vawleicung hruaitu tampi nih hi ral hi nuclear ral a tho kho asi

Ukraine War Lastest Update
======================
10th, March 5, 2022 Ukraine ralkap nih Russia hriamnam an hrawhmi: Russia ralkap 10,000 an thi cang, Vanlawng 39 an hrawh cang, Helicopter 40 an hrawh cang, Tanks 269 an hrawh cang, Miakpi 105 an hrawh cang, Armoured Vehicle Carriers 945, Rocket kahnak motor (LMRS) 50, Raltuknak tilawng 2, Car 409 an hrawh cang, Datsi rawntu motor 60, Drone (UAV) 3, Anti-Aircraft Warfare 18 Dollar billion tamtuk man an hrawh cang.

Russia Nih Ukraine Hi A La Taktak Lai Maw? NATO le vawleicung hruaitu tampi nih hi ral hi nuclear ral a tho kho asi tiah an ruah caah biatak tein remnak ser khawh an i zuam tuk ko. Nizaan ah France President Emmanuel Macron nih Russia President Putin cu minutes 90 chung a chawn i hi ral hi pumpelh dingin a nawl len nain Putin nih Ukraine hi lak hrimhrim ai tim ko, tiah a chim.

Russia nih Ukraine tuk ai timh hi US officials pawl nih a thlitein khuatuanpi khan an rak theih ziar cang, China President Xi Jimping nih Olympic a dih tikah na tuk te lai kan ram i tuahmi Olympic hi vun dih ta ko seh tiin Putin a rak chimh mi bia pawl zong US officials pawl nih an rak theih ziar ti asi. Cukong cu China nih ai pheh len ve. US official pakhat nih The New York Times sinah hi biathli hi a chim mi asi, asinain zeitindah cukong cu an theih ning asi timi cu a chim duh lo.

Russia nihin Ukraine hi a lak khawh hlan lo tuk cu ai tim taktak ko timi cu a vun fiang tuk ko cang. Hi kongah US intelligence report nih fiangtuk in a rak theih cang caah Biden nih, cu nithla ah Russia nih Ukraine a tuk lai tiah confident taktak in a rak chim ngam kha asi. Russia nih cun kan tu lai lo Ukraine ramri i ka ralkap pawl ka chiah mi pawl tham cu raltuk kan cawnnak asi, US tuhi daitein um sehlaw buainak hi a um lo deuh lai, tiah arak leh bu zongah fiangtuk in an rak theih cang caah US le UK nih hriamnam an rak bawmh hna. UK le bang nih cun training tiangin a rak pek hna.

Cuti asi ahcun Russia nih Ukraine hi lak ding hrimhrim in ai timh caah a thapi chuah in a vun nawr taktak lai caah Ukraine hi ai chang kho cawk te lai lo timi cu ai fiang. NATO le EU nih hriamnam ting khat renglo phuntling in an bawmh cang nain an bawmhnak hriamnak pawl nihhin Russia lakah teinak taktak pe kho tu hriamnam pical taktak an si lo. Russia hi tampi in thi ve hna seh tinak tluk lawng khi asi deuh.

Russia an soilem khawh zau lo ahcun a lak hrimhrim lai cu ai fiang ngai ko cang. NATO le ramdang nih Ukraine hriamnam an bawmh mi nih Russia lakah himnak taktak a pe kho lai lo timi cu Biden zong nih ai fian caah President Zelensky cu Ukraine chuahtak in zaam a rak fialnak kha asi. NATO le US nihhin fiangtuk in Russia timhmi an theih caah biakhiahnak an tuahmi pawl hi an i palh lai lo dah. Siberia Vom nih a seh cangmi cu a thlah i timh dawh asi lo.

Krimlin nih ai timh bikmi cu 2014 lio i Russia tanhtuk ruangah Ukraine nih an rak dawimi an president hlun Russia i a zaam mi Viktor Yanukovych kha president ah chiah than an i tim. Asinain Russia huatnak in a khat cangmi Ukraine cu ral sungh hmanh sehlaw cucu an cohlan khawh lai zumh asi lo. Cutik ah ramchung ral nih a vun zulh colh te lai hi zumh asi.

Tapung dirhmun in Russia ralkap le Ukraine caretaker cu doh an si te tikah Russia nih a celh te lai lo ti hi zumh a um vawleicung tuanbia zoh in. 2003 lio ah US nih Iraq a lak tiang ah ralkap 400 tluk lawng an nunnak a liam nain ral an tei hnu 2011 tiang ah Iraq ah US ralkap 4,500 nunnak a liam. Aruang cu Iraq mipi tapung dirhmun in faktuk in an doh khawh hna caah asi. Russia ca le bang ahhin cun sau a awk khawh lai zumh a um lo.

Tuchun ah Ukraine le Russia cu suimilaam 5 chung mipi nih himnak hmun an panh khawhnak hnga tiah kahdaihnak an tuahmi zong tubak ah khan Russia nih rocket in a kah cuahmah than MAH he an i dannak a um lo Putin hi. Credit: Chelsea Bawi

Russia nih Ukraine a tuahto ning cu a fak bak ko! Russia nih Ukraine a tuahto ning cu a fak bak ko. Hlan chan lio, Pathawng, misual luakchuak nih duh paoh in a derthawmmi an velh hna i, aho nih an chanh ngam hna lomi bantuk an si.

Russia nih duh paoh in Ukraine cu a den cuahmah ko nain Russia he ralthawh ttih ah an chanh ngam lo. Ukraine Ralkap nih vawlei ral Cun an khuapi an ven khawh tuk ko nain Van in Russia nih a den thluahmah tikah ithen awk le iven awk a tha lo.

