Ukraine president Zelensky’s office nih a chim!
Ukraine War a hnubik update
=========
Russia nih Saturday zaan le Sunday zing tiang Ukraine khuapi Kyiv cu lak dingin a thapi ai chuahsek len nain Ukraine ralkap paraltha pawl nih an phirphahlik loin an rak dawi hna. NATO nih hriamtha a bawmhmi nih tamtuk a khamh khawh caah Russia cu ai zizaang ngaingai cang i Nuclear in ai hrocer cang.
Ukraine Palai pawl Belarus ramri ah Russia biaruah dingah an phan cang, President Volodymyr Zelensky ai tel lo. Zei pipa a chuah lai zumh asi lem lo!
Russia ralkap 5,300 an thi cang i minung 200 an tlaih cang hna. Vanlawng 29 le helicopter 29 an thlak piak cang hna. Cun Su-25 le An-26 cu an mahtlak in an tla u crews an thi dih ti asi. Tanks 191 le Armoured Vehicles 816 an hrawh piak cang hna.
Russia nih Ukraine ah missiles 350 tluk an kah cang tiah US official nih an chim. Russia cu a thih a lin chin lengmang cang i ralkap thazaang thawng chinchin in Kyiv cu an vun fuh cuahmah than lio asi.
Russia delegation le Ukraine cu Monday ah Belarus le Ukraine ramri ah i chawnh biaknak an ngei lai tiah Ukraine president Zelensky’s office nih a chim. Russia nih a hriamnam tampi he Kyiv a fuh cuahmah ko tuhi, meng 40 in a naih cang ti asi.
Ukraine khuapi pahnihnak asimi Kharkiv cu a zatceo Ukraine ralkap nih kan lak khawh than, tiin New York Post nih a tial. Russia ralkap 4300 an thi cang tiin Ukraine’s defense ministry nih thawng a thanh. Tanks 146, Armoured Vehicle 536, vanlawng 27, helicopter 26 le Ilyushin Il-76 pa 2 an hrawh cang.
Ramdang I a ummi Ukraine minung 22,000 nih an ram Russia kut in chahchuah dingin an rak kir Sunday tiang ahkhan tiin AP news nih ati. US le EU Ram tampi nih the SWIFT banking an khamh piak dih. Belarus President Alexander Lukashenko nih Russia sanctions nan tuahmi nih hin Ralpi pathumnak nan chuahter sual lai tiin ralrin a pek hna.
West ram pawl an cawl sual ah tiin Russia nih a nuclear ready in a umter cang hna. Ukraine rammi Poland ah minung 150,000 in 200,000 kar ralzaam an um cang.
Russia delegation le Ukraine cu Monday ah Belarus le Ukraine ramri ah i chawnh biaknak an ngei lai tiah Ukraine president Zelensky’s office nih a chim.
Russia nih a hriamnam tampi he Kyiv a fuh cuahmah ko tuhi, meng 40 in a naih cang ti asi. Ukraine khuapi pahnihnak asimi Kharkiv cu a zatceo Ukraine ralkap nih kan lak khawh than, tiin New York Post nih a tial. Russia ralkap 4300 an thi cang tiin Ukraine’s defense ministry nih thawng a thanh.
Tanks 146, Armoured Vehicle 536, vanlawng 27, helicopter 26 le Ilyushin Il-76 pa 2 an hrawh cang. Ramdang I a ummi Ukraine minung 22,000 nih an ram Russia kut in chahchuah dingin an rak kir Sunday tiang ahkhan tiin AP news nih ati.
US le EU Ram tampi nih the SWIFT banking an khamh piak dih. Belarus President Alexander Lukashenko nih Russia sanctions nan tuahmi nih hin Ralpi pathumnak nan chuahter sual lai tiin ralrin a pek hna. West ram pawl an cawl sual ah tiin Russia nih a nuclear ready in a umter cang hna. Ukraine rammi Poland ah minung 150,000 in 200,000 kar ralzaam an um cang.
Russia He Tonbiaruahnak Ngei Kho Dingin Ukraine Ralkap Nih Nawlngeihnak Nan Laak Awk A Si Tiah Putin Nih A Chim! Ukraine ramchungum miphun a tanhtu le a dirkamhtu hna nih an fale, an nulepa, an nupile hna cu ralphaw ah an hmanmi hi nan duh awk a si lo tiah Ukraine ralkap hna cu Putin nih Russia humhimnak council tonbiaruahnak ah a chim hna.
