Vanlawng in bomb an rak thlak hnuah pehzulh in an i kap rih tiah

Kahdohnak A Zualnak Hmun Putao Peng Chungah SAC Ralhrang Nih Vanlawng In Bomb Thlak!
==========
Zarh khat chung kahdohnak a zualnak hmun Putao peng Suam Pi Yam khua pawng Sin Kat Taung ah tuzing sml 10:00 hrawngah SAC ralhrang ralkap nih vanlawng pahnih hmangin bomb an rak thlak tiah theih a si.

Ralhrang 100 tluk ummi phu le KIA le PDF fonhmi phu karlak ah tuzing sml 6:00 hrawngin fak taktakin kahdohnak a chuah hnuin SAC ralhrang nih vanlawng hmangin bomb a rak thlak tiah khuami pakhat nih The 74 Media ah a chim.
An sungh ruangah a si ko lai, vawi hnih bak bomb an rak thlak i, Ing Yi Yan khuami hna cu himnak hmun ah an zaam tiah a chim.

Vanlawng in bomb an rak thlak hnuah pehzulh in an i kap rih tiah amah nih a chim. Lung Sia Yan khua le Taan Jia khua karlak Ing Suh Khah tiva karlak ah tuzing ah kaphnih an i kahdoh lioah hriamngan veve in an i kap tiah Lung Sia Yan khuami pakhat nih a chim.

KIA nih hriamngan in vawi 10 tluk an kah i, hriamhme zongin an kap tiah amah nih a chim. Cu kahdohnak ruangah Lung Sia Yan khua le Taan Jia khuami mipi hna cu ramtang ah an zaam tiah amah nih a chim. SAC ralhrang i bomb thlaknak ruangah Febuary 3 ah khan Suam Pi Yam khuami minung 5 hliam an tuar.

SAC ralhrang ralkap le KIA le PDF fonhmi phu karlak ah Putao peng chung Suam Pi Yam khua pawng Sin Kat Taung ah Febuary 18 zongah khan kahdohnak a chuak i, SAC ralhrang ralkap 10 tluk an thi.

Ralhrang Thazaang 100 Tluk Cu Bomb Puah Hnawh An Tong! Mu Maoh Khuapi Ummi SAC Ralhrang 100 Tluk Kahdohnak Tuah Dingin Kalmi Cu Bomb Puah Hnawh An Tong! Mu Maoh khuapi in meng (1) tluk a hlatnak Wah Wam khua ah kahdohnak tuah dingin a kalmi SAC ralhrang ralkap hna cu tuchun sml 12:30 hrawngah lam laklawhnak hmun, Kha Nan sangah bomb puah hnawh an tong tiah theih a si.

Bomb puah hnawh a tongtu SAC ralhrang ralkap 100 tluk simi cu Mu Maoh khuapi chung ummi Battalion 437 ke ralkap an si i, a thimi le hliammi zat hi theihfian a si rih lo tiah zumh tlakmi thawnglatu pakhat nih The 74 Media ah a chim.

Wah Wam leikap ah kahdohnak an rak tuah ruangah bomb in an puah hnawh hna. Bomb puah hnawhnak hmun cu Wah Wam le Kha Nan karlak ah a si i, a thimi le hliammi zat cu theihfian a si lo tiah a chim. Kachin ramkulh Mu Maoh peng chungah atu ah hin kahdohnak a fak ngai tikah khuapi chung bazar vialte cu phih dih a si tiah midang pakhat nih a chim ve.

Khuapi chung ummi dihlak nih an tih tuk caah dawr zong an hong ngam hna lo i, leng zong an chuak ngam lo tiah theih a si. Bomb puah hnawh a tongtu SAC ralhrang ခမရ ၄၃၇ Battalion umnak sakhan hmaiah a liamcia ni ah khan mipa pahnih meithal in kah that an tong.

SAC ralhrang ralkap le KIA karlak ah a liamcia (5) ah khan Mu Maoh peng chung Wah Wam khua ah an i kap ruangah Wah Wam khua telh in Lung Jia khua le Kha Nan khuami minung 1000 lengkai cu himnak hmunah an zaam.

Yi U Ah SAC Ralhrang Nih Facang Dip 2000 Telh In Mipi Ngeihmi Thilri Tamtuk An Fir! SAC ralhrang hna nih Sagaing ramthen Yi U peng chungah facang rialnak sehzung in facang dip, motor telh in innchung hmanmi thilri dangdang tampi cu Febuary 16 thawkin fir hratin an kalpi tiah theih a si.

