Voi thum puah an tong i Captain pakhat tel in 7 an thi!
Breaking News; Ralhrang Motor Bomh Voi thum puah an tong than!
==========
Dawei peng ah council ralhraang motor bomb voi thum puah an tong i Captain pakhat tel in 7 an thi, pakhat hliamhma fak a tuar. Sagaing ramthen, Khin-U peng ah council ralhraang motor pawl cu April 8 le April 10 ah bomb voi thum puah an tong i Captain pakhat tel in 7 an thi, 1 hliamhma fak a tuar tiah thawng kan theih.
Khin-U in Shwebo ah a kal mi ralhraang motor hna cu မော်ကွန်းညီနောင်ဖွဲ့၊ ဒေါင်းရာဇာကာကွယ်ရေးတပ်ဖွဲ့၊ နဂါးညီနောင် tangti phu komh nih bomb an puah hna hi a si tiah kan theih.
“Nihin zing suimilaam 7:52 ah puah mi cu Khin-U peng Gyunkan le Yuathit kar ah a si. Nihin zing i puah mi bel cu a thi le hliamtuar zat kan thei rih lo. April 8 i kan puah mi ah Captain pakhat tel in 7 an thi, pakhat hliamhma fak a tuar” tiah tangti phukomh chungtel pakhat nih a chim.
Hparuso peng chung ah hmainawr in a ra mi Council ralhraang pawl KNDF nih bawh in an kah hna ca ah ralhraang 10 an thi. Karen ramkulh, Hparuso peng ah Council ralhraang le KNDF kar kahdohnak a chuak i ralhraang 10 an thi tiah kan theih.
ng
Dawngekhu le Htekaludaw khua kar ah hmainawr in a ra mi Council ralhraang pawl cu KNDF battalion-15 nih bawh in an kah hna ca ah ralhraang 10 an thi i hliamhma pu zong an tam. KNDF lei him tein kan kir than tiah KNDF battalion-15 nih an thanh.
April thla zarh khatnak chung ah Council ralhraang le KNDF phu komh kar kahdohnak chung ah ralhraang 15 nak tlawm lo an thi i KNDF in pakhat nih nunnak a pek ve tiah KNDF hmunpi nih a thanh.
Thaton GAD zung ah Penguk bawi ca ah tiin Facang tun khat le chiti pungkhat an rak chiah mi chung in bomb a puak i palek pahnih hliamhma faak an tuar, zung zong a cim. Mon ramkulh, Thaton pengkomh GAD Zung ah Peng uk bawi ca ah Facang tun khat le chiti pung khat an rak chiah; cu laksawng an chiah mi chung in bomb a puak i palek pahnih hliamhma faak an tuar, zung zong a cim tiah kan theih.
Thaton, Leikinn sang chung um Zung Komh Zung cu April 9, zaanlei suimilaam 1:30 ah bomb a puah ca ah palek pahnih hliamhma faak an tuar i zung zong a cimhnak hi a si tiah kan theih. “Thaton pengkomh GAD Zung bomb puahnak ah palek pahnih hliamhma faak an tuar.
Thil sining cu minung pakhat nih facang tun khat le chiti pungkhat a rak put i Peng uk bawi laksawng ka pek mi a si. Amah nih hika hin chia a ka ti ca ah ka rak chiah a ti i a kal. Peng uk bawi laksawng pek mi a si ca ah a hohmanh nih an thloh ngam lo. Cu laksawng chung in bomb cu a puak. Palek pahnih nih hliamhma an tuar. Zung zong a cim” tiah Thaton peng palek thawnghram nih a chim. Source: Khit Thit Media