Ukraine ralkap nih president sinin nawlngeihnak nan laak awk a si tiah Putin nih a chim hna.
Ukraine ram cu Russia ralkap nih an kahnak a ni khat nakah Putin nih Ukraine ralkap nih nawlngeihnak nan laak awk a si tiah a forh hna. Ukraine ralkap nih president sinin nawlngeihnak nan laak ahcun Russia he hmaiton tein tonbiaruahnak nan ngei kho lai tiah a chim.
Ukraine ralkap nih nawlngeihnak cu nan kutchung ah nan laak awk a si. Cu lawnglawng ah hmaiton in biaruahnak a um kho lai tiah Putin nih a chim. Cupinah Russia ralkap nih Ukraine ramchung ah raltha taktakin kahdohnak an tuah tiah Putin nih a lunglawmhnak bia a chim.
Asinain a ngaingai ti ahcun Ukraine mipi sawhsawh cungah Russia ralkap tuahto ning hi a ruhrang tuk tiin online cung zongah a laar ngaingai i, line cungah an thlahmi video pakhat ahcun Ruusia tank nih Ukraine ramchung mipi sawhsawh motor cu laak awk tlak loin an rialpiakmi hmuh a si.
Ukraine President cu Russia caah ral nganbik, tlaih le thah an duhmi a si. Ukraine President le a chungkhar hna cu ramchungah an um rih ko ti a si nain fiang tein chimphuannak a um lo. Russia ralkap nih Ukraine khualipi bik cu kharkhumh in luhnawhnak an tuah cang nain fak taktakin lehrulhnak le kahdoh an tong cuahmah lio tiah theih a si.
Ukraine President Nih Russia President Putin A Chim Mi Cu A Cohlang! Mah hi Rel Hmsa; Hih Hih Ukriane President Volodymyr Zelensky A si, Hruaitu Ttha Timi Cu Hihi A Si. Ukraine president Volodymyr Zelensky cu a president sinak angki thuam cu i phawih in Ukraine Ralkap thuam aa hruk.
Ukraine president nih kan nih cun number one si ding in kan i zuam tiah a chim i ka ralkap pawl he ral hmai ah kan kal ti lai tiah a chim. Hruaitu ttha timi cu Ukraine president bantuk hi an si. A thilthuam vialte phoih dih in raldoh nak thuam hruk in mipi himnak caah raldoh aa thawhtu Ukarain president Zalensky nih mi tampi nun a chimh hna.
Cun Ukraine lawng nih kan doh tiah Ukraine President nih a lungfahnak chim. Ukraine President Vokodymyr Zelenskyy nih Ukraine ram bomhding le a rulhrang tukmi Russia dohnak dirter dingah nitlak hawikomh phu pawl sinah bomh a hal ṭhan.
“Kanmah Ukraine ram lawng nih kan doh. Ram ṭhawngṭha pawl nih a langhlat lawngin an kan zoh” tiah President Zalenskyy nih February 25 zing a biachimnak ah a telh. “European i ram 27 hruaitu pawl he biaruahnak kan ngei. Ukraine ram hi NATO chung tel a si taktak lai maw tiah ka hal hna i an ṭih caah hohmanh nih an ka let lo.
Sihmanhsehlaw, kan nih cu hohmanh kan ṭih lo. Russia zong kan ṭih lo i Russia he biaruah ding zong kan ṭih lo” tiah a chim fawn. February 24 ah tuahmi sanctions pawl hi Russia lungṭul dingin maw an lemnak a si tiah biahalnak a tuah i mah sanction lawng nih a zat lo tiah Ukraine President nih a chim.
American President Joe Biden zong nih Amerian ralkap pawl cu Russia le Ukraine karlak raltuknak ah an i tel lai lo. G7 hruaitu pawl he biaruahnak kan ngei i hnatlaknak kan ngeihmi cu Russia nih a hmailei caah a tuarte ding Chawleh lei sanctions pawl tuah hi a si tiah a chim.
