USA a ummi nulepa caah a har ngai mi cu fale caah
USA a ummi nulepa caah a har ngai mi cu fale caah
=======
USA a ummi nulepa caah a har ngai mi cu fale caah caan maw kan pek hna ngeihchiah dah ti hi a si. A pahnih in pek khawh a si lo. Thazaang nih a phan lo. Mi rumrum zong nih a pahnih an fale an pe kho hna lo.
Cucaah pakhat poh cu thim a hau. Caan na pek deuh hna ahcun fale a lung a hung fim deuh tikah hawi dang ngeihmi hngar an hung thiam lai i inn tha deuh le thil tha deuh an duh ve cang. Khatlei ah chawva deuh na kawl peng ahcun fale an lung a hung fim deuh tikah caan na kan pe lo an ti ve ko lai. Fale duhmi kan pe dih kho bal hna lo. An herhmi tu acaan lio te ah pek khawh i zuam ding a si ko.
An kum a no lio Caan pek an herh lio ah dawtnak, nun chim, ziaza sersiam hna hi an herhbikmi a si. A hung cutzat deuh tikah an herhmi a hung tam in cun an sianginn kainak le hawi hngar tuk lo in an umnak ding le fimnak an cawnnak nak lei ah nulepa nih thazaang chuah deuh ah a tha.
Amah belte, fale an no lio ah caan pek i umpi tung i a upat tikah a herh te dingmi nun chimhcawnpiak, ziaza sersiam le lai holh zong chimh khawh tung lo ahcun tinhmi rian tolh a fawi te. An hung upat deuh tik i an herhmi a dangdang kha pek khawh fawn lo ahcun hawi hngar tuk i an um tikah a pahnih in tlolh a si. A fiangmi tu cu fale caah a tlingmi nulepa an um kho lem lo. A herhmi an herh caan ah pek khawh tu hi a thabikmi a si.
Ni zan ah kan pastor Sy. That nih a chimmi a tha taktak. House maw kan herh home a ti. House cu sakmi inn khi a si i home cu inchungkhar a si. A pahnih in nulepa caah thazaang le sining chuah in fale caah pek mi an si. Zeidah kan i tinh i biapi ah kan chiah ti hi nulepa caah ruah zungzal a herh mi a si. Credit: David C. Thawng
Nichuah Lei Europe ram ah acang mi Russia-Ukraine kong he pehtlai in emergency meeting cu February ni 26 ah SAC ralhrang phu hna nih an tuah nak kong cu Irrawaddy thawngzamh nih a chim.
Mah tonbiaruah nak ah Russia-Ukraine kahdohnak ruangah Kawlram cungah zeidah thatnak achuah timi kong cu abia pi bik in ceihhmai nak an ngeihnak kong cu min langhter a si lomi minung pakhat nih a chim. A tu ning cun China nih Myanmar adoh lai lo si ko nain PDF pawl nih China chawlehnak an phihkham i SAC ralhrang nih kan kham khawh lo a si ah cun China nih Myanmar a tuk kho men tiah SAC ralhrang nih a chim.
Russia ram nih Putin nawl pek nak in February ni 24 ah khan Ukraine ram cu a tuk i mah dohnak cu SAC ralhrang nih acohlang nak kong cu Zaw Min Htun nih VOA thawngzamh zung ah a chim.
“Pakhat nak bik ah Russia nih aram hruainak uknak daihter nak caah tuanvo alak. Tuah aherh mi tuanvo lak aherh mi a si tiah ahmuh. A pahnih nak ah Russia lei in Vawleipi daihnak cu a thingmi Vawlei cung ram ah thazaang athawng bik in a dir i Vawlei cungpi hmuh ter a duh hna” tiah a chim.
Mah kong tonbiaruah nak ah cun SAC ralhrang hruaitu Min Aung Hliang nih PDF pawl nih Tuluk Chawleh nak an phih kham a si i SAC ralhrang nih kan kham khawh lo ah cun ramri a si mi China nih Myanmar a doh kho men tiah a chim.