Thazaang 80 tluk a simi SAC ralhrang nih Puk Naga khua in facang dip 2000 telh in motor, cycle le innchung thilri hmanmi dangdang tampi cu Yi U palek sakhan chungah an luhpi/ an chiah tiah min langhter a duhlotu pakhat nih The 74 Media ah a chim.

Facang rialnak seh pahnih, cinthlaknak dum pakhat chungin cinthlaknak ah an hmanmi bel, tamhnak bel, thilri phunphun zuarnak dawrah an chiahmi thilri, minung umnak innchung ummi thilri tampi zong an fir tiah amah nih a chim chih. SAC ralhrang nih ralrin peknak cathanh chuahmi pakhat hmanh umloin humhimnak la hratin atu bantukin fir in an kalpi tiah hmutu nih a chim.

SAC ralhrang hna cu Yi U le cuka khua karlak ah ralhrang 5 phu khat, ralhrang 10 phu khat tiin venhimnak an laak ter hna i, motor in thilri an thiar. Dawnkhantu um lo dingin an i ven. Zeihmanh cathanh chuahmi umloin atu bantukin fifir bangin an laak i, an kalpi tiah a chim.

SAC ralhrang ralkap hna cu Yi U peng chung Bung Zung khua pawngkam zongah Febuary 15 ah khan kahdohnak tuah dingin a kalmi ralhrang rual le mipi vengtu PDF karlak ah kahdohnak a chuah hnuin Puk Naga khua chungah lut hratin thilri fir in an kalpi nak hi ni (4) chung a si cang tiah amah nih a chim.

Sagaing ramthen ah SAC ralhrang le mipi vengtu karlak ah kahdohnak a fak ngaingai caah mipi tampi nih himnak hmunah an zaam hna i, SAC ralhrang nih khua chung ah lut hratin minung umlonak inn cu mei an khangh hi a si.

Hi Hna Unau pahnih Te hi zaangfahtuk an si ee! Gian Khin Pengah CDM Tuahtu Palek Unau Pahnih Cu An Chuahnak Caan A Phan Deng Cang Nain Kum (3) Thongtla Chap Dingin Biaceihnak An Tuahpiak!

Sagaing ramthen Gian Khin khuapi ah SAC ralhrang ralkap nih nawlngeihnak a laakmi cohlan khawhlo ruangah duhlonak langhter in a hmasabik CDM tuahtu palek Thu Rein Lyn le corporal Ta Ya Lyn unau pahnih cu SAC ralhrang nih an chuahnak a naih cang nain aruang umloin kum (3) chung thongtla chap dingin bia an chahpiak tiah anmah chungkhar sinin theih a si.

SAC ralhrang ralkap duhlonak kong cu social media ah an tial tiah sualphawt hratin Ko Thu Rein Lyn unau pahnih cu SAC ralhrang nih kum 2021 Febuary 3 ah an tlaih hna hnuah March 15 ah kum 1 chung thongtla dingin biachahnak an tuahpiak.

Kum 1 chung thong an thlakmi cu a tling cang caah an chuah lai teah thonginn chungah SAC ralhrang duhlonak an langhter tiah sual phawt than in section 505 (က) in tazacuai than hratin kum 3 chung thong an thlak than.
Ko Thu Rein Lyn unau pahnih hna cu anmah chungkhar tong kho loin SAC ralhrang nih an phihkham hna caah Patein thonginn an phak hnuin cun vawikhat hmanh an tong kho lo tiah theih a si.

Mipi Ralkap Sniper In Ralhrang 9 Bak An Kah Thah Hna, Lung A Hmui Kho Taktak! Shan-Kaya Ramri, Ni Hnih Chung Kahdohnak Ah Mipi Vengtu Ralkap Hna I Sniper Hmangin Kahnak Ruangah SAC Ralhrang Ralkap (9) An Thi!

Shan-Kaya ramri Mube ah nihnih chung kahdohnak ah sniper hmangin kahdohnak ruangah SAC ralhrang ralkap 9 an thih pinah pakhat cu a phei ah a hliam tiah mipi vengtu ralkap phu nih Febuary 18 zaan ah cathanh an chuah. SAC ralhrang ralkap 9 thi in pakhat cu a phei ah hliam tuarnak kongah sniper phu i kahnak lawng a si i, meithal dangdang i kahnak in SAC ralhrang ralkap leiah a thimi an tam tiah theih a si.

