Yangon khua chung Thawngpang, zanlei suimilam 5PM tiang.

Yangon khua chung Thawngpang, zanlei suimilam 5PM tiang.
===============
Nihin zongah Yangon khua chung cheukhat ah lamzawh nak tete a um rih. Atu zingah lamzawhnak Hledan ah minung pahnih an tlaih hna. Atu zanlei lei ah minung pasarih an tlaih hna, Hlaing ah. Cun kadang zongah lamzawh cawlcanghnak tete a um rih, South Dagon, Thaketa, Dala le Hlaing ah.

Yangon khua leng thawngpang; Mandalay khuachung, Takhontine Sang ah suimilam 5 hrawngah inn 100 renglo mei nih a kang, minung 511 hrawng inn lo in an um. Cun, Mandalay, Pyikhitakhon Myone zongah inn 80 renglo, atu zingah mei nih a kang. Azei tin dah a kang timi fiang in an langhter lo. Kachin ramkulh, Namati, Moegaung, Hpakant, Mandalay ramthen Mogok, Mandalay, Pyinmana (Naypyitaw), Sagaing ramthen Ye U, Bago ramthen Phyu ah lamzawh nak an tuah rih thiam thiam

Zahan Zan thawngpang; Yangon khua chung ah zahan zan ah meikanghnak pahnih a um, Gandamar Wholesale Market tiah auh mi (Mayangone Myone) le Ruby Mart (Kyauktada Myone) Aungsan lam le Pansodan lam tonnak ah zan suimilam 2:00 Am ah a kang, mei kangh lio ah minung pakhat a thi, minung pahnih an tlaih hna. Hi mei a kangmi dawr hi ralkap nih ngeih mi, Myanmar Economic Holding Limited min in ralkap nih an ngeihmi a si.

Bago khua ah, zan suimilam 9 hrawngah Ralkap lei thawngpetu a si tiah lunghrinh mi pakhat namte in sawh a tawng. Shan Ramkulh, Tachileik khua ah mino pahnih cu artisanal rifles meithal he zan suimilam 11 hrawng ah an tlaih hna. Tanintharyi ramthen, Kawthaung khau Sitni pakhat he minung pathum an tlaih hna. Nizan ah Ralkap lei nih kahdohnak thlakhat kan ngolchung tiah thawng an thanh.

Nihin chun tiang zongah KIA le Ralkap lei i kahdohnak a um, nizan kah dohnak ah ralkap minung 20 leng an thi, Mohnyin ah March ni 30 ah ralkap lei nih airstrike an hman caah Bago ramthen, Shwegyin ah mipi 11 hrawng an thi, minung panga hma an pu. Zahan zan suimilam 2 AM le 4 AM hrawngah Hpapun myone ah airstrike in ralkap nih an kah hna.

Nizan hrawng ah Rakhine lei ah ralkap thazang biatak tein an chamh. Ralakp vanlawng in an kuat hna. Nizan ah CRPH nih 2008 phunghrampi kan hrawh, a rawk cang tiah thawng an thanh. Cu caah cun a biapi mi biatung 4 a tel. 1. SAC timi hrawh ding. SAC ၏ဖျက်သိမ်းရေ, 2. 2008 phunghram hrawh dih cikcek cang ၂၀၀၈ ဖွဲ့စည်းပုံကိုလုံး ၀ ဖျက်သိမ်းသည်, 3. Federal Democracy ram ser ding ဖက်ဒရယ်ဒီမိုကရေစီပြည်ထောင်စုတည်ဆောက်ခြင်, 4. Mipi hruaimi cozah ser ding “ပြည်သူ့အစိုးရ” ပေါ်ပေါက်ရေး။

International Response; German Company Giesecke le Devrient nih thawng a thanh mi cu, Kawlram cozah Bank i a bawmh tawn mi, phaisa catlap chuaknak ka ngolh chung lai a tiah thawng a thanh. Nizan ah UNCS i members 15 meeting ah Kawlram ralkap pawl dantat ding khuakhannak ah Taluk nih veto a hman. Japan zong nih kawlram i thanchonak a tuah mi a cheuchum lawng a si lai a ti. Credit: Van Lian Thang