Vawlei ralpi chuahpi ding lam cun an ngamh lai zum bak an um lo!

Putin balah piah le Biden hani langh.
=========
Tulio cu Ukraine le Russia ituknak nih vawlei thawngpang hmai a chilh. Ukraine ah cun Khrihfa an tam ngai. Cu lawng si loin, annih cu biaknak ngeilo Communist phunphai a rem lo an tam. Khrihfa 70% renglo khuasaknak ram a si. Tikah, Laimi kan caah cun, Ukraine le Russia ituknak cu Tuu le Meheh ituknak bantuk khi si ko hnga.

Lai min in Pu Tin nan timi Vlardimir Putin timi pa khi USSR chan lio ah, KGB lutlai a rak si, ralkap sungṭhoh lu bik—fa damiah Khin Nyunt phun kha a si. Vawleicung ram ngan bik USSR cu pastor fapa an timi Mikhail Gorbachev chan ah a rak kuaihmal dih. Love in Action Ministry phunphai pawl nihcun kanmah thlacamnak thawngin an rak ti phah.

USSR a rak kuai tikah, Moscow ah khualipi a rak dirhtu Russia ram le miphun aa titu pawl le Keiv (Kyiv) ah khualipi aa dirhtu Ukraine ram cu a pical le a lianngancem ah an rak ichuah. Russia khi USDP le NLD phun bialobia phun khi si hna sehlaw cu, Ukraine khi cu Vakok le tuu a sunhsakmi Lai le Israel phun Pathian thimmi si dawh deuh khi an si hnga. Russia lam khi cu Meheh bantuk biaknak biapi ah ruatlo tu pawl ukmi, tinam le gas phunphai in rum tukmi pawl nih an hlirhcawimi Putin ukmi ram ti khawh a si.

Russian cii phunphai pawl khi Korea zong ah an tam ngai. US lebang ah cun tor le cheng in an khat lai. An balah a tuut, an pumrua a ngan. A thau an tam i zaraan tam deuh cu buluk bakah ka chiah hna. A hmuk taktak khi an si. Vuak zong an thiam loh. Thazaang zong cu (zaraan nakcun an va nei khom lai) an nei loh. An hur tuk, pa he nu he. Tikah, Russia pumrua ṭha ngang pawl khi ṭih awk an um lo tuk. Ka hawipa NL nihcun “voikhat hei kick i aa ngal ding pawl khi an si” a rak timi phun khi an tam.

US lei i an tarpa Biden kha nihin ah press conference a tuah i a ni salam. A hani a lang tuk i “amah ai ahkhin Trump kha cu rak si sehlaw cu an soi tuk hnga” a titu an um leen. Trump le Putin hei ti, Kim Jung-on hei ti pawl cu hawikom an si hna cu mu. Putin nihcun raltuknak thawng cu a thanh ko cang hna. Nain, aa tlerhkhawng sawh i si kho. Nihin ah Ukraine minung 139 cu an thi rua.

Putin bantuk, Kim Jung-on bantuk minung pawl nih vawlei cu an tlirh ko lai. Vawlei ralpi chuahpi ding lam cun an ngamh lai ka zum bak lo. Zeicahtiah, khi bantuk mi hrokhrol mipi thim lomi uktu pawl cu anmah ram lila ah a duh lotu an tam tuk caah a si. Ral an thawhter ngam taktak ahcun, anmah pumpak nunnak in an chungkhat, sahlawh cingla rualchan vialte khi anmah ram lila nih an thah dih hna lai.

Vawileicung ah democracy phung cu a chia tuk ko nain, vawlei caah cun, democracy nak ṭha um lo. Tikah, bing siangpahrang Khun Sa phunphai si ve komi Putin nih vawlei ral a thawhter khawh ahcun, Biden kha, US Laimi pawl nih a til nan va diit teh hauh ko la. Misual pawl buai hna seh! An balah ipiah hna seh! Mifim miṭha nih teinak an hmuh lai i vawlei a dai te ko lai fawh~!

Cu ruangah Putin balah piah khi cu Biden caah cun a hani hei ilangh men ding khi si ko, ka ti ko. Ziah na thai lo a ka titu nan um pah caah ka thai sawh. Parawfet zong cu chuak lulh ko uh. Putin buai le Kim Jong-un buai nakin TT a kangh lungfak deuh a si.Salai C Alexander

Chanthar vawlei ah (Democracy lungput ngei lo buu le minung). UN charter ning in UN Security Council ram (5) chungah ram (1) te nih a duh lo ahcun vawlei cungah zeihmanh tuah khawh a si lomi phung cu democratic principle he aa ralkahmi (Undemocratic) a si tiah ahopoah nih theihmi a si.

Germany ral a teitu hna Russia, USA, UK, France hna nih vote an i phaw. China kha Japan ral kong ah lak sawng an hei phawt ve. Hi hna ram pa (5) hna lak ah ram pakhat te nih No ka duh lo a ti ahcun Statement te hmanh chuah khawh a si lo.

Ram (5) hna lak ah ram pa (1) te nih a duh lo ahcun zei thil hmanh tuah khawh a si lomi phung cu democratic principle he aa ralkah tiah an rak doh lengmang. Asinain Communist ram an i tel caah nihin tiah UN charter pi le UNSC nawlngeihnak cu thlen khawh a si ti ai lo.

Undemocratic principle a simi vawlei cung khuazei ram le buu hmanh nih an hman lomi…. buu pakhat te nih No ti ahcun a no dihmi phung zulh a duhmi Buu le adangdang cu zoh te uh, hruaitu zong zoh te hna uh — an lungput kha undemocratic — democracy lung put a ngei lo bakmi, a ngei lo bak mi, kan ngeih ko an ti zong ah an lih mi, hrawkhrol, hrawkhrol a si.

Democracy phung cu mi tam deuh duhnak in kal a si. Buu, minung, pakhat te long nih No ka duh lo a ti ruangah zeipoh no a si lo ka pom lo timi khuakhan biachahnak cu democracy cu chim lo, lih vial te lih a si. Li hrawkhrol. Democracy kong a thei lomi nih an an tanh lai i democracy kong a fiangmi nih kan doh peng ve lai.

UN charter ning in vote ngei ram 5 dihlak lungtlin a herh hau ruangah zeihmanh thil an tuah khawh lonak kha Democracy ram a si lomi Putin aa fiang tuk. CUcaah Ukraine cu a tuar ko cang. Thatlei panh zau hram ko seh.