Yangon chung ah thil a cangmi, Zanlei Suimilam 3:00 tiang

Yangon chung ah thil a cangmi, Zanlei Suimilam 3:00 tiang
=====================
A tu zing tiang ah, Tamwe (Kyaukmyaung) i tuaitamnak ralkap, Palek le mipi karlak a fak thiamthiam. Thanlyin Myone, Bogyike khua ah nizan bantuk in khat lei khat lei i tuaitam nak a fak thiamthiam. Cu ka i a ummi pakhat nih a chimh ningah ralkap thazang an chamh deuh deuh i, locked down an tuah, a ti. Nizan bantuk in South Dagon cu fak lei a phanh deuh deuh nihin zongah a fak deuh deuh.

Nizan i Gen Z pawl thawng an thanh bantuk in nihin ah cheukhat lam cung ah hmunthur hlawtnak in duhlonak an langhter, (Thaketa, Sanchaung le Mayangone) Yangon Khua leng a cangmi cheukhat. Kachin Ramkulh, Myintkyina ah meithal kahnak in pakhat a thi, pakhat hma a pu. Shan Ramkulh, Muse ah lam a zawh mi an then hna, minung pakhat a thi. Tanintharyi Ramthen, Kawthaung ah meithal kah nak in pakhat a thi, pahnih hma an pu. Kachin ramkulh, Mogaung le Mandalay ahcun lamzawh nak an tuah thiamthiam. Atu zing media pakhat nih a langhter ning ahcun Feb 1. in Mandalay Ramthen, Myingyan i a thimi hi 21 an si cang tiah a langhter.

Bago Township ah, hayman capital timi Microfinance i a tuanmi Loan Officer pakhat phaisa khawmh dingah Cycle in an kal ah ralkap nih an kah hna i cycle khaltu pa athi i, a hnu ah a phirhmi nu pakhat cu ralkap nih an tlaih. Zahan a cangmi thil thlawmpal. Media pakhat ningin South Dagon, Sang 56nak ah minung pakhat an thah hnu ah lam cungah a ruak mei in an khangh(Khit Thit Media ah zoh khawh a si). South Dagon i a cangmi hi tampi an langhter rih lo, atu nai inn ka tin lio ah Taxi Driver pa nih cun minung 70 hrawng an thi lai an ti i, 100 leng hliam an tuar a ti.

Ayeyarwaddy Ramthen, Pathein ah Hlaphuanh thiam pakhat an tlaih i an hrem. SAC le EAOs- Nihin ah Brotherhood Alliance tiah auh mi (Arakan Army, Ta’ang National Liberation Army and Myanmar National Democratic Alliance Army) nih cathanh pakhat an chuah. Ralkap lei nih mipi an hremmi an thah mi an ngolh lo ahcun mipi lei in kan tanglai, kan dirlai an ti. Cu le cangka rau lo te ah, CRPH nih cathanh an chuah colh mi cu EAO an cawlhcanghnak thazang kan pek, kan support tiah an langhter. Kayin Ramkulh, Hpapun Myone ah ralkap nih Airstikes an hman ruangah minung 3,500 hrawng Thailand lei ah an zam, nain a tu zingah Thailand cozah nawl ngei tu lei nih an zapi in an thawl than hna 2013 ah US le Kawlram nih chawleh chawrawn nak, Trade and Investment Framework Agreement(TIFA) i hna tlaknak an rak ngeih mi cu US nih a ngolta than.

Bank Thawngpang Atu zing tiang ah KBZ nih thanhca an tuah mi cu, ATM in phaisa chuah ahcun nikhat ah 200,000 lawng chuah khawh a si lai a ti. CB Bank ahcu 500,000 tiang chuah khawh a si nain, ATM in voikhat chuah ah 200,000 tiang lawng aa chuah kho.(keimah pumpak ka tonmi atu nai ah) April ni 1 cu Bank vialte an khar lai. Yangon ummi caah ralrin ding tete. Aher lo ah leng chuah vah hrial ding. i tuaitamnak a fah deuh nak, Hlaing, Hlaing Thayar, Tamwe, North Dagon, North Okkala, Hledan le Myaynigone pawl hi a bik in lamzawhnak kal lo ahcun hrial deuh ah a tha. Credit: Van Lian Thang