Yaw PDF Hriamtlai Phu Nih Pung Taung Pung Ngia Tlang Cungah An Thawnnak!

Yaw Hmunhma Chung Mipi Ralkap Nih Pung Taung Pung Ngia Tlang Cungah Thanhtar An Phunh!
=========
Mipi vengtu ralkap hna nih nawlngeihnak latu SAC ralhrang ralkap hna ralchanh in kahdohnak an tuah pinah mipi hruainak lei zongah zalong tein a kal khawhnak hmun Yaw hmunhma i Pung Taung Pung Ngia tlangah Yaw hmunhma mipi vengtu hna nih thanhthar an phunh tiah theih a si.

Yaw hmunhma chungah a lar ngaingaimi Pung Taung Pung Ngia tlang pakhat ah Yaw-PDF thanhtar cu kum 2022 January 24 ah khan thanhtar an phunh hi a si. Gangaw, Saw, Kyaukhtu, Kyaw le Hti Lin khuapi telh chih in Yaw hmunhma chungah nawlngeihnak latu SAC ralhrang ralkap cu tuaktan ciamman tein an kahdoh hna pinah mipi hruainak lei zongah hmalaaknak an ngei chih.

Yaw hmunhma telh in Maggui ramthen chung le peng cheukhat ahcun nawlngeihnak latu SAC ralhrang ralkap nih rian a tuan khawh ti lonak kong cu nawlngeihnak latu SAC ralhrang ralkap kuttang ah a ummi Maggui ramthen/ramri chung tuanvo ngeitu vuanvi le ralbawi nih chimphuannak an ngei cang i, buaibainak an ngeihnak tete zong naihrawngah online social media ah a hung langsar.

Yan hmunhma chungah kahdohnak hi a zual than khomi a si tiah mipi vengtu ralkap hna nih thawngthanhnak le ralrin peknak an tuah cang i, January 18 kahdohnak ah hin nawlngeihnak latu SAC ralhrang ralkap (4) cu Yaw-PDF nih an thah khawh tiah theih a si.

Rum hi sual a si lo nain rum tung i hnem le sian lo hi sual a si. Jeim cauk hi mirum mi pawl siknak cauk a si tiah ti khawh a si. Aruang: an rum nak cu anmah ca lawngah an hman. Khrih ah an unau a si mi misifak zong kha an bawm duh hna lo.

An lo ah rian a tuan mi zong kha tangka an hlen chin hna. Porhlawtnak le ziar ngeihnak in an thinlung a khat. An rumnak cu Bawipa sunparnak caah hman si loin anmah zalonnak ca lawngah an hman.

Cucaah Jeim nih fak tuk in a sik hna, “nan zumhnak cu nan tuah sernak ah lang seh,” “zumhnak ka ngei nan ti nain bawmh a hau mi nan unau hmanh nan bawmh duh hna lo ahcun nan zumhnak cu a thi mi a si.” “na rumnak cu rungrul le cirik nih an ei dih cang,” “Abraham le Rehab te nih an zumhnak cu tuahnak in an langhter bantukin an nawl i cawn hna uh!” tiah fak ngaingai in a sik hna!

Hmuh lei nak in pek lei ah lawmhnak a um deuh! Rum tung i hnem nak sasa cun sifah tung i pek awk ngeih lo a tha deuh! Dawtnak kong chim peng tung i hnem ngai cu dawtnak ngeih lo a si. Tangka duh tuk zong hi rawhnak hram pi a si fawn!

Siang ngai in pek khawh i zuam, Pek awk na ngeih nak hnga fim ngai in tangka khon i zuam fawn. Sullam ngei tein nun khawh i zuam. Kan tangka cu zultu a sermi zultu sernak caah le nuhmei le ngaktah zohkhenhnak caah hman i zuam hna usih. Cucu a thiang mi le biaknak taktak Pathian kan pek awk biaknak cu a si.

Pathian nih an kenter mi chaw cu an hal than tik ah na kut i hum hlah. Jeim cauk chungin fiannak ka hmuh mi kan hrawmh ve hna. Credit: Tuan Tin Ceu