Kum 2022 Febuary 17-18 kahdohnak ah hin sniper phu i kahnak thawngin SAC ralhrang ralkap leikap ah a thimi an tam bangin mipi vengtu leikap zongah nunnak a liammi an um. Cu kahdohnak ahcun kaphnih leikap ah a thimi an um veve i, SAC ralhrang ralkap nih Febuary 18 zaan ah tank a phortu motor rual telh in ralkap motor 60 lengkai hna cu Karenni leikap ah an kal tiah theih a si.

Shan-Kaya ramri Mube ah SAC ralhrang ralkap nih thazaang tam taktakin kahdohnak tuah aa timh caah mipi vengtu Alay-Paing phu telh in mipi vengtu Demosu peng, PDF-Loikaw, PDF-Pekhon, Karenni Army Centre Kn.N.C, KNDF, Karenni Generation Z, JPDF, GZ-21 PDF, IPDF telh in an hawile dangdang he i fonhin ralhrang rual cu an kahdoh cuahmah tikah SAC ralhrang nih vanlawng tiang hmangin kahdohnak a tuah nain a sungh tuk caah a thazaang a chap chin lengmang tiah theih a si.

Nawlngeihnak a laakmi cu mipi nih daziar tein duhlonak an langhter lioah rampi phaisa hmangin rak dirhmi ralkap i thahnawnnak le ningcang loin tlaihkhihnak le hremnak ruangah mipi vengtu ralkap phu a hung chuahnak a si i, nawlngeihnak latu Min Aung Hlaing nih himnak hmunah a zaammi mipi hna nunnak hmanh zawnruahnak ngei loin vanlawng hmangin bomb thlak hratin kahdohnak a tuah hi a si.

Yangon ramtthen Hmawbi peng ralhrangraltuknak canlawng sakhan PDF nih an bomb i Jet vanlawng pahnih a khen tiah theih si. Hmaw Bi Vanlawng Sakhan Ah Vanlawng (1) Ah Dollar Million (15) Man Yak-130 Raltuknak Cu Bomb An Puah I, Pakhat Cu A Puak, A Dang Pakhat Zong A Rawk!

Yangon ramthen Hmaw Bi vanlawng sakhan ah Yak-130 raltuknak vanlawng pahnih bomb an puah i, pakhat cu a puak i, a dang pakhat bel bomb puahnak nih a khenh caah Yida system a rawk tiah ralhrang ralkap lei nih an chim.

Febuary 18 zaan sml 11:40 ah People’s Force Yangon nih Hmaw Bi vanlawng sakhan ah a ummi tlangcungmi cungah atu le atu bomb a thlaktu raltuknak vanlawng umnak cu luhhnawh in bomb an chiah i, lamhlat in control hratin an puah hnawh caah vanlawng pahnih an rawk tiah theih a si.

Yak 130 raltuknak vanlawng 1802 i Drop Tank ah bomb pakhat le Paung 250 ritmi bomb ah lamhlat in puah khawhnak bomb cu bunh chih hratin an puah tiah theih a si. Bomb puahnak ruangah Yak 130 1802 raltuknak vanlawng cu a rawk dih cikcek i, a dang Yak 130 1802 zong Yida System a rawk tiah theih a si.

Yak 130 raltuknak vanlawng hna cu Russia ssrchuahmi an si i, pakhat ah American Dollar million 15 bak an si i, Kawlram ah Yak 130 raltuknak vanlawng 18 a um tiah thawng theih a si.

Yak 130 raltuknak vanlawng hi tlangcungmi umnak ah bomb puahnak ah SAC ralhrang nih an hman hna i, Yak 130 hna cu Min Aung Hlaing tuan caan chungah order kho dingin kum 2015 ah khan hnatlaknak minsen an rak thut cang i, Kum 2017 ah a vawikhatnak ah pathum (3) an rak phan hna i, cuhnuah kum 2021 December thla chungah Yak 130 raltuknak vanlawng cu (18) bak Kawlram ah an rak phan tiah theih a si.

NUG nih kawlram khuapi lak ding Ni a phuan zau te men lai.PDF nih Yangon le Naypyidaw an naih chib lengmang.
Kawl ralhrang teinak dingah biapi cemmi hna cu, KIA, KNU, CNF le AA hna kutah aa hngat mi asi.

