US Um Chinmi Cheukhat Pawl, Riantuan ding a tampi ko nain, tuan huam lo hi tihnung a si!

US Um Chinmi Cheukhat Pawl, Riantuan ding a tampi ko nain, tuan huam lo hi tihnung a si!
==============
Rian tuan ding a tampi ko nain, tuan huam lo hi tihnung a si. Tulio hi US ah rian tuan ding a tam lio a si. Asinain riantuan huam lo kan tam tuk caah rian lawng a tam tuk. Mizapi maw sual puh kan si hnga, a si lo ah kan President dah sual puh a si te hnga?

Nihin kan Miphun le kan ram dirhmun zoh tik ah riantuan ding a tam hringhran ko. Tulio caan bantuk ah zei te tal tuan mi kan neih lo ahcun zeitik ah khin dah miphun ca le ram caah tuan duh nak lungthin kan i neih te hnga?
Hruaitu upa maw sual puh an si te hnga?.A si lo ah kan mah le kan mah dah sual kan i puh te hnga?

US President nih riantuan mi hna sin in Tax tampi lak i a tuan huam lo paoh bawmhnak pek ding ti hi a ruahnak a si. Cu cu a aupi zungzal ko. Riantuan mi chung in tax tampi lak nak in kan zapi rian kan tuan i tax kan pek cio khawh ahcun a let za in a tha deuh hnga ka ti.

Kan Miphun chung zong in Phaisa a thawh zungzal mi hna kha thawh rih uh thawh rih uh tiah maw kan ti zungzal hna lai? A si lo ah voikhat zong a thawh bal lo mi hna hi tah thawh hrim hrim ve hna seh tiah dah kan ti hna hnga? Retheih in a um zungzal mi hna lawng retheih peng nak in kan zapi retheih i khinh ah a tha deuh hnga lo maw? Hi zawn ahcun Mizapi mawhchiat si lo in hruaitu upa mawchiat ding a si ka ti.

CBCUSA Kan Pale Sin Nawlnak; US nuva aa thenmi kan karh ning. Mi nupi ihpi khawh hna thil ti khawh ngai ah ruah. Member a zor sual lai ti a thianghlim lo hna thianghlim bantuk thitumnak tuahpiak. Pathian mithmai zoh loin member le mirum deuh mithmai zoh in bu hruai.

Zu in nun rawk mino kan karh ning. Zatlang nun hrim ah zu din hi nunphung bantuk a cangmi miphun, zudin culture a thawnnak US phak chinchin cun ti thadeuh in ikilven timh hlei lo. I hawikomhnak, inuamnak, itonnak ah zu tel locun a tling lo ti ruah.

Zu din duh ah zu ding nakin zu ding lo mizir, lungput chia minung an tam deuh ti i din kha sual lo ah ruah
Hitluk kan hmailei kong ruah ah thingphang a simi, chunglei nun a rawk cangmi CBCUSA kan pale cheukhat nih Kawl Ralkap ahram in kan bongh lai tiin kalpi nan kan timh hi cu a si deuh vak rua lo ka ti ko ee.

US Laimi nih kan tonmi hi EMERGENCY a si, Kawlram nih tonmi khi Urgency a si cu. Khi ahram bongh nan timhmi ralkap tlukin nan member hna nunnak hi abiapi ve lo maw si? Khi ralkap bongh nan i biatak tlukin nan member pawl nunnak kong i biatak a cu ve lo maw si?

Nan member pawl khoika ah nan kan kalpi hnik, politics kong hin cun maw nan kan thui sawh cuahmah rih ko lai?
A fiang deuhmi lam hmuhsak a cu cang lo maw? Kan thi tuk rih lo caah maw ibiatak a cut lo? Kawlram kongah thazaang chuah kha a herhmi si ko. Urgency a si fawn. Amahbel, US nan member pawl nunnak hi kan daithlanhpiak ve hrim hlah uh. Thate kan ruahpiak hram ve uh tiah nawl kan duh ko hna.

Atu kan tonmi kongah, kan mitthli tampi a tla cio, kan tuar cio…khakha cu emotion si tiin hei chia ko. Atu kong hin aho minung hmanh nih nang bia chim hlah, nang chim tinak nawl an ngei lo ah ka ruah cu, ahlei in thinlung chung aa uapmi i thletnak sawhnak social media cungah.

Kanmah hna mi sasawh biachim hna pressure a si kho lo ee, ngakchia an si lo cu. Hruaitu tha nih cun khoika zawn dah ngaih ding azei ignore ding ti an thei tuk lai ti tel hmanh na zum ngam hna lo maw? A si…a si si kho lo theih khawh si rih lo ah ka ruah, lam tantim hmanh aa si rih lo le mu. (A thei tuk bantuk ka chimmi si lo, a simi te ka chim bia). Na ruahnak na chim i a tha. Hlasak kong na chimmi zong kaa lawm. Tulio zei hla hmanh aa sa huam lo, ka sak khawh tik ka ngaihpiak hram te mu.

Research ngai cu kan tuah kho lo nain ka pawngkam ah Zu ruang ( aa fimkan kho an um ve lai) anmah le chungkhar he hmailei thawn kho lo an karh. Sex ruang thlachiat ruat loin fano tiang kaltak kan tam. Cucu a phung ah kan ruah hnik cang cuh tuhi. A phung si kho lo ka ti kei cu, A si. Politics lei biaknak hi cun nang le kei kan i dan lo hmanh ah aa dangmi um rai si.

Ka pom dan cu; Politics aa tel duhmi biaknak hruaitu kha i tel ko hna seh. Aa tel duh lo va hnek ve lo, bawmhherhmi tu kha lungawtom lo tein bawm ko hna seh. Hitin ka chim tikah rambuainak donkhan si lo. Fiangte i theih hi caan sau ca a tha. Lam a fian lawngah lam hlat kan kalti kho hna lai. Lam a fian lo cun tantim ah aa ngol an tam deuh te lai ti ka cuanh ning si. Credit: Van Lian Mang

Mino tete a rawkmi kan karhmi ko hi thinphang a si. Hriamnam he a ummi an tlawm ti lo. Nai cikhua hmanh ah meithal ai kapmi kan tam ning. Kawl ralkap a hram bongh ding hi cu ka ruahnak nih a phan bak ve rih lo tutiang Kawlram dirhmun cun. Nain thim ding dang a um ve lo tikah hriamnam bochan in mi uktu cu hriamnam in lehrulh ve hrim cu an hau hoi. Kan thazaang tawk in cawlcangh tu a biapi ka ti.

Kan si cio ko hih, nizan zong East Melbourne le West Mebourne vainam sau he an i dawi len ko an ti. Lai Mi veve bak mu. Ka fapa kha nai tel ve maw ka ti le “ka hawile lawngte an si , nang cu i tel duh hlah an ka ti” a ti. Cu vial hmanh ah ka thlan a chuak ko. Vanthat ah a nih cu an buai hlan deuh in ngasio ah a kal manh. Kan pastor te nih remh ding a fawi ti loh. Keimah ruahnak ah cun politic zong i hmaithlak ve , mino kong zong cu i hmaithlaak ve ding ah ka ruah.