. Motor tlaksualnak in hliamhma a tuarmi cheukhat hna cu Yarzagyo sii-inn pi ah an kalpi hna i, an thlopbul cuahmah lio hna a si, tiah Tedim Times nih a ṭial.
Breaking News! Pyusawhti Nih Khua 8 Chungin Mipi Hna Cu Hramhram In Training An Kaiter Hna; A Kai Lomi Paoh Sing 50 Dantat Dingin Nawl An Chuah; Sagaing ramṭhen, Kanbalu in khua 4 le Kyun-hla lei khua 4 in mipi hna cu June 23, nihin ah tonpumhnak an tuahpi hna i, pyusawhti raltuk (Training) cawng dingin an fial hna, tiah tualchungmi pakhat nih a chim. Cu pinah training a kai kho lomi nih tangka sing 50 nan pek lai, tiah hramhram in nawl an chuah, tiah a chim chih.
“Awngbali an zuhter hmasa hna. A hmumi paoh cu pyusawhti training an kaiter hna, nan kai khawhlo ahcun lamhla ummi nan fa le cah hna u law kaiter hna uh. Cu ti nan tuahkhawhlo ahcun tangka sing 50 liam uh. Awngbali a hmu lomi hna nih thlakhat ah tangka sing 1 nan pek lai, tiah nawl an chuah. Cu pinah nihin pyusawhti tonpumhnak hmun ah aa tel kho lomi paoh tangka thonghra dan an tat hna” tiah Burma VJ ah a chim.
Kanbalu peng chung ah Okpho khua, Khinthar khua, Yegyi khua, Ohntaw khua hna an si i, Kyunhla peng in Bhahla khua, Innkaung khua, Myahninkone khua le Tainn- tain-yan khua hna an si, tiah a chim chih. Crd; Lungmili Post