Zing khuaceu hlan deuh ah, Kyiv khua cu hriam ngan (missile) in kah kan tong tiah President Zelenskyy nih a fianter. Ukraine caan zing sml 4:00am tluk in kahdohnak hi aa thok i Russia nih mipi pawl ka hnawrsuang hna lai lo a ti ko nain Russia kahdohnak cu ralkap lei le mipi lei he a tuah tiah a peh.
Russia nih Ukraine a Luh Hnawh Zingka ah Khupbil in Thla a Cammi Ukraine Khrihfa pawl. February 24 zingka, Ukraine ram Kharkiv khuami pawl cu Russia bomb thawngpang nih ihkhun cung in a hlauh hna. Cu lio ah cun innleng (Town Square) ah khupbil in Pathian sin ah thla a cammi mibu fate zong an um ve.
Live in thawngpang a chim liomi CNN Journalist Clarissa Ward nih thla a cammi pawl cu a hmuh hna tik ah a chim liomi thawngpang a ngol i, “Hikahin khupbil in thla an cam hna. Mi lung a tawng tuk hringhran,” tiah a chim.
Ukraine rammi 90% hrawng hi Khrihfa an si hna.
Russia nih atu bantuk in aruang um loin a hun luh hnawh tik ah Ukraine biaknak lei upate nih Psalm 31 rel in Pathian sin bawmh hal thlacam cio ding in rammi pawl an forhfial. Ukrainian Bible Society zong nih, “Kan ram nih kan tonmi nganfahnak hi kan tuarpi ve hram u. Pathian sin thlacamnak in kan bawm cio u,” tiah Twitter ah thlacam bawmh halnak an ttial.
Ukraine ralkap nih “Russia ralkap 2800 hrawng an kan thah cang hna! Raltuknak mawtaw 516, raltuknak vanlawng 10 le raltuknak helicopter 7 kan hrawh piak cang ee”, an ti. Russia cu an i ngaichih pah cang rua dah ka ti. Cei ve ko hna seh!
Ramchung Mi Luhhnawh Hmangtu Russia Ralkap Tank (500) Tluk Cu Kan Hrawhpiak Khawh Tiah Ukraine Nih Cathanh Chuah!
Ukraine ramchung ah Russia i luhhnawh kahdohnak nikhat chung Febuary 25, anmah ram zanlei sml 3:00 tiangah Russia ralkap 2800 lengkai an thi kho i, Russia ralkap hmanmi tank 500 lengkai zong kan hrawhpiak kho tiah Ukraine ramchung runvennak minister lutlaibik changtu nih cathanh a chuah.
Kum 2022 Febuary 24 thawkin Febuary 25 anmah ramchung zanlei sml 3:00 tiangah ke ralkap, vanlawng ralkap hmangin luhhnawh in kahdohnak tuahtu Russia ralkap 2800 lengkai an thi kho cang i, kuanfang khamnak motor 516, tank 80, raltuknak vanlawng 10, helikopter 7, tiin kan hrawhpiak khawh cang tiah cathanh an chuah hi a si.
Atu caan karlak ah runvennak vuanci changtu nih Russia ralkap a thimi zat le an seh thilri a rawkmi zat lawng cathanh an chuahmi a si i, Ukraine leikap ah Febuary 24 nikhat lawngah a thimi 137 le hliam tuartu 316 zat lawng cathanh an chuah rih.
Ukraine ramchung ah luhhnawh in kahdohnak ah an hmanmi vanlawng le helikopter an kah thlakpiak hna tikah vanlawng cheukhat cu minung umnak inn cungah an tlak ruangah inn zong mei nih a kaangnak kong zong Ukraine ramchung mei thattu phu nih cathanh an chuah ve. Luhhnawhnak le kahdohnak tuahtu Russia ralkap a thimi an tam bangin tlaihmi zong an um i, an tlaihmi hna cu Ukraine nih an hrenh chung rih hna tiah theih a si.
Russia leikap nih vawlei in siseh vanlawng hmangin siseh pehzulh in kahdohnak a tuahmi cungah Ukraine ralkap hna nih hmailei caah ral an do i, raltha taktakin an kahdoh caah Ukraine ralkap cungah upatnak kan pek hna tiah runvennak vuanci nih cathanh a chuah.