Hakha- Thantlang kar kahdohnak ah SAC Ralhrang Ralkap 20 An Nunnak A Liam Ve
==========
Nihin May 31 zing lei ah Hakha-Thantlang karlak, Timit ah a chuak mi kahdohnak ah CNA/CNF Nih SAC ralkap minung 20 an thah hna. Nihin zing tiangah kahdohnak pehzulh in a chuak i Sininper ralkap nih minung 6 an khen hna tiah theih asi, cun hriamnam cheukhat zong kan lak khawh tiah ralram ummi pakhat nih a chimh.
Hakha- thantlang karlak um CNA/CDF nih hmun an khuar nak ah May 25 in SAC ralhrang nih a ttang he a cung he pehzulh in kahdoh nak a tuah. May 29 kahdohnak ah SAC ralhrang nih vanlawng ral, Ke ral, hriamnam ngan le Hakha in hriannam ngan in a kah hna caah CNA/CDF Ralkap 11 ram le miphun caah nunnak a liam ve. Crdt; The Chin Journal
https://fb.watch/kT9k4ZHWL_/
Magway Ramṭhen Minhla Peng Ah PDF 8 Nunnak A Liam! Magway ramṭhen, Minhla peng Didaukkan khua pawng ah PDF nih an i citmi motor cu May 29 zan suimilam 8:00 hrawngah SAC ralkap nih an kah i PDF ralkap 8 an nunnak a liam, tiah theih a si.
Nunnak a liammi PDF cu Tayet, Kanma, Mindung in ṭangṭi phu an si i, raltuk cawn an dih in Minhla peng lei an kir lio ah atu bantuk in SAC ralkap nih an kah hna hi a si, tiah Magway ramṭhen hrambunh PDF in ṭuanvo ngeitu pakhat nih a chim.
SAC ralkap nih PDF motor an kah i ralkap 8 an nunnak a liam pinah meithal zun 7 le meithal kuan zeimawzat zong an laak. Nunnak a liammi hna chungkhar cu humhimnak ca ah kan langhter lo, tiah ṭangṭi phu in ralkap pakhat nih a chim.
May 31 zinglei zong ah Didaukkan khua in farlong 4 aa hlatnak ah meithal kuan hma in a thi mi pa pakhat ruak zong an hmuh i khuate vengtu phu chungtel a si lai tiah an zumh.
A luancia 2022 June 22 lio zong ah Pywinphyu peng Mezali hlei ah meithal phortu PDF cu Skat motor 2 in an kal lio ah SAC ralkap nih an rak kah hna i, PDF 12 nunnak a rak liam cang.