Ukraine Ralkap Nih Zoh chia taktak in an hlawnh!

Ukraine Ralkap Nih Zoh chia taktak in an hlawnh!
===========
Russia a tan taktak tu le tutan Russia nih Ukraine a tuknak kongah a rak i lunghmuih tukmi Ukraine nichuahlei Luhansk dalaan khuabawipa cu Ukraine pawl nih a inn ah an fir i a ruak in lamlai ah zoh chia taktak in an hlawnh!

Russia ralkap 9,000 tluk an thi cang tiah tuzaan ah Ukrainian President Voldymyr Zelensky nih a ti. Russia nih cun Ukraine I a biapi ngaimi khua Kherson kan control cang an ti nain Ukraine nih cun adik lomi asi an ti ve!

Asinain Russia nih cun 500 tluk thi in 1500 tluk hliamtuar in ai chim ve. Asinain hi bantuk ram pawl ahhin cun Ukraine nih atam leiin a chim lai i Russia a tlawm leiin ai chim khawh ve, adik bak tiin namhneh ding ahcun chim awk a tha veve lo.

Ukrainian Volodymyr Zelenskky nih tuzing (Wednesday) tiang ah Russia ralhrang 6,000 tluk kan thah cang hna tiin a chim. Tank, motor le vanlawng pawl kong report detail hi hmuh khawh asi lo caah hi kong hi cu a fekfuanmi (reliable) hmuh khawh asi lo, asinain tamtuk an hrawh cang lai timi cu ai fiang ngaingai ko.

A spokesman for the Russian Defense Ministry, Maj. Gen. Igor Konashenkov nih leklak tiin tuzing ah thawng a vun thanh ve i; Russia nih Ukraine kan kahnak ah minung 498 lawng kan thi rih i hliamhma tuar 1597 lawng kan um rih, a ti. Ukraine ralkap 2,870 tluk an thi cang i minung 3,700 tluk nih hliam an tuar cang, tiin lehnak an i tuah veve i aho biachim mi dah dik deuh lai timi cu theih khawh asi lo.

Asinain a fiang ngeimi cu NATO le US nih tank kahnak an hriamnam thabikbik le vanlawng kahnak thong tamtuk in Ukraine hi an bawmh hna caah Russia chim mi hi cu zumh khawh ding asi lo. Ukraine nih cun an nunnak pek taktak in ral an doh caah Russia hmai an fon khawh phah ti lo nak zong hi asi phah.