CDF le PDF nih heh tiah an van norpi chih hna lai i MAH hi, Ruassia ah lopher a zam te ding mi nithla hngah si zau ko lai. Pic ka taarmi khi mah btk vanlawng an bomb mi si tinak.

Kayin Ramkulh Ah SAC Ralhrang Nih A Thazaang Tam Taktakin Kahdohnak Tuah! Karenni ramkulh ah SAC ralhrang ralkap nih a thazaang tam khawh chungin kahdohnak tuah dingin an lut tiah KNDF/B-02 nih Febuary 18 zaan ah cathanh an chuah.

SAC ralhrang ralkap hna cu He Hu khuapi in ralhrang ralkap motor 40 leng, Taung Gyi khuapi in ralhrang ralkap motor 30 leng, Ka Law khuapi in ralkap motor 60 leng, Pue Bue khuapi lei in tank rual he Kayin ramkulh leiah kahdohnak tuah dingin an lut.

Kahdohnak tuah dingah a kalmi SAC ralhrang ralkap hna cu lampi in kan rak kahdoh hna nain mipi vengtu lei thazaang a der tuk. Ramkulh hme te simi Karenni cu SAC ralhrang ralkap nih a thazaang tam taktakin kahdohnak tuah aa timh cang caah mipi nih meithal le kuanfang cawk nakah phaisa kan bawm u tiah nawlnak an tuah.

Karenni ramkulh cu a hme tuk, an kan kulh dih ko lai, Internet line zong a tha tuk ti lo caah tu zarh chung hrimhrim ah a si khawh chungin bawmnak kan pe hram u. Karenni phu a simi paoh sinah bawmnak pe cio u. Raltuknak thilri he pehtlai in a man an fak tuk tikah sing (1) nan kan bawmh hmanhah AK kuanfang (20) lawng a cawk kho. Cucaah mipi nih a si khawh chungin bawmnak kan pe hram u tiah KNDF/B-02 nih nawlnak an tuah.

SAC ralhrang ralkap nih Kayin ramkulh cu vanlawng zongin kahdohnak a tuah pinah hriamngan zongin a hleihluat hmangin kahdohnak an tuah.

Pale Ah SAC Ralhrang Ralkap Rual Cu PDF Fonhmi Phu Nih An Kah Caah Ralhrang (15) Tluk An Thi! Pale khuapi in a chuakmi SAC ralhrang ralkap cu Pukpar khua le Tamarpin khua karlak ah Febuary 17 chun sml 1:00 hrawngah Saya San-PDF fonhmi phu nih an kah hna caah SAC ralhrang ralkap (15) tluk an thi tiah theih a si.

Ralhrang ralkap (60) hrawng umnak hmun cu kan va kahdoh hna tiah Saya San-PDF phu ah tuanvo ngeitu pakhat nih The 74 Media ah a chim. Panga lawng an um tiah kan kal hnawh hna nain ruahlo piin (60) lengkai kan hmuh hna tikah hnulei kir loin kutin chehmi bomb in kan puah hnawh hna tikah SAC ralhrang ralkap rual cu a khenh hna tiah amah nih a chim.

Cu SAC ralhrang ralkap rual cu PDF fonhmi phu nih nihnih chung ngiathlainak an tuah hnuah an va kahdoh tiah theih a si. Kahdohnak caan chungah SAC ralhrang nih Puk Par khua in kum 20 tluk simi Mg Hein Zaw Lat cu a lu ah meithal in an kah that tiah amah nih a chim.

Motorcycle a laak nakah SAC ralhrang ralkap he an i tong sual i, a lu ah an kah that, a thluak zong a chuak dih tiah amah nih a chim. SAC ralhrang ralkap le Saya San-PDF fonhmi phu karlak ah Sml 3:00 chung fak taktakin an i kap hna hnuah Saya San-PDF fonhmi phu leikap ah hliam tuarmi umloin an i zukphiak kho tiah theih a si.

Sagaing ramthen Pale peng chung Yi Phyu Kung khua ah a ummi SAC ralhrang ralkap le Buesawtyi phu raltuk cawnnak sakhan zong Febuary 14 ah khan mipi vengtu PDF nih luhhnawh in an kah hna caah kahdohnak a fak ngai tiah theih a si. Credit: The Federal Times