Zei nih dah Dothlennak Teinak le Sunghnak a chuahpi khawh?

Zei nih dah Dothlennak Teinak le Sunghnak a chuahpi khawh?
==================
Cozah zung lawng siloin Private sector hi nihin dothlennak ah an rak biapi ve taktak. Ban staff pawl CDM an tuah caah ban an khar zong a si pin ah atu ah ATM hmanh hman khawh lo tiang a phan ko cang. Ban an On ahcun mipi nih phaisa an chuah lai i ban pawl an cim an rawk lai. Ban a rawh ahcun Mipi ca zong Ralkap ca zong ah harnak ngan taktak a chuahpi lai. Cu bantuk ah zei theory hmanh zong a um lo cozah nih policy zong a ngei lo. Rawk seh law zeidah a cang lai? Timi tu hi ruah a herh.

Boxing le Karate te hna ahcun mi tei laak in thongh duh ahcun mah zong faklak in i thonghter hmasa ve a hau i, fah tih ahcun teinak hmuh khawh a si lo. Ralkap pawl nih ral teinak ah (kaphnih lei nih tei a har lio ah) thazaang pechantu thil (resources) tam deuh a ngei mi nih tlawn deuh a ngeimi tei timi an buhha-maneuver attrition warfare an ngei ve. Crd# An nih ralkap cu kum saupi sipuazi phun tampi Upaing min in an tuah tik ah an hnga a ngam men ko lai nain cozah tunmerter nak taktak ahcun ban an On a hau hrimhrim ve ti an thei.

2011 lio i Egypt dothlennak lio ah khan Columbia professor pa Prof. S. Schama nih cozah teinak ahcun ban hi a biapi tuk i ban hi phih hrimhrim a hau ti a si. โ€œDothlennak Teinak caah a herhmi hriamโ€ timi cauk ah teinak hmuh khawhnak ding ah Stock Exchange zong hi phih a hau. Cu lio ah ban pawl an on ahcun cozah a nung khawhnak ding ah bawmh chan a si a ti.

Atu lio Ralkap caah Harnak Ngan bik 10; 1. Rampi sipuazi A rawk, 2. Ralkap ngeimi sipuazi vialte Social punishment (SP) an ton..an zuar kho tilo tch..ah Myanmar beer.. (SP hi mipi kut ah a um), 3. Ramchung Mipi cawlcaanghnak a zual chinchin, 4. CDM a thawng chinchin, 5. Private sector pawl nih ralkap he fonh in sipuazi an tuah ti/ngam lo.

6. Developing Partner ti mi kan ram thangchonak i a rak bawmh pawl he an i hawikomh kho ti lo (ADB, World bank nih bawmhnak phaisa a phih dih), 7. ASEAN ram cheu khat nih kawl ralkap bu an bom lo, 8. Foreign Reserve fund -ramleng chiahmi phaisa vialte an tlaih piak dih, 9. Ram pumpi nih Federal phung lawng an duh cang, 10. Tlangcung Hriam tlai pawl ral an tho -Hriam tlaih dothlennak an thawk.

Hi phung 10 hi ralkap nih atu lio a tei khawh lo mi an si cang. Hi hi tuan ah a khamh khawh lo ahcun ralkap an sung cang lai. Teinak zubui mei can lawng a duh cang! Credit: Dr. Sui Hingz