Vawleipi Ralkap ṭhawnnak level 39th asimi, Kawl Rallokap cu:

Thlacammi Hmurka Nakin Bawmhtu Kut Kan Herh Deuh: 91
=========
Thlacam a herhlo ka ti nak asi bak lo. Thla lawngte cam lengmang i kutsamh ṭung lo ahcun, Raltei khawh asi lai maw? Sizang ramchung, Chin Ralkapbu le Uico Ralkap kahdohnak ah, Miphun Ralkapbu kut in, Uico 100 leng anciam. Jet fighters tiangin an kah hna nakin, Rallokap nih an namh khawh hrim hrim hna lo.

Vawleipi Ralkap ṭhawnnak level 39th asimi, Kawl Rallokap cu: Ni (10) chung khelte, Puahceh le Thalpat in, Chin Miphun Ralkapphu nih an derhonh khawh bak ko. Kuanzen le riakcaw adih caah, kan kir tak chung hna ti asi. A poi tak tak khi asiko. Chinmi nih an kan ṭih an ti cang ko lai. Hriam le Riakcaw a bau tuk palia.

Nihin tiang MAH kan tei rih lo mi hi: Hriamnam le Kuan kan bau tuk caah asi. Ramdang um Chin Unau Laitlai vialte, let hnih in nan kan bawmh rih a herhko. Asi khawh ahcun: Bunghhnawh System kan herh hrinhran ko. Ramthum nak ah aum ko ṭung i, Miphun Ralkapbu caah, a thawh duh ve lo hna hi, minung lungthin nan ken ko maw? Kala thawpherh hmanh a sianlo tu hlah maw nan si. Khua thuk deuh in/ fak deuh in, kan tuak piak hram uh. Ahnap kherh hmanh asian lo tu, LALA le Babu miphun na si lo kha? Chin kung cung hmin fa lawngte nansi ko ṭung.

Gangaw in arak kai mi Rallokap cu Ramsi khua ah Chin Ralkapbu pawlkomh nih an bawh ve hna. RPG, Bomb lian lian, Luancher tbk in an kah hna. Lopil khat tluk hrawng thingkung vialte an urhkang dih. Thinram le belh tiang a kangh i, a hram in a phawih dih. Thingkung hmanh an kheuh kho ti hnga maw ti awk in, vawlei tiang a puak i, awn kua le khur lawng tein a khat. Puahceh le Lai meithal in naih ngam ding asi hrim tilo.

Cucu dakaw, hechet tiah CDF/ CNA nih an namh rih cu mu. Hriamnam aathlau tuk ngamsam i, kuan le riakcaw adih caah Miphun Ralkapbu nih an kir tak hna. Matupi ah Ralokap 500 an phan chap i, an i chawkvah len timi cu: kan tei hna lo caah asilo. Kahthatnak ding hriamnam a bau tuk caah asiko. CDF a remhlo tu le soiseltu hna caah soirawl kansi cang ai. Nan tei khawh lailo, fawi tein, ka ti reng kha anti salam hoi ko laa.

NUG zong nih Paucaan, Fur tlak hlan hi cu: Adang ah phaisa hmang rih hlah uh. Hriamnam lawng cawkin kan bawmh uh. Hriamnam sawh sawh a ngah ve tilo. MAH le Rallokap thluk cikcek khawhtu, Chanthar le IT hriamnam tu kan bawmh ve cang uh. Ahlan btkin karhtawi in, khurnuar ti hna hlah seh. Zetintiah, Hriam cawk ding ah Phaisa a hleihluat tiang in, a ngeihtu, NUG asiko caah. Zeitintiah CDF/ CNA TEINAK Thantar le theihpar cu NUG nih khim tein ei in, i bar awk cu pei asi fam cu. Bawmhnak phaisa ah fir in/ vaivuan ter in khuasa ti hlah ngat uh. Khua tuak ve cang uh.

Mah tein I hliam le I puakhnawh aum tilo nakhnga, Specialist sawm uhlaw, Capacity building le Awareness training tha tein pek cang hna sih. Hi btk asi sual tikah Social Media ah thlah lo ding, office file tu ah Documentation ko uh, zei kan ti hnga, ka bawipa te le. Profet Jeremiah hna cu I tahchun duh hlah uh. Pathian nih Chiatserhnak tu na covo si sual lai. Chinmi ah Profet Jeremiah btk Pathian mining an um rihlo. Adihdongh tiang ninghngalh rai asilo te ka dua. Nangmah hi Profet si law cu; Profet si an duh lailo Chinmi nih. Profet cu mah btk ziaza le nuncan an ngeih ve lo dakaw!

Ram chung um Chin Mirum le Crony (Rallokap Crony + NLD Crony) zong tampi kan bawmh ve cang uh. Chinram le Chin Miphun na bawmh can cu atu can bak hi asi. Naa zukphiar peng ahcun, Ral kan tei tikah, na ngeihchia chawva chut dih nasi ve te lai. Dantat nasi ve ko lai. Na luat lo hrim hrim.

Thlacam hlah uh, Rawl ulh hlah uh tinak asilo. Kutsamh hnu ah thlacamnak le Rawl ulh nak lawng nih TEINAK achuah pi lai. Piasen hmanh sian ṭung lo i, Bawipa Pathian, MAH le Khuachia Rallokap hi kan TEI piak cang tiah, thla va cam hmanh, na ngeihchia chawva bunghhnawh hmasat hna law, an ti bak ko lai. Hriamtling he Ral an doh hnu ah, Israel mi cu Rawl an ulh, Buri le Puanchia an i aih i vutcam ah an ṭhu.

Moses nih Nimbo tlang ah a kut pahnih vanlei zau in thla acam. Joshua le Caleb nih Ral an doh pi hna, hriamtling he, tiah Baibol ah kan hmuh. Israel ram dirhṭhan hmasat lio, Arab ram (15) nih Jews cihmih an i timh lio ah, Ms. Golder Meir cu American Jews Miphun hna sin ah a va kal, Hriamnam cawknak caah USD 25 millions ka herh a tu bak ah, ati hna. Zionist hruaitu Staphane te nih an bawmh i, cu ni bak ah USD 25 millions an tlin ter. France ah hriamnam cawk pah in a tlung.

Cuticun Israel Hruaitu Ben Guirion le Ralbawizik Mosey Dayan te nih Arab ram (15) cu an tei cikcek. Cucu 1948 ah asi. IT chan 2022 ahcun USD 25 Millions hi a tlawm tuk cang. Cucaah Ramdang ummi, Ramchung mirum hna, Krifa thawhlawm tiang in kan bawmh uh law, kanti phahnak cu asi fam cuh. Liberal le Khuachia kan ti duh hlah uh. Khrih le a Pennak caah asiko. Credit: Saya H. Rung Kaw