Zahan Suimilam 9:00 PM tiang Thawngpang cheukhat

Zahan Suimilam 9:00 PM tiang Thawngpang cheukhat
================
Nizan Yangon khuachung thawngpang ah khat lei khat lei i tuaitamnak a um rih thiam thiam, lamcung ah 2008 phunghrampi tam lak te mei an khangh.

Yangon khualeng thawngpang; Mandalay, Maha Aung Myay Myone, Sein Pan Sang ah nizan zanlei suimilam 3 hrawng ah palek nih mipi an then hna, thawngzamh nih an langhter ning ah minung 3 an thi, 20 leng hliam an tuar, live rounds, automatic weapons le grenades timi meithal hriamnam an hman ti a si. Sagaing ramthen, Monywa zongah nizan chunnitlak, an buaibai rih, minung pakhat a thi, 6 hliam an tuar, 4 an tlaih hna.

Magway ramthen Gangaw le Sagaing ramthen Kalay karlak ah a nihnihnak i kahdohnak a um than, a thi mi panga an si cang, pariat hliam an tuar. Sagaing ramthen, Ye U myone ah March 31 zanlei sang ah fimthiamnak le office mei a kang. Cun, Yangon- Mandalay highway39 miles ah March 31 ni ah bomb a puak, ke ralkap “Light Infantry Division 59” compound pawng te ah a si tiah an langhter. Cu bomb a puakmi he pehtlaih in cu ka hrawng i a ummi cheukhat an tlaih hna,

Zahan suimilam 7 hrawngah Kayin ramkulh, Kawkareik khua ah palek sakhan pakhat ah a min theih lomi pa khat nih kut in chehmi bomh in a cheh hna i palek lei bawi pakhat a thi, i pa hnih hma an pu. Shan ramkulh, tachileik palek sakhan zongah voithum hrawng a puak mi a um nain a thi mi le hliam a tuarmi an um le um lo an langhter lo.
Biaceihnak lei thawngpang cheukhat.

Nizan ha ASSK biaceih zungah an chuahpi, a sitni pa U Min Min Soe nih dantatnak a thar an chamh mi a um lo a ti. Tampi an langhter lo. Nizan ah, Kachin ramkulh i, NLD MP pakhat an tlaih. Nizan ah Ralkap nih ngeih mi MEC cu British Foreign Secretary Dominic Raab nih Myanmar Economic Corporation (MEC) British nih sanction an tuah nak thawng an thanh. Ralkap nih kahdohnak kan ngolchung an ti ko nain, KIA nihcun kachin ramkulh chungah cun kahdohnak kan pehzulh lai tiah thawng an thanh. Cheukhat internet, ISP pawl 2600 MHz wireless wifi pawl an phih chungthan. Credit: Van Lian Thang