Vanzang Khuami Nih kan miphun ralkap caah emergency in $200k lengkai pi thazaang an chuah

Vanzang Khuami Nih kan miphun ralkap caah emergency in $200k lengkai pi thazaang an chuah
=============
Tutan dohthlennak hi kan tei hrim ko lai. A ruang cu kanmah khua, khuate pakhat bakbak hmanh nih thazaang kan chuahmi hi a men ti lo i kan miphun ning in lungrual in rian kan t’uan taktak ahcun SAC ralhrang nih celhci kan si lai lo. Kanmah khuate pakhat lawng hmanh nih a tanglei hi kan tuah cang i hmailei ah a herhning in karhlan chap kan itim.

1) Ramleng khuasa nih khuami laihritlai chungin cozah rian a nuarmi bawmhnak kan pek i kan khua ramri chungah hmun a khuarmi miphun ralkap tiangin kan telh chih hna.

2) Laitlum khuami nih fak deuh in ral a thawh tik caah an herhmi eidin le thilri zeimawzat kan zalh i hmailei zongah laihlum hruaitu nih khua an khanning poah in chapchin thluamah kan itim.

3) Kan tlang tluan le peng hoih in cawlcanghnak poah ah khua min in thawhvo tukmi kan pek dih.

4) US khuasa khuami nih kan miphun ralkap caah emergency in $200k lengkai pi thazaang kan chuah cang buin atulio ah an herhmi cunglei ral vennak hriamnam lian zalhnak ding caah bawmhnak pek dingin biachahnak lianpi kan tuah chap cang i a tlamtling lai tiah kan i ruahchan. Miphun ralkap caah hiti thazaang kan chuahmi hi kan khuami chungin miphun ralkap ah bawi le rank sang an um ruangah asi lo (miphun ralkap ah kan khuami in bawi pakhat zong an um lo), hmailei kan miphun, kan vawlei le biaknak zalennak caah fak deuh in dirkamh hrimhrim an herh tiah kan cohlan caah asi.

Kanmah khua, pengtlang le Khrihfabuu cio nih teimak chuah in kar kan hlan ahcun kan dohthlennak hi kan tei hrimhrim ko lai. Atu zong hi kan tei cuahmah cang ko. Chin ram ah dotlalo SAC ralhrang cozah nih ningcang tein cozah rian an kalpi khawhmi a um lo tluk asi. A biapi bikmi cu Pathian bochan buin lungthawng le lungsau in hmai kan nawr chin thluahmah asi. Credit: Biak Hnin Sang