Update-CNA Ralkap Lt.Col Sang Lian Thang A Nunnak Liam!
========================
CNA ralbawi Major Sang Lian Thang cu tuzan suimilam 8:45(IST) hrawng ah Trinity Hospital, Aizawl ah lung lei zawtnak in a nunnak a liam. A ruak hi tuzan vek ah Chinram lei ah tlunpi ding a si lai, tiah thawng kan theih.
Chin National Army(CNA) ralkap Lt.Col Sang Lian Thang cu nihin July 5, zan suimilam 9:00 hrawng ah Mizoram ramkulh, Aizawl khuapi sii-inn ah pawpi damlonak ruang ah a nunnak a liam, tiah theih a si.
Lt.Col Sang Lian Thang cu SAC ralhrang nih hramhram in nawlngeihnak a laak hnu ah Chin ramkulh, Thantlang peng, Lungler khua um SAC ralhrang sakhan laaknak, Hakha-Falam kar kahdohnak, Hakha-Thantlang kar um Lungkhar kahdohnak hna ah a telpi tu hna a si, tiah kan theih.
July 5 2023 ah Chin Miphun Ralbawi lak ah minthang paral tha Lt. Colonel Sang Lian Thang ( Sang Cem) nih a dam lonak in Aizawl Sizung ah an kan liamtak tithawng ka theih cu ka celh loh. Nai te tiang kha Lingkhar Operation ah Miphun ralkap hna sin ah a um rih . Na pamtuk e maw kan Miphun paraltha ralbawi lian aw.
Kayah le Shan ramri June thlakhat chung ah a cang mi kahdohnak pawl chung ah SAC ralkap 50 deng an thi tiah KNDF nih thawngthanhnak a tuah. June thlakhat chung Kayah ram Loikaw, Demoso le Shadaw hna ah kahdohnak hme a chuak i Mese, Hpasawng le Ywarthit peng hna ah kahdohnak fak a chuak. Shan ram thlanglei Moebye le Pekon hna zong ah kahdohnak a chuak tiah theih a si.
June 5 thawk in SAC ralkap nih Moebye khuachung ah thazang tampi in an rak lut i khuachung hmunkip ah hmunhma an khuar caah Moebye PDF, Loikaw PDF, URF hna bawm in SAC ralkap pawl an doh hna i thlakhat chung ah kahdohnak fak voi 6 leng a chuak i SAC ralkap 20 leng an thi.
Pekon peng hmunhma cheukhat zong ah kahdohnak hme pawl a chuak i Moebye peng le Pekon peng chung ah kahdohnak vanlawng pawl in voi tampi bom an thlak, hriamngan an kah caah mipi inn, biaknak lei inn pawl a rawk mi an tam tiah an langhter.
Moebye khuachung ah SAC ralkap pawl nih mipi 23 a ruang um lo in an thah hna i an thah mi chung ah pa 20, nu 3 le kum 10 hrawng hngakchia 1 an i tel tiah KNDF nih cun a thanh. June thla chung ah SAC ralkap le KA, KNDF phufonh hna karlak Loikaw peng ah kahdohnak voi 7, Shadaw peng ah voi 1, Hpruso peng ah voi 4 le Demoso peng ah voi 5 tiah kahdohnak a chuak.
Cun June 13 thawk in zarhkhat chung ah Mese peng ah a um mi Thai-Myanmar ramri ah a um mi SAC BP-13 sakhaan, BP-14 sakhaan, BP-15 ah a um mi Metanwe sakhaan, BP-16 ah a um mi Taunghla sakhaan le Mese palek sakhaan, Byu-ha sakhaan hna cu KA, KNPLF, KNDF le PDF phufonh pawl nih an lak khawh i hriamngan telh in meithal le kuanzen tampi an lak khawh tiah theih a si.
SAC ralkap he kahdohnak pawl chung ah KNDF hriamtlai 3 an nunnak a liam tiah an langhter fawn. SAC ralkap nih June thlakhat chung ah Kayah ram le Moebye khua hna ah mipi 33 a thah hna i SAC ralkap hriamngan ruang ah mipi 5 an nunnak a liam i SAC vanlei kahdohnak ruang ah mipi 5 an nunnak a liam. Moebye khuachung ah SAC ralkap pawl nih pa 20, nu 3 le kum 10 hrawng hngakchia 1 a ruang um lo in an thah hna tiah KNDF nih mipi sin ah theihternak an tuah.