Chin Ralkap kut in Kawl Ralkap tam lak an thi.
=============
Timit kuang hrawn kahdohnak ah Kawl Ralkap 200 hrawng nih ral lam an sial hnu le Kawl Ralkap Vanlawng nih nihnih chung Bomb a thlak hnu ah Chin Ralkap 11 an thih pinah hliamhma pu mi tam ngai an um lio ah, Kawl Ralkap lei zongin a thi mi tam ngai an um ti ah thawng kan theih.
Kawl Ralkap Ral lam a sial mi 200 hna cu Chin National Army le Chinland Defense Forces hna nih Drone le Meithal in 20 leng an hrilh ve hna pinah Chin Ralkap Sniper nih minung 6 kawl Ralkap an hrilh ve khoh hna ti ah Salai Bawi Lian Mang nih a Facebook ah a langhter.
Kawl Ralkap a thi mi le a hliam mi hi hinak hin an tam kho, Kawl Ralkap hna hi tam ngai an thih ruang le an hliam ruangah hibantukin Vanlawng nih a van bawmh hna le Chin Ralkap umnak hmunhma ah Bomb a von thlak hi a si. Cun Min langhter a duh lo mi nih a chim ningah cun kan Chin Ralkap a thi mi hna hi Vanlawng nih Bomb a thlak mi ruangah a thi mi si lo in, Kaphnih i kahnak in a thi mi an si ti ah a ti.
Chin Ralkap ruak cheukhat hlam khoh an si rih lo. Hakha District, Chin State Timit kuang hrawn ni hnih chung kahdohnak ruangah Chin Ralkap a thi mi ruak hna cu lak khoh an si rih lo ti ah thawng kan theih.
May 28-29 chung ah fak ngai in Timit kuang ah kahdohnak a um, Kawl Ralkap 200 tluk umnak cu Chin Ralkap nih an nam caah le Kawl Ralkap nih ral lam sial in an von nam ve hna ruangah Kap hnih kahdohnak fak ngai ngai a chuak, Kawl ralkap Vanlawng nih Cunglei in a run bomh hna i Bomb tam ngai ni hnih chung a thlak caah Chin Ralkap tam ngai an thih pinah hliamhma a pu mi an tam.
Cubantukin Kawl Ralkap hna zong a thi mi le a hliam mi an tam ve ngei ngai nain kap hnih veve ah a thi le hliam zat fiang tein theih khoh a si rih lo, I kahdohnak hi a fah ngai ngai caah kap hnih in thi le hliam an tam lai ti ah ruah a si. Nihin 30- Biangreithlep – 2023 zongah pehtlai in an i kah cuahmah lio a si caah Chin Ralkap a thi mi ruak pawl hi cheukhat cu lak khoh an si rih lo ti ah theih a a si.
CDF – KKG Batallion -2 nih Training Tluangtein an lim; Chinland Defense Forces – Kalay, Kabaw Gangaw ( CDF – KKG) Batallion -2 nih Tluangtein training an lim nak kong Nihin 30- Biangreithlep -2023 ah thawng an thanh.
Hi training tuahnak ah hin CDF- KKG nih an sawm mi hna vialte an i tel kho. Hi Training ah hin lawmman phunhnuh an tuah i
1. Meithal kah thiam bik lawmman
2. Zuamnak a ngei bik mi lawmman
3. A fel bik mi lawmman hna an si. Hi zuamnak ah a pakhatnak bik cio cu lawmman zong an pek hna. Training an tuahnak hmunhma hi hmunhma langhter lo mi CDF -KKG Camp pakhat ah a si. Credite;The Phongpi Post