Misual Nih Hnuh Si Lo In Timh Ciammam In A Zaammi A Si
=========
Central Lairam, Lawngtlai 2023 Chiapa 15: 2023 Chiapa 13 zaanlei suimilaam 6:25 ah Pu HC. Vahmo, Siaha Vaihpi nih Telephone in OC, Siaha PS sinah an inntang hlangmi Pi Khai Zin Wi 32 w/o Khaisa cu misual a ho si hngakhlo nih an rak hnuh tiah a chimh.
A rannak in OC nih Duty Officer ASI.K.Lalhriatpuia le palek zeimaw nih a hmun ah an kal hnawh colh. Pi Khai Zin Wi hi a pasal Khaisa le a pasal nu Pi Sui Zing hna he khuasa an si. A pasal Khaisa hi khual a tlawn lio caan a si. An nih hi tukum Vaupi 8 khan Siaha ah a ummi an si. Laitlang an khua hi Matupi an si. Tu i an hruaimi nu Khai Zin Wi hi Kawl (Burma) taktak a Yangon mi a si.
2023 Chiapa 13 zaanlei ah an umnak inn cia ah misual hmai aa hupmi nih an hruai lio ah khan a pasal nu he an um, a pasal nu sinah tangka kongkau ah bia i ruah a hau an ti i an hruai.
Hi thil sining theih le cangka in palek nih an zulhdawi colh i Depa Palek Outpost le PS kip nih ramri khar dingin theihternak an tuah colh.
MTP. Hqrs. Siaha zong theihter colh an si i, an nih zong nih branch kip theihternak an tuah colh i kawlhawlnak tuah dingin an i zuam. Palek nih Kaochao OP ah le Siahatlah OP ah zankhuadei motor lutchuak an check.
2023 Chiapa 14 ah MTP. Hqrs. Siaha General Secretary Pu Israel Cozah nih, mitlau Khai Zin le a nu cu Auto Rickshaw in chun suimilaam 11 hrawng ah Zero Point lei ah an kal tiah a chim. Cu bia cu zuldawi in Khai Zin a pasal Sui Zing cu palek riahhmun ah auh a si i, biahalnak tuah colh a si hnuah, a pasal nu nih cun Khai Zin Wi nih hin mi tampi tangka a bat hna.
2023 Chiapa 13 chun suimilaam 11 hrawng ah Pickup pakhat in a rak la tu ding an um kong a chim. Cucaah Khai Zin Wi nih hin Myanmar ram ah zaam a duhnak kong voi tampi a rak chim. Cucaah Auto Rickshaw in an thil bag 3 he Meisatla thlacamnak lei an panh hi a si.
Thlacamnak hmun ahhin Pickup cu a rak um lo caah Zero lei panh in an kal i, amah a rak la tu ding Pickup cu Tuitawk ah a rak um, Pickup ah Khai Zin Wi a kai hnuah Sui Zing cu Siaha ah a kir. Khai Zin Wi kong mifir nih laak bantukin chim hi dikdawh a si lo, tu bantukin thil a cangmi hi timh ciammam mi a si ti a langhter.
Myanmar Leimi A Inn Cia Ah Hnuh A Si. Central Lairam, Lawngtlai 2023 Chiapa 13: Hmanthlak i kan hmuhmi hi, Myanmar lei mi fanau le pasal he Siaha Vaihpi ah khuasa mi cu nihin zaanlei suimilaam 5 hrawng ah a ho si hngalhlo Kawlholh in a holhmi minung 2 nih an umnak inn in an hnuh. An hnuh lio ahhin a pi he lawng an um lio a si, a pi hi an tlerhkhonh pah in a tunu hi an i kalpi. A umnak a theimi le a hmumi nih cun a tanglei number ahhin pehtlaihnak tuah colh ding a si lai. Credit: The Lairam Times