Ukraine president Zalensky nih Van/ air ral tal cu kan kham piak ko sawh ulaw tiah NATO le US cu no-fly zone tuah ding a hal hna nain No-Fly Zone tuah ahcun, NATO le US Ralkap nih Russia Vanlawng kah a hau lai caah, Russia he donak a chuak colh lai tiah an ruah caah an ngamh lo.

Tutan Ukraine vs Russia war zoh tikah UN nih Russia an mawhchiat. NATO le US nih Ukraine ram hi bawmh hna sehlaw, WW3 a chuak lem lai lo. Zeicatiah, RUSSIA cu aho ram hmanh nih bamwh le chanh a tong lai lo timi a fiang ngai. Asinain Russia nih Nuclear/ Nuke hi 1600 hrawng a ngei caah, Europe khi fak tuk in a den sual lai timi an ttih caah, asi khawh chung in Ukraine pinah ral dang aa chap lo ding an ven hi, si dawh a si.

RUSSIA Ralkap nih ground/ vawlei ral Cun Ukraine khuapi lak an iharh ngai ngai. Tuhi no 10/ 10 days a si cang. Ukraine nih zeitluk indah an khuapi an ven khawh hnga? Vawlei hi, Vawlei ah misual minung pakhat nih fak tuk in harnak a pek khawh rihmi hi a poi taktak a si ko.

Russia ram ah Putin uarlotu an karh caah Martial Law order a chuah hnik tiah biavaivuan a chuak. Nizan a biachimmi zoh tikah lih le lih in Russia Mipi a hlen hna. Ukraine Ralkap nih China students, India student, le ramdang students pawl an tlaih hna ralsa an tarh hna a ti. India MP nih a chawnh i, a chimmi a hman lo. Ukraine Ralkap tu nih an zam khawhnak an bawmh lehlam hna tiah India lei in bia a chuak.

Ukraine minung, miphun thleidan hmang, Neo Nazis pawl nih Russia minung harnak an pek hna a ti. Russia 🇷🇺 ram ah bomb a thlakmi le Innlo a hrawhmi cu, anmah Ukraine ralkap nih an tuahmi bantuk in Russia state TV ah a langhter i, Russia Ralkap in hartong bawmh ah kan kalmi a si tiah a ti hna. RUSSIA Ralkap a thimi cu lukhong tampi pek ding le Ukraine ram ah ral a tumi Ralkap pawl bonus pek ding zong a chim.

Russia ram ah social media a phih i, Nitlak lei Media pawl a khar piak hna. Anmah Russia State TV lawng hi a dikmi a si tiah a chim i, West pawl cu, “Empire of lie” a ti hna. Russia 🇷🇺 ram ah US dollar tampi cawk a khap i, Russia leng ah Phaisa chuahpi zong limited a tuah.

Ukraine ram ah Ralkap a thlahmi hna lakah Kum no, Mino an tam. Ramri ah Military Drill (Rehearsal) tuah dingin a hlen hna i, Ukraine ah a kuat hna. Ruahlopi in Ukraine Ralkap he an itong tikah, an ttih. Raltuk an duh lo caah, a cheu Ralkap nihcun an mawghmi tanks datsi/ gas hna an zuhter hram i, lampi ah an itapter. A cheu Ralkap cu Ukraine Ralkap sinah surrender an tuah. Satellite hmanthlak nih a tlaihmi Russia military convoy/ truck? ruun pipi hna cu, traffic jam ah itap hna sehlaw a dawh tiah a cheu nih an ruah.

Ukraine khuapi cu a kulh hna i, chuak kho lo. Luh kho loin a tuah hna. Ukraine ah Nuclear Power plant cu an hrawh piak hna caah, winter khuasik lakah Ukraine Mipi tampi cu heat lo, le light lo in an um. Ukraine Mipi cu a zam kho zam hna seh, a zam duhlomi thi hna seh tbk phun in thlachiat a ruat bak lo ti a lang.

Putin hi 2019 Coronavirus a um hnu in midang he hlat in a um cang an ti. A cabinets pawl be hlapi in a thu zungzal. Aho ruahnak hmanh a lo bal lo. A ho hmanh nih ruahnak zong an cheuh ngam lo ti a si. RUSSIA tampi caahcun, Chan thar Nebuchadnezzar ti awk in a um. Miphun thleidannak lungput a ngei. Hlan chan ruahnak in a um. Thinlung/ ruahnak zong dik ti hlah sehlaw a dawh tiah tampi nih an ruah.

2003 lio i, US Ralkap, Iraq ram ah Kum khat hlei chung ah a thimi nakin, tutan ah RUSSIA 🇷🇺 Ralkap a thimi hi an tam deuh cang tiah an chim. A Ralkap a thimi an tam pinah, a hriamnam, tanks le jet 🛩 pawl tampi hrawh piak a si.
Khat lei in, Approval rating 35 lei ah a tlami US President Joe Bidden nih State of Union speech ah US alliance lungrualnak cu celebration a tuah ti a si.

CHINA zong a sawm khawh i, RUSIA he naite in a ummi India zong 🇮🇳 a sawm khawh hna ti a si. Russia oil le gas cu advance in Phaisa an pek cang caah, phih awk a ttha deuh cio lo ti a si. UKraine refugee cu Canada Cozah nih fawite in Canada ram rat khawhnak lam, sepcial Visa waiver in lam a sial piak hna. Credit: Zasang Cinzah